ആഴിമല തീരത്ത്​ അപകടം അരികെ; ര​ണ്ടു​മാ​സ​ത്തി​നി​ടെ പൊ​ലി​ഞ്ഞ​ത് മൂ​ന്ന് ജീ​വ​നു​ക​ൾ

വി​ഴി​ഞ്ഞം: അ​പ​ക​ട മേ​ഖ​ല​യാ​യി ആ​ഴി​മ​ല തീ​രം മാ​റു​​​േ​മ്പാ​ഴും സം​ര​ക്ഷ​ണ ന​ട​പ​ടി​ക​ൾ​ക്ക്​ ത​യാ​റാ​കാ​തെ അ​ധി​കൃ​ത​ർ. ക​ട​ലി​െൻറ പ​ശ്ചാ​ത്ത​ല​ത്തി​ൽ പാ​റ​ക്കെ​ട്ടു​ക​ൾ​ക്ക് മു​ക​ളി​ൽ​നി​ന്ന് ഒ​രു സെ​ൽ​ഫി എ​ടു​ക്കാ​നെ​ത്തു​​ന്ന​വ​രാ​ണ്​ പ​ല​േ​​പ്പാ​ഴും അ​പ​ക​ട​ത്തി​ൽ​പെ​ടു​ന്ന​ത്. ര​ണ്ടു​മാ​സ​ത്തി​നി​ടെ പൊ​ലി​ഞ്ഞ​ത് മൂ​ന്ന് ജീ​വ​നു​ക​ളാ​ണ്.

വി​ഴി​ഞ്ഞം ആ​ഴി​മ​ല ശി​വ​ക്ഷേ​ത്ര​ത്തി​ലെ ഗം​ഗാ​ധ​രേ​ശ്വ​ര ശി​ൽ​പം കാ​ണാ​ൻ വ​രു​ന്ന​വ​രു​ടെ തി​ര​ക്ക് വ​ർ​ധി​ച്ചി​ട്ടു​ണ്ട്. സ്വ​ദേ​ശി​ക​ളും വി​ദേ​ശി​ക​ള​മ​ട​ക്കം നൂ​റു​ക​ണ​ക്കി​ന് ആ​ളു​ക​ളാ​ണ് ദി​വ​സ​വും ഇ​വി​ടെ എ​ത്തു​ന്ന​ത്. ക്ഷേ​​​ത്ര​ദ​ർ​ശ​നം ക​ഴി​ഞ്ഞ്​ പ​ല​രും ക​ട​ലി​ലേ​ക്ക്​ ഇ​റ​ങ്ങു​ന്ന​തും പാ​റ​ക്കൂ​ട്ട​ങ്ങ​ൾ​ക്ക് മു​ക​ളി​ൽ ക​യ​റു​ന്ന​തും പ​തി​വാ​യി​ട്ടു​ണ്ട്. ശാ​ന്ത​മാ​യി കാ​ണു​ന്ന ക​ട​ലി​ൽ പ്ര​തീ​ക്ഷി​ക്കാ​തെ തി​ര​മാ​ല​ക​ളെ​ത്തു​ന്നു. അ​പ്ര​തീ​ക്ഷി​ത​മാ​യ ഈ ​തി​ര​ക​ളി​ൽ ന​ല്ല നീ​ന്ത​ൽ അ​റി​യാ​വു​ന്ന​വ​ർ​ക്കു​പോ​ലും പി​ടി​ച്ചു​നി​ൽ​ക്കാ​നാ​കി​ല്ലെ​ന്ന്​ മ​ത്സ്യ​ത്തൊ​ഴി​ലാ​ളി​ക​ൾ പ​റ​യു​ന്നു. ക​ഴി​ഞ്ഞ സെ​പ്റ്റം​ബ​റി​ൽ സ്വ​ദേ​ശി​ക​ളാ​യ നാ​ലു​പേ​രു​ടെ ജീ​വ​ൻ ഇ​വി​ടെ ന​ഷ്​​ട​മാ​യി​രു​ന്നു.

