തടവുകാർക്ക് ബോധവത്​കരണ ക്ലാസ്

മാനന്തവാടി: സാമൂഹികനീതി വകുപ്പ് പ്രബേഷൻ ഓഫിസുകൾ വഴി നടപ്പാക്കുന്ന നേർവഴി പദ്ധതിയുടെ ഭാഗമായി ജില്ല പ്രബേഷൻ ഓഫിസിന്‍റെ ആഭിമുഖ്യത്തിൽ മാനന്തവാടി ജില്ല ജയിൽ, വൈത്തിരി സ്പെഷൽ സബ്ജയിൽ എന്നിവിടങ്ങളിലെ തടവുകാർക്ക് വേണ്ടിയുള്ള ജീവിത നൈപുണി പരിശീലനവും നിയമ ബോധവത്​കരണവും പരിപാടിക്ക് തുടക്കമായി. മാർച്ച് ആറുവരെ നീളുന്നതാണ്​ പരിശീലന പരിപാടി. ഉദ്ഘാടനം മാനന്തവാടി ജില്ല ജയിലിൽ ജില്ല പ്രബേഷൻ ഓഫിസർ കെ.കെ. പ്രജിത്ത് നിർവഹിച്ചു. ജില്ല ജയിൽ സൂപ്രണ്ട് ഒ.എം. രതൂൺ അധ്യക്ഷതവഹിച്ചു. ജയിൽ വെൽഫെയർ ഓഫിസർ ജെ.ബി. രജീഷ്, പ്രബേഷൻ അസിസ്റ്റൻറ് പി. മുഹമ്മദ് അജ്മൽ, വനിത അസിസ്റ്റൻറ് സൂപ്രണ്ട് നിഷാമണി, അഡ്വ. മനിത മൈത്രി തുടങ്ങിയവർ സംസാരിച്ചു.