അഞ്ചുദിവസത്തെ കാത്തിരിപ്പിനൊടുവിൽ ഷെൻ ഹുവ തീരത്തടുത്തു

വി​ഴി​ഞ്ഞം: അ​ഞ്ചു​ദി​വ​സ​ത്തെ കാ​ത്തി​രി​പ്പി​നൊ​ടു​വി​ൽ ഷെ​ൻ ഹു​വ 29 തീ​ര​ത്ത​ടു​ത്തു. ക​പ്പ​ൽ വി​ഴി​ഞ്ഞം അ​ന്താ​രാ​ഷ്ട്ര തു​റ​മു​ഖ​ത്ത​ടു​പ്പി​ക്കാ​ൻ കേ​ന്ദ്ര ആ​ഭ്യ​ന്ത​ര മ​ന്ത്രാ​ല​യ​ത്തി​ന്റെ അ​നു​മ​തി ല​ഭി​ക്കാ​ൻ വൈ​കി​യ​താ​ണ് ത​ട​സ്സ​മാ​യ​തെ​ന്നാ​ണ് തു​റ​മു​ഖ അ​ധി​കൃ​ത​രു​ടെ വി​ശ​ദീ​ക​ര​ണം.

അ​നു​മ​തി തി​ങ്ക​ളാ​ഴ്ച ല​ഭി​ച്ച​തി​നെ​തു​ട​ർ​ന്ന് ചൈ​ന​യി​ൽ നി​ന്ന് ക്രെ​യി​നു​മാ​യി എ​ത്തി​യ ‘ഷെ​ൻ ഹു​വ 29’ എ​ന്ന ച​ര​ക്ക് ക​പ്പ​ൽ വൈ​കു​ന്നേ​രം മൂ​ന്നോ​ടെ അ​ന്താ​രാ​ഷ്ട്ര തു​റ​മു​ഖ വാ​ർ​ഫി​ൽ അ​ടു​പ്പി​ച്ചു.

വാ​ർ​ഫി​ല​ടു​പ്പി​ക്കാ​നു​ള്ള അ​നു​മ​തി കാ​ത്ത് തീ​ര​ത്ത് നി​ന്ന് പ​ത്ത് നോ​ട്ടി​ക്ക​ൽ മൈ​ൽ ഉ​ൾ​ക്ക​ട​ലി​ൽ ന​ങ്കൂ​ര​മി​ട്ടി​രു​ന്ന ക​പ്പ​ൽ തീ​ര​ദേ​ശ പൊ​ലീ​സി​ന്റെ നേ​തൃ​ത്വ​ത്തി​ൽ വാ​ട​ക​ക്കെ​ടു​ത്ത നാ​ല് വ​ള്ള​ങ്ങ​ളു​ടെ​യും അ​ദാ​നി​യു​ടെ വ​ക​യാ​യ ഡോ​ൾ​ഫി​ൻ 41 എ​ന്ന ട​ഗ്ഗി​ന്റെ​യും സു​ര​ക്ഷാ അ​ക​മ്പ​ടി​യോ​ടെ​യാ​ണ് തു​റ​മു​ഖ ക​വാ​ട​ത്തി​ലെ​ത്തി​യ​ത്. തു​ട​ർ​ന്ന് മ​റ്റ്​ മൂ​ന്ന് ട​ഗ്ഗു​ക​ളു​ടെ സ​ഹാ​യ​ത്തോ​ടെ വാ​ർ​ഫി​ൽ അ​ടു​പ്പി​ച്ചു.

ഇ​ക്ക​ഴി​ഞ്ഞ ഒ​മ്പ​തി​ന് രാ​വി​ലെ വി​ഴി​ഞ്ഞം പു​റം​ക​ട​ലി​ൽ എ​ത്തി​യ ക​പ്പ​ലി​ന് തി​ങ്ക​ളാ​ഴ്ച ഉ​ച്ച​യോ​ടെ​യാ​ണ് തു​റ​മു​ഖ​ത്തേ​ക്ക് പ്ര​വേ​ശി​ക്കാ​നു​ള്ള അ​നു​മ​തി ബ​ന്ധ​പ്പെ​ട്ട ഏ​ജ​ൻ​സി​ക​ൾ ന​ൽ​കി​യ​തെ​ന്നാ​ണ് പ​റ​യു​ന്ന​തെ​ങ്കി​ലും വാ​ർ​ഫി​ൽ ഇ​റ​ക്കു​ന്ന കൂ​റ്റ​ൻ ക്രെ​യി​ൻ സ്ഥാ​പി​ക്കു​ന്ന ട്രാ​ക്കി​ലെ സാ​ങ്കേ​തി​ക സൗ​ക​ര്യം ഒ​രു​ക്കു​ന്ന​തി​ൽ വ​ന്ന കാ​ല​താ​മ​സ​വും ച​ര​ക്കു​ക​പ്പ​ൽ ന​ടു​ക്ക​ട​ലി​ൽ കാ​ത്തു​കി​ട​ക്കാ​ൻ കാ​ര​ണ​മാ​യ​താ​യു​ള്ള സൂ​ച​ന​ക​ളും പു​റ​ത്തു​വ​രു​ന്നു​ണ്ട്.

ഏ​താ​യാ​ലും ദി​വ​സ​ങ്ങ​ളു​ടെ കാ​ത്തു​കി​ട​പ്പി​നൊ​ടു​വി​ൽ മ​റ്റ് മ​ത്സ്യ​ബ​ന്ധ​ന വ​ള്ള​ങ്ങ​ൾ ഉ​ൾ​പ്പെ​ടെ​യു​ള്ള ക​ട​ൽ​യാ​ന​ങ്ങ​ളു​ടെ ത​ട​സ്സ​ങ്ങ​ൾ ഒ​ഴി​വാ​ക്കി അ​ധി​കൃ​ത​ർ തെ​ളി​ച്ച പാ​ത​യി​ലൂ​ടെ​യാ​ണ് ക​പ്പ​ൽ വി​ഴി​ഞ്ഞം തു​റ​മു​ഖ​ത്തെ​ത്തി​യ​ത്.

കാ​ലാ​വ​സ്ഥ അ​നു​കൂ​ല​മാ​യാ​ൽ ഇ​വി​ടെ ഇ​റ​ക്കാ​നു​ള്ള കൂ​റ്റ​ൻ ഷി​പ്പ് ടു ​ഷോ​ർ ക്രെ​യി​ൻ ഇ​റ​ക്കി​യ ശേ​ഷം മു​ന്ദ്ര പോ​ർ​ട്ടി​ലേ​ക്കു​ള്ള ആ​റ് യാ​ർ​ഡ് ക്രെ​യി​നു​ക​ളു​മാ​യി ര​ണ്ട് ദി​വ​സ​ത്തി​നു​ള്ളി​ൽ ക​പ്പ​ൽ ഗു​ജ​റാ​ത്തി​ലേ​ക്ക് തി​രി​ക്കും.