മറവ് ചെയ്ത നായ്ക്കളുടെ ജഡം പുറത്തെടുത്ത് പോസ്​റ്റ്​മോർട്ടം നടത്തി

വി​ഴി​ഞ്ഞം: ന​ഗ​ര​സ​ഭ​യു​ടെ കീ​ഴി​ലെ വ​ന്ധ്യം​ക​ര​ണ കേ​ന്ദ്ര​ത്തി​ൽ നാ​യ്ക്ക​ളെ വി​ഷം​കൊ​ടു​ത്ത് കൊ​ന്നെ​ന്ന മൃ​ഗ​സ്നേ​ഹി കൂ​ട്ടാ​യ്​​മ​യു​ടെ പ​രാ​തി​യി​ൽ മ​റ​വു​ചെ​യ്ത നാ​യ്ക്ക​ളു​ടെ ജ​ഡം പു​റ​ത്തെ​ടു​ത്തു.

നെ​യ്യാ​റ്റി​ൻ​ക​ര കോ​ട​തി​യു​ടെ ഉ​ത്ത​ര​വ് അ​നു​സ​രി​ച്ച് രാ​വി​ലെ പ​ത്തോ​ടെ ആ​ർ.​ഡി.​ഒ​യു​ടെ നി​ർ​ദേ​ശ​പ്ര​കാ​ര​മെ​ത്തി​യ ലാ​ൻ​ഡ് അ​ക്വി​സി​ഷ​ൻ സ്‌​പെ​ഷ​ൽ ത​ഹ​സി​ൽ​ദാ​ർ കെ. ​ര​മേ​ഷ്‌​കു​മാ​ർ, കോ​വ​ളം പൊ​ലീ​സ് ഇ​ൻ​സ്‌​പെ​ക്ട​ർ ജി. ​പ്രൈ​ജു എ​ന്നി​വ​രു​ടെ സാ​ന്നി​ധ്യ​ത്തി​ലാ​ണ് 10 നാ​യ്​​ക്ക​ളു​ടെ ജ​ഡം പു​റ​ത്തെ​ടു​ത്ത​ത്. പി.​എം.​ജി​യി​ലെ ജി​ല്ല വെ​റ്റ​റി​ന​റി കേ​ന്ദ്ര​ത്തി​ലെ ക്ലി​നി​ക്ക​ൽ ലാ​ബി​ലെ ഡോ. ​ഹ​രീ​ഷ്, എ​പ്പി​ഡെ​മി​റ്റോ​ള​ജി​സ്​​റ്റ്​ ഡോ. ​ആ​ൻ മേ​രി, വി​ഴി​ഞ്ഞം മൃ​ഗാ​ശു​പ​ത്രി​യി​ലെ ഡോ. ​ടി. ഗോ​പ​കു​മാ​ർ എ​ന്നി​വ​രാ​ണ് പോ​സ്​​റ്റ്​​േ​മാ​ർ​ട്ടം ന​ട​ത്തി​യ​ത്. പു​റ​ത്തെ​ടു​ത്ത ജ​ഡ​ങ്ങ​ളി​ൽ​നി​ന്ന് മാം​സ ഭാ​ഗ​ങ്ങ​ളും വൃ​ക്ക​ക​ളും കു​ട​ൽ​ഭാ​ഗ​ങ്ങ​ളും ശേ​ഖ​രി​ച്ചു. ഇ​വ സ്‌​റ്റേ​റ്റ് ഇ​ൻ​സ്​​റ്റി​റ്റ്യൂ​ട്ട് ഓ​ഫ് അ​നി​മ​ൽ ഡി​സീ​സ് സെൻറ​റി​ലേ​ക്ക്​ വി​ദ​ഗ്ധ പ​രി​ശോ​ധ​ന​ക്ക് അ​യ​ക്കു​മെ​ന്ന് മെ​ഡി​ക്ക​ൽ സം​ഘം അ​റി​യി​ച്ചു.

പ​രി​ശോ​ധ​ന​യി​ൽ നാ​യ്ക്ക​ൾ ച​ത്ത​ത്​ വി​ഷാം​ശം മൂ​ല​മാ​ണെ​ങ്കി​ൽ വ​ന്ധ്യം​ക​ര​ണം സെൻറ​റി​ലെ ഡോ​ക്ട​ർ​മാ​ർ​ക്കെ​തി​രെ ന​ട​പ​ടി​യു​ണ്ടാ​കു​മെ​ന്ന് കോ​വ​ളം ഇ​ൻ​സ്‌​പെ​ക്ട​ർ ജി. ​പ്രൈ​ജു പ​റ​ഞ്ഞു. കൗ​ൺ​സി​ല​ർ വി. ​പ്ര​മീ​ള​യും മൃ​ഗ​സ്‌​നേ​ഹി കൂ​ട്ടാ​യ്മ​യി​ലെ അം​ഗ​ങ്ങ​ളും സ്ഥ​ല​ത്തെ​ത്തി​യി​രു​ന്നു. തി​രു​വ​ല്ലം വ​ണ്ടി​ത്ത​ട​ത്ത് പ്ര​വ​ർ​ത്തി​ക്കു​ന്ന ന​ഗ​ര​സ​ഭ​യു​ടെ എ.​ബി.​സി സെൻറ​റി​നെ​തി​രാ​യ പ​രാ​തി​യി​ലാ​ണ് കോ​ട​തി ഉ​ത്ത​ര​വ​നു​സ​രി​ച്ചു​ള്ള ന​ട​പ​ടി.