വെട്ടിപ്പരിക്കേൽപിച്ച കേസിലെ പ്രതികൾ പിടിയിൽ

വിഴിഞ്ഞം: പുതിയതുറ സ്വദേശിയെ വെട്ടിപ്പരിക്കേൽപിച്ച കേസിലെ പ്രതികളെ കാഞ്ഞിരംകുളം പൊലീസ് അറസ്റ്റ് ചെയ്തു. അടിമലത്തുറ സ്വദേശികളായ ജോൺ ബ്രിട്ടോ (27), ജോൺസൺ (25) എന്നിവരാണ് അറസ്റ്റിലായത്. പുതിയതുറ സ്വദേശിയായ ഡെന്നു എന്നയാളെ വെട്ടിപ്പരിക്കേൽപിച്ച കേസിലാണ് അറസ്റ്റ്.

മറ്റ് പ്രതികൾക്കായുള്ള അന്വേഷണം തുടരുന്നതായും കാഞ്ഞിരംകുളം പൊലീസ് പറഞ്ഞു. കാഞ്ഞിരംകുളം സ്റ്റേഷൻ ഇൻസ്പെക്ടർ അജിചന്ദ്രൻ നായരുടെ നേതൃത്വത്തിൽ സബ് ഇൻസ്പെക്ടർമാരായ ഇ.എം. സജീർ, ആർ. ടൈറ്റസ്, സിവിൾ പൊലീസ് ഓഫിസറായ വിമൽ രാജ് എന്നിവരടങ്ങിയ സംഘമാണ് പ്രതികളെ അറസ്റ്റ് ചെയ്തത്. കോടതിയിൽ ഹാജരാക്കിയ പ്രതികളെ റിമാൻഡ് ചെയ്തു.