തൊഴിലാളികൾക്ക് കൂലി നൽകുന്നതിൽ വീഴ്ചവരുത്തുന്നതായി പരാതി

ഗൂഡല്ലൂർ: സിൽവർ ക്ലൗഡ് എസ്റ്റേറ്റിലെ തൊഴിലാളികൾക്ക് ശമ്പളം നൽകുന്നതിൽ മാനേജ്‌മെന്റ് വീണ്ടും വീഴ്ച വരുത്തുന്നതായി പരാതി. തൊഴിലാളികൾക്ക് ആഴ്ചക്കൂലിയും ശമ്പളവും കൃത്യമായി നൽകാത്തതിൽ പ്രതിഷേധിച്ച് എസ്റ്റേറ്റ് പ്രവേശനകവാടത്തിനു മുന്നിൽ ഉപരോധസമരം നടത്തിയിരുന്നു. തൊഴിലാളികളുടെയും മാനേജ്‌മെന്റിന്റെയും യൂനിയൻ പ്രതിനിധികളുടെയും സാന്നിധ്യത്തിൽ ലേബർ കോടതിയിൽ അനുരഞ്ജന ചർച്ച നടത്തിയിരുന്നു. കുടിശ്ശിക നൽകാനും ചർച്ചകളിൽ ധാരണയായെങ്കിലും മാനേജ്‌മൻെറ് വീണ്ടും വീഴ്ച വരുത്തുകയാണ്. ഒരാഴ്ചക്കുള്ളിൽ പ്രശ്‌നം പരിഹരിച്ചില്ലെങ്കിൽ ഓഫിസ് ഉപരോധിക്കുമെന്ന് പ്ലാന്റേഷൻ ലേബർ അസോസിയേഷൻ (എ.ഐ.ടി.യു.സി) യൂനിയൻ നേതാവ് എ.എം. ഗുണശേഖരൻ അറിയിച്ചു.