അ​തി​ൽ ഒ​രാ​ളു​ടെ മൃ​ത​ദേ​ഹം ഇ​നി​യും ക​ണ്ടെ​ത്താ​ൻ ക​ഴി​ഞ്ഞി​ട്ടി​ല്ല. ക​ഴി​ഞ്ഞ ജ​നു​വ​രി​യി​ൽ ക​ട​ലി​ൽ കു​ളി​ക്കാ​നി​റ​ങ്ങി​യ കൊ​ല്ലം ച​ട​യ​മം​ഗ​ലം സ്വ​ദേ​ശി​യാ​യ യു​വാ​വി​െൻറ ജീ​വ​നും ന​ഷ്​​ട​മാ​യി​രു​ന്നു. തി​ങ്ക​ളാ​ഴ്ച രാ​വി​ലെ തി​ര​യി​ൽ​പെ​ട്ട് ര​ണ്ടു യു​വാ​ക്ക​ളു​ടെ ജീ​വ​ൻ ന​ഷ്​​ട​മാ​യ​താ​ണ് അ​വ​സാ​ന​ത്തെ സം​ഭ​വം. ഉ​യ​ര​മു​ള്ള പാ​റ​ക്കൂ​ട്ട​ങ്ങ​ളാ​ൽ ചു​റ്റ​പ്പെ​ട്ട വി​ശാ​ല​മാ​യ തീ​രം സ​ഞ്ചാ​രി​ക​ളു​ടെ മ​നം മ​യ​ക്കു​ന്ന​താ​ണ്. കാ​ഴ്ച​യി​ൽ ആ​ഴ​മി​ല്ലെ​ന്ന് തോ​ന്നു​മെ​ങ്കി​ലും വെ​ള്ള​ത്തി​ന​ടി​യി​ലെ കു​ത്ത​നെ​യു​ള്ള ച​രി​വും ചു​ഴി​യും പാ​റ​ക്കൂ​ട്ട​ങ്ങ​ളു​മാ​ണ് സ​ഞ്ചാ​രി​ക​ളെ അ​പാ​യ​പ്പെ​ടു​ത്തു​ന്ന​ത്. ക​ട​ലി​ലേ​ക്ക് വീ​ഴു​ന്ന​വ​ർ പ​ല​പ്പോ​ഴും ആ​ഴ​ങ്ങ​ളി​ലെ പാ​റ​യി​ടു​ക്കു​ക​ളി​ൽ അ​ക​പ്പെ​ട്ട് ര​ക്ഷ​പ്പെ​ടാ​ൻ പ​റ്റാ​ത്ത നി​ല​യി​ലാ​കും. പാ​റ​ക്കെ​ട്ടു​ക​ളി​ൽ ത​ല​യി​ടി​ച്ച്​ ജീ​വ​ൻ ന​ഷ്​​ട​മാ​കാ​നു​മി​ട​യു​ണ്ട്.

സ​മീ​പ​ത്തെ ബീ​ച്ചി​ൽ മാ​ത്ര​മാ​ണ് നി​ല​വി​ൽ കോ​സ്​​റ്റ​ൽ വാ​ർ​ഡ​ന്മാ​രു​ടെ സേ​വ​ന​മു​ള്ള​ത്. അ​തി​നാ​ൽ അ​ഴി​മ​ല​ക്കും മു​ല്ലൂ​രി​നും ഇ​ട​യി​ലെ തീ​ര​ത്ത് എ​ന്ത് അ​പ​ക​ടം ന​ട​ന്നാ​ലും ചി​പ്പി വാ​രു​ന്ന​വ​രോ മ​ത്സ്യ​ത്തൊ​ഴി​ലാ​ളി​ക​ളോ സ​മീ​പ​ത്തു​ണ്ടെ​ങ്കി​ൽ മാ​ത്ര​മേ ഉ​ട​ന​ടി ര​ക്ഷാ​പ്ര​വ​ർ​ത്ത​നം സാ​ധ്യ​മാ​കു​ന്നു​ള്ളൂ. ഇ​രു​ൾ വീ​ണാ​ൽ ഇ​വി​ടം ല​ഹ​രി മാ​ഫി​യ​യു​ടെ താ​വ​ള​മാ​ണെ​ന്ന്​ നാ​ട്ടു​കാ​ർ പ​റ​യു​ന്നു. പാ​റ​ക്കൂ​ട്ട​ങ്ങ​ൾ​ക്കി​ട​യി​ൽ ചെ​റി​യ ഗു​ഹ പോ​ലു​ള്ള പ്ര​ദേ​ശ​വും പാ​റ​യി​ടു​ക്കു​ക​ളു​മാ​ണ് സാ​മൂ​ഹി​ക വി​രു​ദ്ധ​രു​ടെ താ​വ​ളം. മു​ന്ന​റി​യി​പ്പ് ബോ​ർ​ഡു​ക​ൾ സ്ഥാ​പി​ച്ച്, വാ​ർ​ഡ​ന്മാ​രു​ടെ സേ​വ​ന​വും പൊ​ലീ​സ് എ​യ്ഡ് പോ​സ്​​റ്റും സ​ജ്ജ​മാ​ക്ക​ണ​മെ​ന്ന ആ​​വ​​ശ്യം ശ​ക്ത​മാ​ണ്.