സെർവർ തകരാർ: എൻ.ഐ.ടിയിൽ യു.ജി.സി നെറ്റ് പരീക്ഷ മുടങ്ങി

ചാ​ത്ത​മം​ഗ​ലം: സെ​ർ​വ​ർ ത​ക​രാ​ർ​മൂ​ലം കോ​ഴി​ക്കോ​ട് എ​ൻ.​ഐ.​ടി​യി​ൽ യു.​ജി.​സി നെ​റ്റ് പ​രീ​ക്ഷ ത​ട​സ്സ​പ്പെ​ട്ടു. ശ​നി​യാ​ഴ്ച രാ​വി​ലെ ഒ​മ്പ​തു മു​ത​ൽ ഉ​ച്ച​ക്ക് 12 വ​രെ ന​ട​ക്കേ​ണ്ട ആ​ദ്യ ഷി​ഫ്റ്റ് പ​രീ​ക്ഷ​യാ​ണ് മു​ട​ങ്ങി​യ​ത്.

രാ​വി​ലെ എ​ട്ടോ​ടെ വി​ദ്യാ​ർ​ഥി​ക​ൾ പ​രീ​ക്ഷ ഹാ​ളി​ൽ ഹാ​ജ​രാ​യി​രു​ന്നു​വെ​ങ്കി​ലും സെ​ർ​വ​ർ ത​ക​രാ​റി​ലാ​യ​തു​കാ​ര​ണം കൃ​ത്യ​സ​മ​യ​ത്ത് പ​രീ​ക്ഷ തു​ട​ങ്ങാ​നാ​യി​ല്ല. വെ​രി​ഫി​ക്കേ​ഷ​നും വൈ​കി. രാ​വി​ലെ 10.30ഓ​ടെ സാ​ങ്കേ​തി​ക ത​ക​രാ​ർ പ​രി​ഹ​രി​ച്ച് വി​ദ്യാ​ർ​ഥി​ക​ളെ പ​രീ​ക്ഷ ഹാ​ളി​ലേ​ക്ക് പ്ര​വേ​ശി​പ്പി​ച്ചെ​ങ്കി​ലും വീ​ണ്ടും സെ​ർ​വ​ർ പ​ണി​മു​ട​ക്കി. ചോ​ദ്യ​ങ്ങ​ൾ ഭാ​ഗി​ക​മാ​യോ മു​ഴു​വ​നാ​യോ തെ​ളി​യാ​ത്ത അ​വ​സ്ഥ​യു​ണ്ടാ​യി. തു​ട​ർ​ചോ​ദ്യ​ങ്ങ​ൾ​ക്കാ​യി ക്ലി​ക്ക് ചെ​യ്ത​പ്പോ​ൾ 'സെ​ഷ​ൻ എ​ക്സ്പ​യെ​ർ​ഡ്' സ​ന്ദേ​ശ​മാ​ണ് ചി​ല​ർ​ക്ക് ല​ഭി​ച്ച​ത്.

12 മ​ണി​യോ​ടെ സെ​ർ​വ​ർ ത​ക​രാ​ർ പ​രി​ഹ​രി​ച്ച് വി​ദ്യാ​ർ​ഥി​ക​ളോ​ട് വീ​ണ്ടും പ​രീ​ക്ഷ എ​ഴു​താ​ൻ ആ​വ​ശ്യ​പ്പെ​ട്ടെ​ങ്കി​ലും ഭൂ​രി​ഭാ​ഗം പേ​രും പ​രീ​ക്ഷ എ​ഴു​താ​ൻ ത​യാ​റാ​യി​ല്ല. ചോ​ദ്യം തെ​ളി​യാ​ത്ത അ​ത്ര​യും നേ​ര​വും, പ​രീ​ക്ഷ​ക്ക് അ​നു​വ​ദി​ച്ച നി​ശ്ചി​ത സ​മ​യ​ത്തി​ൽ​നി​ന്ന് കു​റ​വ് വ​ന്ന​തും വി​ദ്യാ​ർ​ഥി​ക​ൾ​ക്ക് വി​ന​യാ​യി. ഇ​തോ​ടെ പ​രീ​ക്ഷ മ​റ്റൊ​രു ദി​വ​സം മാ​റ്റി ന​ട​ത്ത​ണ​മെ​ന്ന ആ​വ​ശ്യ​വു​മാ​യി വി​ദ്യാ​ർ​ഥി​ക​ൾ രം​ഗ​ത്തി​റ​ങ്ങി. ഇ​ൻ​വി​ജി​ലേ​റ്റ​ർ​മാ​ർ മോ​ശ​മാ​യി പെ​രു​മാ​റി​യെ​ന്നും വി​ദ്യാ​ർ​ഥി​ക​ൾ പ​രാ​തി​പ്പെ​ട്ടു.

