മരച്ചീനി കർഷകർക്ക് കെ.വി.കെയുടെ സഹായഹസ്​തം

കൽപറ്റ: പ്രതിസന്ധി ഘട്ടങ്ങളിൽ കർഷകരെ സഹായിക്കാൻ കൃഷി വിജ്ഞാനകേന്ദ്രം (കെ.വി.കെ) വയനാടും ഹോർട്ടികോർപ്പും ഒന്നിക്കുന്നു. കാർഷിക സർവകലാശാല സ്​ഥാപനമായ അമ്പലവയലിലെ കെ.വി.കെയുടെ ഭക്ഷ്യസംസ്​കരണ യൂനിറ്റി​ൻെറ സഹായത്തോടെ മരച്ചീനി സംസ്​കരിച്ച് വിപണിയിലെത്തിക്കുകയാണ്​ ലക്ഷ്യം. കർഷകർ ഉൽപാദിപ്പിക്കുന്ന മരച്ചീനി വയനാട് ഹോർട്ടികോർപ്​ മുഖേന ശേഖരിച്ച് കൃഷി വിജ്ഞാനകേന്ദ്രത്തി​ൻെറ സംസ്​കരണ യൂനിറ്റിലെത്തിച്ച് വൃത്തിയാക്കി അരിഞ്ഞുണക്കി കർഷകരിലേക്കും വിപണിയിലേക്കും എത്തിക്കും. മരച്ചീനി വില കുറഞ്ഞുനിൽക്കുന്ന ഈ കോവിഡ് കാലത്ത് കർഷകർക്ക് വലിയ ആശ്വാസമാവുമിത്. ഉണക്കി സംസ്​കരിച്ച മരച്ചീനിക്ക് വിപണിയിൽ ഏറെ ആവശ്യക്കാരാണിപ്പോഴുള്ളത്. ഇതിനകം മൂന്നു ടൺ മരച്ചീനി സംസ്​കരിച്ച് കർഷകരിലൂടെ വിപണിയിലെത്തിച്ചു. വെജിറ്റബ്​ൾ ആൻഡ് ഫ്രൂട്ട്സ്​ പ്രമോഷൻ കൗൺസിൽ കേരള, കൃഷി വിജ്ഞാനകേന്ദ്രം വയനാടിനോടൊപ്പം സഹകരിച്ച് ചക്കയുടെ മൂല്യവർധിത ഉൽപന്നങ്ങളും കർഷകരിലൂടെ വിപണിയിലേക്ക് എത്തിക്കുന്നുണ്ട്​. ​െക.വി.കെ ഭക്ഷ്യസംസ്​കരണ യൂനിറ്റിലെ സൗകര്യങ്ങൾ: 1. പഴങ്ങൾ, പച്ചക്കറികൾ, കിഴങ്ങുകൾ, സുഗന്ധവ്യഞ്​ജനങ്ങൾ, ഇഞ്ചി, മഞ്ഞൾ,കുരുമുളക് എന്നിവ ഉണക്കി സംസ്കരിക്കൽ 2. പഴങ്ങളിൽ നിന്ന്​ ജാം, സ്ക്വാഷ്, മറ്റു പാനീയങ്ങൾ എന്നിവയുടെ നിർമാണം 3. ഉൽപന്നങ്ങൾക്കനുസരിച്ച് പൾപ്പ് വേർതിരിക്കൽ 4. പാസ്ത നിർമിക്കാനുള്ള സൗകര്യങ്ങൾ 5. ഹൽവ നിർമാണ യൂനിറ്റ്​ 6. എല്ലാത്തരം അച്ചാറുകളുടെയും നിർമ്മാണം 7. ചെറിയ അളവിൽ ധാന്യങ്ങൾ പൊടിക്കൽ SUNWDL5 അമ്പലവയൽ കൃഷി വിജ്ഞാനകേന്ദ്രത്തിലെ മരച്ചീനി സംസ്​കരണ യൂനിറ്റ്​