എന്താ...? ആദിവാസി കുട്ടികളും വിദ്യാർഥികളല്ലേ

Lead *സർക്കാർവാഗ്​ദാനം നടപ്പായില്ല: ഡിജിറ്റൽ പഠനോപകരണങ്ങളില്ലാതെ ആയിരക്കണക്കിന്​ ആദിവാസി വിദ്യാർഥികൾ​ *ജില്ലയിൽ പഠനസഹായികൾ ലഭിക്കേണ്ടത്​ 22,000 പേർക്ക്​ സ്വന്തം ​േലഖകൻ കൽപറ്റ: ഓൺ​ൈലൻ അധ്യയനം തുടങ്ങി മാസങ്ങളായിട്ടും ആയിരക്കണക്കിന്​ ആദിവാസി വിദ്യാർഥികൾ ഡിജിറ്റൽ പഠനോപകരണങ്ങളില്ലാതെ പഠനത്തിന്​ പ്രയാസപ്പെടുന്നു. ഇവർക്ക്​ ഡിജിറ്റൽ ഉപകരണങ്ങൾ ലഭ്യമാക്കുമെന്ന സർക്കാർ അറിയിപ്പിൽ തുടർ നടപടിയില്ലാത്തതാണ്​ പഠനത്തിന്​ തിരിച്ചടിയാവുന്നത്​. തദ്ദേശ സ്ഥാപനങ്ങൾ ഇതിനായി പദ്ധതി തയാറാക്കാൻ സർക്കാർ ആവശ്യപ്പെട്ടിരുന്നു. എന്നാൽ, ഡിജിറ്റൽ ഉപകരണങ്ങളുടെ ഹാർഡ്​വെയർ, സോഫ്​റ്റ്​വെയർ സ്​പെസിഫിക്കേഷൻ എന്തായിരിക്കണമെന്ന്​ വ്യക്​തമാക്കുന്ന ഉത്തരവ്​ വിദ്യാഭ്യാസ വകുപ്പ്​ ഇതുവരെ പുറത്തിറക്കിയിട്ടില്ല. അതാണ്​, തദ്ദേശസ്ഥാപനങ്ങൾക്ക്​ തുടർ നടപടി​കളെടുക്കാനാവാത്തതിന്​ ​പ്രധാന കാരണം. സംസ്ഥാനത്തെ ഒന്നു മുതൽ പ്ലസ്​ ടുവരെയുള്ള ക്ലാസുകളിലെ പട്ടിക വർഗ–ജാതി വിഭാഗങ്ങളിലെ കുട്ടികൾക്ക്​ ഡിജിറ്റൽ പഠനോപകരണങ്ങൾ വിതരണം ചെയ്യുമെന്ന്​ മാസങ്ങൾക്ക്​ മുമ്പാണ്​ അധികൃതർ അറിയിച്ചത്​. കൂടുതൽ ആദിവാസികളുള്ള വയനാട്ടിൽ മാത്രം ഇരുപത്തി രണ്ടായിരത്തിലധികം വിദ്യാർഥികൾക്ക്​ പഠനസഹായികൾ നൽകേണ്ടതുണ്ട്​. ഇവയുടെ അഭാവം വിദ്യാർഥികളുടെ പഠനത്തെ സാരമായി ബാധിക്കുന്നു. പൊതുവിഭാഗത്തിലെ ഡിജിറ്റൽ പഠനസൗകര്യമില്ലാത്തവർക്ക്​ പല പദ്ധതികളിലൂടെയും അധ്യാപകരും സന്നദ്ധ സംഘടനകളുമൊക്കെ മുൻകൈയെടുത്തും മൊബൈൽ ഫോണുകളും ടാബുകളും വിതരണം ചെയ്​ത്​ ഓൺലൈൻ പഠനത്തിന്​ പ്രാപ്​തരാക്കുന്നുണ്ട്​. എന്നാൽ, ഗോത്രവർഗ വിദ്യാർഥികൾക്ക്​ സർക്കാർ ഡിജിറ്റൽ ഉപകരണങ്ങൾ വിതരണം ചെയ്യുമെന്ന അറിയിപ്പുണ്ടായിരുന്നതിനാൽ, മറ്റ്​ പദ്ധതികളിലൂടെയുള്ള ഉപകരണങ്ങൾ ഇവർക്ക്​ നൽകിയിട്ടില്ല. വിദ്യാർഥികളുടെ ഭാവി അവതാളത്തിലാകാതിരിക്കാൻ എത്രയും പെ​ട്ടെന്ന്​ ഡിജിറ്റൽ ഉപകരണങ്ങൾ ലഭ്യമാക്കാൻ നടപടിയെടുക്കണമെന്നാണ്​ ആവശ്യം. പദ്ധതി വൈകുന്നത്​ സർക്കാർ ഉത്തരവ്​ ലഭിക്കാത്തതിനാൽ -സംഷാദ്​ മരക്കാർ കൽപറ്റ: ആദിവാസി വിദ്യാർഥികൾക്ക്​ ഡിജിറ്റൽ പഠനോപകരണങ്ങൾ ലഭ്യമാക്കാൻ ജില്ല പഞ്ചായത്ത്​ ഫണ്ട്​ വകയിരുത്തിയിട്ടുണ്ടെങ്കിലും വിദ്യാഭ്യാസ വകുപ്പിൽനിന്ന്​ ഉപകരണങ്ങളുടെ സ്​​പെസിഫിക്കേഷൻ ലഭിക്കാത്തതിനാൽ തുടർ നടപടികളെടുക്കാനാവുന്നില്ലെന്ന്​ പ്രസിഡൻറ്​ സംഷാദ്​ മരക്കാർ വ്യക്​തമാക്കി. ഒരുകോടിയോളം രൂപ ഇതിനായി ജില്ല പഞ്ചായത്തിന്​ ചെലവഴിക്കാനാവും. എന്നാൽ, സർക്കാർ ഉത്തരവ്​ ലഭിക്കാത്തത്​ പദ്ധതിക്ക്​ തടസ്സമാവുന്നു -അദ്ദേഹം​ പറഞ്ഞു. മത്സ്യകൃഷി മണ്ഡലംതല ഉദ്ഘാടനം കൽപറ്റ: സംസ്ഥാനസർക്കാർ ഫിഷറീസ് വകുപ്പ് മുഖേന സുഭിക്ഷകേരളം പദ്ധതിയിൽ നടപ്പാക്കുന്ന ബയോ​​​േഫ്ലാക് മത്സ്യകൃഷി കൽപറ്റ മണ്ഡലംതല ഉദ്ഘാടനം മൂപ്പൈനാട് പഞ്ചായത്തിലെ കെ.എം. ജോർജി​ൻെറ കൃഷിയിടത്തിൽ അഡ്വ. ടി. സിദ്ദീഖ്​ എം.എൽ.എ നിർവഹിച്ചു. ഫിഷറീസ് വകുപ്പി​ൻെറയും തദ്ദേശസ്ഥാപനങ്ങളുടെയും പങ്കാളിത്തത്തോടെയാണ് പദ്ധതി നടപ്പാക്കുന്നത്. അഞ്ച്​ ഡയമീറ്റർ വിസ്തൃതിയിലും 1.5 മീറ്റർ ഉയരത്തിലുമുള്ള 20,000 ലിറ്റർ വെള്ളം ഉൾക്കൊള്ളുന്ന കൃത്രിമ ടാങ്കിൽ ഗിഫ്റ്റ് തിലോപ്പിയ മത്സ്യമാണ് കൃഷി ചെയ്യുന്നത്. പെല്ലറ്റ് മാത്രം കൊടുത്ത് വളർത്തുന്നതായതിനാൽ നല്ല രുചിയുള്ളതും വിഷമില്ലാത്തതുമായ മത്സ്യം കഴിക്കാമെന്നത്​ പ്രത്യേകതയാണ്. വർഷത്തിൽ രണ്ട്​ തവണ വിളവെടുപ്പ് നടത്താമെന്നതിനാൽ ഇപ്പോൾ നിരവധി കർഷകർ ഈ മത്സ്യകൃഷി രീതിയിലേക്ക് കടന്നുവരുന്നുണ്ട്. മാർഗനിർദേശങ്ങൾ നൽകി ഫിഷറീസ് വകുപ്പും മത്സ്യക്കർഷകർക്ക് പിന്തുണയായുണ്ട്. മൂപ്പൈനാട് പഞ്ചായത്ത് പ്രസിഡൻറ്​ എ.കെ. റഫീഖ് അധ്യക്ഷത വഹിച്ചു. വൈസ് പ്രസിഡൻറ്​ കെ. അജിത, സ്ഥിരംസമിതി ചെയർമാൻമാരായ ആർ. ഉണ്ണികൃഷ്ണൻ, പി.കെ. സാലിം, മെംബർ ഷൈബാൻ സലാം, അസി. ഡയറക്ടർ ഓഫ് ഫിഷറീസ് ഇൻ ചാർജ് സി. ആഷിഖ് ബാബു, ഫിഷറീസ് പ്രമോട്ടർ വിജയകുമാർ എന്നിവർ സംസാരിച്ചു. TUEWDL7 ബയോ​​​േഫ്ലാക് മത്സ്യകൃഷി കൽപറ്റ മണ്ഡലംതല ഉദ്ഘാടനം മൂപ്പൈനാട് പഞ്ചായത്തിലെ കെ.എം. ജോർജി​ൻെറ കൃഷിയിടത്തിൽ അഡ്വ. ടി. സിദ്ദീഖ്​ എം.എൽ.എ നിർവഹിക്കുന്നു