പനമരം ടൗണിൽ ട്രാഫിക്​ പരിഷ്കരിക്കുന്നു

പനമരം: ടൗണിൽ ഏപ്രിൽ ഒന്നുമുതൽ ഗതാഗത പരിഷ്ക്കാരം നടപ്പാക്കുമെന്ന് പനമരം ഗ്രാമപഞ്ചായത്ത് പ്രസിഡൻറ് പി.എം. ആസ്യ ടീച്ചറും വൈസ് പ്രസിഡന്‍റ്​ ഷിനു പാറക്കാലായും വാർത്തസമ്മേളനത്തിൽ അറിയിച്ചു. ആറ് വർഷമായി ടൗണിൽ ഗതാഗത പരിഷ്ക്കാരം നടത്തിയിട്ട്. അഞ്ചോളം ട്രാഫിക് അഡ്വൈസറി ബോർഡ് വിളിച്ച് ചേർത്താണു തീരുമാനമെടുത്തതെന്നു ഇവർ പറഞ്ഞു. പരിഷ്ക്കാരങ്ങൾ നടപ്പാക്കുന്നതിന്​ ജനങ്ങളുടെ സഹകരണം ഉണ്ടാവണമെന്ന് പ്രസിഡന്‍റ്​ ആവശ്യപ്പെട്ടു. വാർത്തസമ്മേളനത്തിൽ ആരോഗ്യ സ്ഥിരംസമിതി ചെയർമാൻ കെ.ടി. സുബൈർ, വികസനകാര്യ സ്ഥിരംസമിതി ചെയർപേഴ്സൻ ഷീമ മാനുവൽ എന്നിവരും പങ്കെടുത്തു. ഏപ്രിൽ ഒന്നു മുതൽ നടപ്പാക്കുന്ന ഗതാഗത പരിഷ്കാരങ്ങൾ: 1. നടവയൽ റോഡ് ഇടതുവശം സ്വകാര്യ കാർ പാർക്കിങ്​. വലത് ഭാഗത്ത് നോ പാർക്കിങ്​. 2. ബ്ലോക്​ ഓഫിസ് റോഡ് ജങ്​ഷൻ മുതൽ ന്യൂ സ്റ്റോർ വരെ ഓട്ടോ സ്റ്റാൻഡ്​ (നിലവിലുള്ളത്). 3. സഫ ബേക്കറി മുതൽ ദീപ്തി മെഡിക്കൽ ഷോപ്പ് വരെ ഓട്ടോ സ്റ്റാൻഡ്​. 4. സി.എച്ച് വെജിറ്റബിൾസ് മുൻവശം മുതൽ റോഡിലെ വളവ് തീരുംവരെ നോ പാർക്കിങ്​. 5. എം.എ ബേക്കറി മുതൽ പഴയ നടവയൽ റോഡ് ജങ്​ഷൻ വരെ ഓട്ടോ സ്റ്റാൻഡ്. 6. ലാ ബസാർ ബിൽഡിങ്​ മുതൽ പഞ്ചായത്ത് ഓഫിസ് വരെ ഓട്ടോ സ്റ്റാൻഡ്​ 7. അത്താണി ഷോപ്പ് മുതൽ രാധേഷ് തിയറ്റർ ജങ്​ഷൻ വരെ നോ പാർക്കിങ്. 8. രാധേഷ് തിയറ്റർ മുതൽ ട്രാൻസ്​ഫോർമർ വരെ ടൂറിസ്റ്റ് ടാക്സി സ്റ്റാൻഡ്​. 9. ട്രാൻസ്​ഫോർമർ മുതൽ മാവേലി സ്റ്റോർവരെ ത്രിവീലർ ഗുഡ്സ് സ്റ്റാൻഡ്​. 10. കേരള ബാങ്ക് മുൻവശം ബൈക്ക് പാർക്കിങ്​. 11.മേച്ചേരി റോഡ് ഇടത് വശം ടാക്സി ജീപ്പ് സ്റ്റാൻഡ്​. മറുവശം നോ പാർക്കിങ്. 12. മാവേലി സ്റ്റോർ മുതൽ പ്രൈവറ്റ് കാർ പാർക്കിങ്​. മറുവശം നോ പാർക്കിങ്. 13. കേരള ബാങ്ക് മുതൽ ഫോർ വീലർ സ്റ്റാൻഡ്​. ട്രാക്ടർ സ്റ്റാൻഡ്​ നിലവിലുള്ളത്. 14. ചന്തുവേട്ടൻ വർക്ക് ഷോപ്പ് മുതൽ റോഡിന്‍റെ വലതുവശം കോൾ ടാക്സി പാർക്കിങ്​. 