അടിസ്ഥാനസൗകര്യം അകലെ; പൊറുതിമുട്ടി പൂളക്കുന്ന് കോളനിക്കാർ

അടിസ്ഥാനസൗകര്യം അകലെ; പൊറുതിമുട്ടി പൂളക്കുന്ന് കോളനിക്കാർ കൽപറ്റ: മലയോരമേഖലയിൽ സ്ഥിതിചെയ്യുന്ന പൂളക്കുന്ന് കാട്ടുനായ്ക്ക കോളനിയിൽ ഇനിയും അടിസ്ഥാനവികസനം അകലെ. കുടിവെള്ളം, റോഡ്, വന്യമൃഗ ശല്യം തുടങ്ങിയ പ്രശ്​നങ്ങൾമൂലം ദുരിതംപേറി കഴിയുകയാണ് കോളനിവാസികൾ. മേപ്പാടി പഞ്ചായത്തിലെ 16ാം വാർഡിൽ ഉൾപ്പെടുന്ന കോളനിയിലുള്ളവരാണ് ദുരിതത്തിൽ കഴിയുന്നത്. ഇവിടെ കാട്ടുനായ്ക്ക വിഭാഗക്കാരായ 15 കുടുംബങ്ങളാണുള്ളത്. കോളനിക്കാർക്ക് സഞ്ചരിക്കാൻ നല്ലൊരു റോഡില്ല. സ്വകാര്യ എസ്​റ്റേറ്റിൽകൂടി കടന്നുപോകുന്ന ചെങ്കുത്തായ റോഡിൽ യാത്ര ദുഷ്​കരമാണ്​. റോഡ്​ മോശമായതിനാൽ വാഹനങ്ങൾ വരാൻ മടിക്കുന്നു. മേപ്പാടിയിൽനിന്ന്​ നാലു​ കിലോമീറ്ററുണ്ട്​ കോളനിയിലേക്ക്​. ഇതിൽ കോളനിക്ക് സമീപം 200 മീറ്ററോളം ഭാഗത്ത്​ മാത്രമാണ് കോൺക്രീറ്റ് ചെയ്തത്. നിലവിൽ അരുവികളിൽനിന്ന്​ പമ്പ് ഉപയോഗിച്ച് വെള്ളം വീടുകളിൽ എത്തിക്കുകയാണ് പതിവ്. വേനൽ തുടങ്ങിയാൽ കടുത്ത കുടിവെള്ളപ്രശ്‌നം നേരിടും. വർഷങ്ങൾക്കുമുമ്പ് പി.വി.ടി.ജി പദ്ധതി പ്രകാരം ജല അതോറിറ്റി കോളനിക്ക് സമീപം വാട്ടർ ടാങ്ക് സ്ഥാപിച്ച്​ കുടിവെള്ളപദ്ധതി ആവിഷ്കരിച്ചങ്കിലും പ്രവർത്തനം ഇപ്പോൾ നിലച്ചതായി കോളനിക്കാർ പറഞ്ഞു. രാത്രി ഇരുട്ടിയാൽ സമീപത്തെ വനത്തിൽനിന്ന്​ എത്തുന്ന ആനക്കൂട്ടം കോളനിയിൽ തമ്പടിക്കുന്നതിനാൽ ഭീതിയോടെ കഴിയേണ്ട സ്ഥിതിയാണ്. സ്ഥലമുണ്ടെങ്കിലും കൃഷിയിറക്കിയാൽ ആനക്കൂട്ടം നശിപ്പിക്കുമെന്നും വനംവകുപ്പി​ൻെറ ഫെൻസിങ് ഗുണകരമല്ലന്നും ആക്ഷേപമുണ്ട്. കോളനി വികസനത്തിനായി നിരവധി നിവേദനങ്ങൾ അധികൃതർക്ക് നൽകിയിട്ടും അവഗണന മാത്രമാണ് ഫലമെന്നാണ് കോളനിക്കാർ പറയുന്നത്.TUEWDL1പൂളക്കുന്ന് കോളനിയിൽ സ്ഥാപിച്ച ഉപയോഗശൂന്യമായ വാട്ടർ ടാങ്ക് TUEWDL2കോളനിയിലേക്കുള്ള ഗതാഗതയോഗ്യമല്ലാത്ത സ്വകാര്യ റോഡ് വെള്ളപ്പൊക്കഭീഷണിയിൽ കൊളവള്ളിപുൽപള്ളി: വെള്ളപ്പൊക്കഭീഷണിയിൽ കൊളവള്ളിയിലെ തീരപ്രദേശങ്ങൾ. ജില്ലയിൽ പെയ്ത മഴയുടെ കരുത്തിൽ വയനാട് അതിർത്തിയിൽനിന്ന്​ ഏറെ അകലെയല്ലാത്ത ബീച്ചനഹള്ളിയിലെ അണക്കെട്ട് നിറഞ്ഞു. ഇതോടെ പകൽസമയത്ത് മാത്രമാണ് ഡാമിൽനിന്ന്​ വെള്ളം പുറത്തേക്ക് ഒഴുക്കുന്നത്. കർണാടകയിലെ കൃഷിയിടങ്ങളിൽ രാത്രികാലങ്ങളിൽ വെള്ളം കയറാതിരിക്കാനും ഗ്രാമപ്രദേശങ്ങളെ വെള്ളപ്പൊക്ക ഭീഷണിയിൽനിന്ന്​ അകറ്റുന്നതിനുമാണ് ഇങ്ങനെ ചെയ്യുന്നത്. എന്നാൽ, ഡാം അടക്കുന്നതോടെ റിസർവോയറിലടക്കം വെള്ളം നിറയുന്നു. ഈ വെള്ളമാണ് ഒഴുക്കുനിലച്ച് കബനിയുടെ തീരപ്രദേശങ്ങളിലേക്ക് കയറുന്നത്. കഴിഞ്ഞ ദിവസങ്ങളിൽ കൊളവള്ളി വയലിലടക്കം വെള്ളം കയറി. കർണാടക തമിഴ്നാടിനുള്ള ജലവിഹിതവും നൽകിക്കൊണ്ടിരിക്കുകയാണ്. രാത്രികാലത്ത് ഡാം അടക്കുന്നത് കേരള അതിർത്തിപ്രദേശങ്ങളായ കൊളവള്ളി, കൃഗന്നൂർ പ്രദേശങ്ങളിൽ വെള്ളപ്പൊക്കഭീഷണി ഉയർത്തുകയാണ്. ​TUEWDL4കൊളവള്ളിയിൽ കബനി തീരത്ത് വെള്ളം കവിഞ്ഞ് വയലിൽ കയറിയ നിലയിൽകൈരളിക്കൊരു കൈത്താങ്ങ് പദ്ധതിക്ക്​ തുടക്കംസുൽത്താൻ ബത്തേരി: ആഗോള പ്രവാസി സംഘടനയായ വേൾഡ് മലയാളി ഫെഡറേഷൻ (ഡബ്ല്യൂ.എം.എഫ്) കോവിഡ് പ്രതിരോധ പ്രവർത്തനങ്ങൾക്ക് കേരളത്തെ സഹായിക്കുന്നതിനായി നോർക്ക റൂട്സുമായി സഹകരിച്ച്​ നടത്തുന്ന കൈരളിക്കൊരു കൈത്താങ്ങ് പദ്ധതി ജില്ലതല ഉദ്‌ഘാടനം സുൽത്താൻ ബത്തേരി താലൂക്ക് ആശുപത്രിയിൽ നടന്നു. കലക്ടർ ഡോ. അദീല അബ്​ദുല്ല ഉദ്​ഘാടനം നിർവഹിച്ചു. ഈ ആശുപത്രി കൂടാതെ അമ്പലവയൽ, മീനങ്ങാടി, കോട്ടത്തറ ആരോഗ്യ കേന്ദ്രങ്ങൾക്കും പൾസ്​ ഓക്​സിമീറ്റർ, പി.പി.ഇ കിറ്റ്, സർജിക്കൽ മാസ്ക് എന്നിവ സംഘടന നൽകുന്നുണ്ട്. ഫെഡറേഷൻ സംസ്ഥാന കൗൺസിൽ പ്രസിഡൻറ്​ വി.എം. സിദ്ദീഖ്, ​േബ്ലാക്ക്​​ പഞ്ചായത്ത് വൈസ് പ്രസിഡൻറ്​ അമ്പിളി സുധി, സ്​റ്റാൻഡിങ്​ കമ്മിറ്റി ചെയർപേഴ്സൻ ലത ശശി, ആരോഗ്യ സ്ഥിരംസമിതി ചെയർമാൻ അനീഷ് ബി. നായർ, കാർഷിക സഹകരണ ബാങ്ക് പ്രസിഡൻറ്​ വി.വി. ബേബി, പി.ആർ. ജയപ്രകാശ്, ബേബി വർഗീസ്, റിസാനത്ത് സലീം എന്നിവർ സംബന്ധിച്ചു. TUEWDL5വേൾഡ് മലയാളി ഫെഡറേഷൻ കൈരളിക്കൊരു കൈത്താങ്ങ് പദ്ധതി ജില്ലതല ഉദ്‌ഘാടനം സുൽത്താൻ ബത്തേരി താലൂക്ക് ആശുപത്രിയിൽ കലക്ടർ ഡോ. അദീല അബ്​ദുല്ല നിർവഹിക്കുന്നു