പൊലീസുകാരനെ അറസ്റ്റ് ചെയ്യണമെന്നാവശ്യപ്പെട്ടുള്ള സമരം തുടരുന്നു

ഗൂഡല്ലൂർ: പൊലീസുകാരനെ അറസ്റ്റ് ചെയ്യണമെന്ന് ആവശ്യപ്പെട്ടുള്ള റവന്യൂ ജീവനക്കാരുടെ പണിമുടക്ക് തുടരുന്നു. തെരഞ്ഞെടുപ്പ് ജോലിക്ക് നിയോഗിക്കപ്പെട്ട ​ൈഫ്ലയിങ് സ്ക്വാഡിലെ വനിത കോൺസ്റ്റബിളിനോട് ലൈംഗിക അതിക്രമം കാണിച്ചു എന്ന പരാതിയിൽ അറസ്റ്റ് ചെയ്ത തഹസിൽദാർ ബാബുവിനെ പൊലീസ് സ്റ്റേഷനിൽവെച്ച് കോൺസ്റ്റബിൾ ദിവാകർ ദേഹോപദ്രവം ചെയ്തതിൽ പ്രതിഷേധിച്ചാണ് നീലഗിരി ജില്ലയിലെ റവന്യൂ വകുപ്പ് ജീവനക്കാരും അസിസ്റ്റൻറ് ജീവനക്കാരുടെയും നേതൃത്വത്തിൽ ഓഫിസ് ബഹിഷ്കരണം നടത്തി രണ്ടാംദിവസമായ ബുധനാഴ്ചയും പണിമുടക്ക് നടത്തിയത്. ജില്ലയിലെ റവന്യൂ ഓഫിസുകളിലെ പണികൾ മുടങ്ങിയിട്ടും അധികൃതരുടെ ഭാഗത്തുനിന്ന് ഒരു നടപടിയും ഉണ്ടായിട്ടില്ല. റവന്യൂ ഓഫിസ് സംബന്ധമായ ആവശ്യങ്ങൾക്ക് വന്ന പൊതുജനങ്ങൾ ഇക്കാരണത്താൽ തിരിച്ചു പോകേണ്ട അവസ്ഥയാണ് നേരിടുന്നത്.