15. കാർഷികവികസന ബാങ്കിന്‍റെ മുന്നിൽ റോഡിന്​ ഇടത് വശം ടൂറിസ്റ്റ് ടാക്സി സ്റ്റാൻഡ്​. 16. നിരട്ടാടി റോഡ് വലത് വശം പ്രൈവറ്റ് വാഹന പാർകിങ്ങും ആംബുലൻസ് പാർക്കിങ്ങും. കൊഴുവണ-വീണ്ട്യംവയൽ റോഡ് ഉദ്ഘാടനം നെന്മേനി: തമിഴ്നാട് മാങ്ങോടിനെ ബന്ധിപ്പിക്കുന്ന കൊഴുവണ-വീണ്ട്യംവയൽ റോഡ് പഞ്ചായത്ത് പ്രസിഡൻറ് ഷീല പുഞ്ചവയൽ ഗതാഗതത്തിന് തുറന്നു കൊടുത്തു. റോഡിന്‍റെ പ്രധാന ഭാഗം പതിറ്റാണ്ടിലേറെയായി കേസിലകപ്പെട്ട് വിപുലീകരണ പ്രവർത്തനങ്ങൾ ഒന്നും നടന്നിരുന്നില്ല. കോടതി അദാലത്തിൽ 2019 ലാണ് തീർപ്പായത്. അന്നത്തെ വാർഡ് മെംബർ കെ.​സി​.കെ തങ്ങൾ ഒമ്പത് ലക്ഷം രൂപ വകയിരുത്തി. ഇപ്പോൾ മച്ചിങ്ങൽ ഭാഗം ടാറിങ്​ പ്രവൃത്തി പൂർത്തീകരിച്ചു. റോഡിന് വീതികൂട്ടാൻ പാതയോരത്തുള്ള ഭൂവുടമകൾ സൗജന്യമായി സ്ഥലം വിട്ടുനൽകി നാടിന് മാതൃകയായി. ഒരു ലക്ഷം രൂപയോളം റോഡ് പ്രവൃത്തിക്ക് വേണ്ടി ഇവർ ചെലവഴിക്കുകയും ചെയ്തു. നോട്ടീസ് അടിച്ച് പരസ്യം ചെയ്തും പായസവിതരണം നടത്തിയും പ്രദേശവാസികൾ ഉദ്​ഘാടനം ആഘോഷമാക്കി. ഉപഹാര സമർപ്പണവും നടത്തി. വാർഡ് മെംബർ വിനോദിനി രാധാകൃഷ്ണൻ അധ്യക്ഷത വഹിച്ചു. പഞ്ചായത്ത് പ്രസിഡന്‍റ്​ ഷീല പുഞ്ചവയൽ ഉദ്ഘാടനം ചെയ്തു. ജനപ്രതിനിധികളായ ജയ മുരളി, വി.ടി. ബേബി, എടക്കൽ മോഹനൻ, സമിതി കൺവീനർ വി.ടി. രാജു, മുൻ മെംബർ കെ.സി.കെ തങ്ങൾ, പ്രധാനാധ്യാപകൻ എം.ടി. ബിജു, പി.ടി.എ പ്രസിഡന്‍റ്​ സി.എം. ഷിജു, പോൾ ജോസഫ് എന്നിവർ സംസാരിച്ചു. SATWDL3 കൊഴുവണ-വീണ്ട്യംവയൽ റോഡ് പഞ്ചായത്ത് പ്രസിഡന്‍റ്​ ഷീല പുഞ്ചവയൽ ഉദ്ഘാടനം ചെയ്യുന്നു കൺവെൻഷൻ വൈത്തിരി: എൻ.ആർ.ഇ.ജി.എ വൈത്തിരി പഞ്ചായത്ത് കൺവെൻഷൻ എൻ.ആർ.ഇ.ജി.എ സംസ്ഥാന കമ്മിറ്റി അംഗം എൽസി ജോർജ്​ ഉദ്ഘാടനം ചെയ്തു. എസ്. ചിത്രകുമാർ, സി. ഹുസൈൻ എന്നിവർ സംസാരിച്ചു. രേഖ രവി സ്വാഗതവും സുമ ചന്ദ്രൻ നന്ദിയും പറഞ്ഞു. തൊഴിലുറപ്പ് പദ്ധതിയിൽ ജാതി തിരിച്ചുള്ള വിവേചനം അവസാനിപ്പിക്കണമെന്ന്​ കൺവെൻഷൻ ആവശ്യപ്പെട്ടു. ഭാരവാഹികൾ: ധന്യ സുബ്രഹ്മണ്യൻ (​പ്രസി.), സി. ഹുസൈൻ (സെക്ര.), സുമ ചന്ദ്രൻ (ട്രഷ.).