നാ​ഷ​ന​ൽ ടെ​സ്റ്റി​ങ് ഏ​ജ​ൻ​സി​യാ​ണ് രാ​ജ്യ​ത്തെ​മ്പാ​ടു​മാ​യി നെ​റ്റ് പ​രീ​ക്ഷ ന​ട​ത്തി​യ​ത്. ദേ​ശീ​യ​ത​ല​ത്തി​ൽ ചി​ല കേ​ന്ദ്ര​ങ്ങ​ളി​ൽ സാ​ങ്കേ​തി​ക ത​ക​രാ​റു​ക​ൾ​മൂ​ലം പ​രീ​ക്ഷ മു​ട​ങ്ങി​യ​താ​യി വി​വ​ര​മു​ണ്ട്. എ​ന്നാ​ൽ, കേ​ര​ള​ത്തി​ൽ എ​ൻ.​ഐ.​ടി​യി​ൽ മാ​ത്ര​മാ​ണ് പ​രീ​ക്ഷ ത​ട​സ്സ​പ്പെ​ട്ട​തെ​ന്നും വി​ദ്യാ​ർ​ഥി​ക​ൾ പ​റ​ഞ്ഞു. ജൂ​ലൈ, ഡി​സം​ബ​ർ സൈ​ക്കി​ളു​ക​ൾ ഒ​രു​മി​ച്ചാ​ണ് ശ​നി​യാ​ഴ്ച പ​രീ​ക്ഷ ന​ട​ത്തി​യ​ത്.

ഉത്തരവാദികളല്ലെന്ന് എൻ.ഐ.ടി

നെറ്റ് പരീക്ഷ എഴുതുന്നതിൽ നേരിട്ട ബുദ്ധിമുട്ടുകൾക്ക് സ്ഥാപനമോ ഉദ്യോഗസ്ഥരോ ഉത്തരവാദികളല്ലെന്ന് എൻ.ഐ.ടി കാലിക്കറ്റ്. ന്യൂഡൽഹിയിലെ നാഷനൽ ടെസ്റ്റിങ് ഏജൻസിയാണ് പരീക്ഷ നടത്തുന്നത്. സാങ്കേതിക കോഓഡിനേറ്ററായി എഡിക്വിറ്റിയിലെ രണ്ട് സാങ്കേതിക വ്യക്തികളും എൻ.ടി.എയെ പ്രതിനിധീകരിച്ച് ഒരു നിരീക്ഷകനും സന്നിഹിതരായിരുന്നു.

പരീക്ഷ നടത്തുന്നതിനുള്ള സെർവർ എഡിക്വിറ്റി കൊണ്ടുവന്നതാണ്. എഡിക്വിറ്റി ടീം ഹോസ്റ്റ് ചെയ്ത സെർവർ പ്രശ്നമാണ് ലോഡിങ്ങിലെ മന്ദഗതിക്ക് കാരണം. 11.30 ഓടെ, സിറ്റി കോഓഡിനേറ്റർ, ഒബ്സർവർ, സെന്റർ എന്നിവർ നഷ്ടപ്പെട്ട സമയത്തിന് നഷ്ടപരിഹാരമായി അധിക സമയം നൽകാമെന്ന് നിർദേശങ്ങളും കൗൺസലിങ്ങും ഉറപ്പും നൽകിയിട്ടും ആവർത്തിച്ചുള്ള സർവർ തകരാർ കാരണം ചില ഉദ്യോഗാർഥികൾ ഹാളിൽ നിന്ന് പുറത്തിറങ്ങാൻ ശ്രമിക്കുകയായിരുന്നു. 44 ഉദ്യോഗാർഥികളുമായി 12 മണിക്ക് പരീക്ഷ പുനരാരംഭിക്കുകയും സാങ്കേതിക പിശകുകൾ കാരണം അവർക്ക് അധിക സമയം നൽകുകയും ചെയ്തു.

മറ്റൊരു ദിവസം വീണ്ടും പരീക്ഷ നടത്തണമെന്ന, ബഹിഷ്കരിച്ച ഉദ്യോഗാർഥികളുടെ ആവശ്യം ന്യൂ ഡൽഹിയിലെ എൻ.ടി.എ നിരസിച്ചിട്ടുണ്ട്. സംഭവം കോഴിക്കോട് എൻ.ഐ.ടിയുടെ ഭാഗത്തുനിന്നുള്ള പിഴവായി ചിത്രീകരിച്ചത് ഖേദകരമാണെന്നും പത്രക്കുറിപ്പിൽ അറിയിച്ചു.