ന്യൂനമർദംമൂലം നീലഗിരിയിലും വേനൽമഴ

ഗൂഡല്ലൂർ: ബംഗാൾ ഉൾക്കടലിൽ രൂപംകൊണ്ട ന്യൂനമർദംമൂലം തമിഴ്നാട്ടിൽ വിവിധ ജില്ലകളിൽ വേനൽമഴ ലഭിച്ചു. ഗൂഡല്ലൂർ പന്തല്ലൂർ താലൂക്കിൽ ബുധനാഴ്ച വൈകീട്ട്​ ഒരുമണിക്കൂർ മഴ പെയ്തു. വ്യാഴാഴ്ച ആകാശം മേഘാവൃതമായിരുന്നു. ചൂടിനും ആശ്വാസമുണ്ടായി. കുടിവെള്ള സ്രോതസ്സുകളിലും ജലമൊഴുക്ക് വർധിച്ചു. നീലഗിരിയിലും രണ്ടുദിവസം കനത്തമഴ പെയ്യുമെന്ന്​ കാലാവസ്ഥ നിരീക്ഷണ കേന്ദ്രം അറിയിച്ചു.