വ​നി​താ ന​ഴ്സി​ങ് ഓ​ഫി​സ​ർക്ക്​ മർദനം: പ്രതി റിമാൻഡിൽ

തി​രു​വ​ന​ന്ത​പു​രം: ചി​കി​ത്സ വൈ​കി​യെ​ന്നാ​രോ​പി​ച്ച് ന​ഴ്സി​ങ് ഓ​ഫി​സ​റെ ആ​ക്ര​മി​ച്ച സം​ഭ​വ​ത്തി​ൽ പൂ​വാ​ർ വ​ര​വി​ള തോ​പ്പു​വീ​ട്ടി​ൽ അ​നു (28) റി​മാ​ൻ​ഡി​ൽ. ഞാ​യ​റാ​ഴ്ച മെ​ഡി​ക്ക​ൽ കോ​ള​ജ്​ 28ാം വാ​ർ​ഡി​ൽ ചി​കി​ത്സ​യി​ലി​രു​ന്ന അ​നു​വി​ന്‍റെ അ​മ്മാ​വ​ന് ഡ്രി​പ്പി​ടാ​ൻ എ​ത്തി​യ​താ​യി​രു​ന്നു ന​ഴ്സ്.

ഈ ​സ​മ​യം രോ​ഗി അ​വി​ടെ ഉ​ണ്ടാ​യി​രു​ന്നി​ല്ല. വ​രു​മ്പോ​ൾ അ​റി​യി​ക്കാ​ൻ പ​റ​ഞ്ഞ് മു​റി​യി​ലേ​ക്ക് ന​ട​ക്കാ​നൊ​രു​ങ്ങു​മ്പോ​ൾ കൂ​ട്ടി​രി​പ്പു​കാ​ര​നാ​യ അ​നു ന​ഴ്സ് പ്ര​സീ​ത​യോ​ട് ദേ​ഷ്യ​പ്പെ​ടു​ക​യും കൈ​യി​ൽ ക​യ​റി​പ്പി​ടി​ക്കു​ക​യും ചെ​യ്തു. മ​റ്റ് രോ​ഗി​ക​ളും കൂ​ട്ടി​രി​പ്പു​കാ​രും ഇ​ട​പെ​ട്ടാ​ണ് ഇ​യാ​ളെ പി​ന്തി​രി​പ്പി​ച്ച​ത്.

ഞാ​യ​റാ​ഴ്ച രാ​ത്രി​യോ​ടെ അ​നു​വി​ന്‍റെ അ​റ​സ്റ്റ് മെ​ഡി​ക്ക​ൽ കോ​ള​ജ് പൊ​ലീ​സ് രേ​ഖ​പ്പെ​ടു​ത്തി. സംഭവത്തിൽ പ്രതിഷേധിച്ച്​ ന​ഴ്സി​ങ് സം​ഘ​ട​ന​ക​ൾ സം​യു​ക്ത​മാ​യി പ്ര​ക​ട​നം ന​ട​ത്തി. കെ.​ജി.​എ​ൻ.​യു സം​സ്ഥാ​ന ജ​ന​റ​ൽ സെ​ക്ര​ട്ട​റി എ​സ്.​എം അ​ന​സ്, കെ.​ജി.​എ​ൻ.​എ സം​സ്ഥാ​ന വൈ​സ് പ്ര​സി​ഡ​ന്റ് ഹ​മീ​ദ് എ​ന്നി​വ​ർ പ്ര​തി​ഷേ​ധ​ത്തി​ന് നേ​തൃ​ത്വം ന​ൽ​കി.

കെ.​ജി.​എ​ൻ.​എ ജി​ല്ല സെ​ക്ര​ട്ട​റി സു​ഷ​മ, കെ.​ജി.​എ​ൻ.​യു ജി​ല്ല സെ​ക്ര​ട്ട​റി ടി.​ആ​ർ. കാ​ർ​ത്തി​ക്, കെ.​ജി.​എ​ൻ.​എ ജി​ല്ല ട്ര​ഷ​റ​ർ ആ​ശ, ഐ.​എം.​എ സം​സ്ഥാ​ന നേ​താ​വ് ഡോ. ​എ​സ്. ബി​നോ​യ്, കെ.​ജി.​എം.​സി.​ടി.​എ തി​രു​വ​ന​ന്ത​പു​രം യൂ​നി​റ്റ് പ്ര​സി​ഡ​ന്റ് ഡോ. ​ആ​ർ.​പി ശ്രീ​കു​മാ​ർ എ​ന്നി​വ​ർ സം​സാ​രി​ച്ചു. ആ​രോ​ഗ്യ​പ്ര​വ​ർ​ത്ത​ക​ർ​ക്ക് നേ​രെ​യു​ണ്ടാ​കു​ന്ന അ​തി​ക്ര​മ​ങ്ങ​ൾ​ക്കെ​തി​രെ സ​ർ​ക്കാ​ർ ശ​ക്ത​മാ​യ ന​ട​പ​ടി​യെ​ടു​ത്ത് മാ​തൃ​ക​പ​ര​മാ​യ ശി​ക്ഷ ഉ​റ​പ്പാ​ക്ക​ണ​മെ​ന്ന് സം​ഘ​ട​ന​ക​ൾ ആ​വ​ശ്യ​പ്പെ​ട്ടു.