കോടിയേരിയുടെ ജീവിതത്തിന്​ ദൃശ്യഭാഷ

തി​രു​വ​ന​ന്ത​പു​രം: അ​ന്ത​രി​ച്ച സി.​പി.​എം നേ​താ​വ്​ കോ​ടി​യേ​രി ബാ​ല​കൃ​ഷ്ണ​ന്‍റെ ജീ​വി​തം ദൃ​ശ്യ​ഭാ​ഷ​യി​ലേ​ക്ക്. ‘കോ​ടി​യേ​രി ഒ​രു​ദേ​ശം, ഒ​രു കാ​ലം’ എ​ന്ന പേ​രി​ൽ ജി​ത്തു കോ​ള​യാ​ട്​ ര​ച​ന​യും സം​വി​ധാ​ന​വും നി​ർ​വ​ഹി​ച്ച ഡോ​ക്യു​മെ​ന്‍റ​റി​യു​ടെ ആ​ദ്യ പ്ര​ദ​ർ​ശ​നം വ്യാ​ഴാ​ഴ്ച ത​ല​സ്ഥാ​ന​ത്ത്​ ന​ട​ക്കും.

പ​ഠ​ന​വും സ​മ​ര​പ്ര​ക്ഷോ​ഭ​ങ്ങ​ളും അ​ടി​യ​ന്ത​രാ​വ​സ്ഥ കാ​ല​ത്തെ ജ​യി​ല​നു​ഭ​വ​ങ്ങ​ളും ജ​ന​പ്ര​തി​നി​ധി​യെ​ന്ന നി​ല​യി​ലെ മി​ക​വും ജ​ന​പ്രി​യ​നാ​യ രാ​ഷ്ട്രീ​യ നേ​താ​വെ​ന്ന നി​ല​യി​ൽ സ​ഹ​പ്ര​വ​ർ​ത്ത​ക​രു​ടെ ഓ​ർ​മ​ക​ളു​മ​ട​ക്കം കോ​ടി​യേ​രി​യു​ടെ ജീ​വി​തം സ​മ​ഗ്ര​മാ​യി അ​ട​യാ​ള​പ്പെ​ടു​ത്തു​ന്ന ഡോ​ക്യു​മെ​ന്‍റ​റി​ക്ക്​ 90 മി​നി​റ്റാ​ണ്​ ദൈ​ർ​ഘ്യം.

സീ​താ​റാം യെ​ച്ചൂ​രി, പി​ണ​റാ​യി വി​ജ​യ​ൻ, ​എ.​കെ. ആ​ന്‍റ​ണി, പ​ന്ന്യ​ൻ ര​വീ​ന്ദ്ര​ൻ, പി.​കെ. കൃ​ഷ്ണ​ദാ​സ്, ടി. ​പ​ത്മ​നാ​ഭ​ൻ, മ​മ്മൂ​ട്ടി, മോ​ഹ​ൻ​ലാ​ൽ മു​ത​ൽ ‘കോ​ടി​യേ​രി’ എ​ന്ന പേ​രി​ന്​ ഇ​ട​യാ​ക്കി​യ മൂ​ഴി​ക്ക​ര​യി​ലെ ബാ​ല​കൃ​ഷ്ണ​നും അ​നു​ഭ​വ​ങ്ങ​ൾ വി​വ​രി​ക്കു​ന്നു. ചൊ​ക്ലി ഓ​ണി​യ​ൻ​സ്​ സ്കൂ​ളി​ൽ പ​ത്താം ക്ലാ​സി​ൽ പ​ഠി​ക്കു​​മ്പോ​ഴാ​ണ്​ കോ​ടി​യേ​രി എ​ന്ന പേ​രി​നി​ട​യാ​ക്കി​യ സം​ഭ​വം. കാ​ഞ്ഞ​ങ്ങാ​ട്​ ന​ട​ന്ന കെ.​എ​സ്.​എ​ഫ്​ സ​മ്മേ​ള​ന​ത്തി​ൽ പ​​ങ്കെ​ടു​ക്കാ​നെ​ത്ത​വെ ര​ജി​സ്​​ട്രേ​ഷ​ന്​ ആ​ശ​യ​ക്കു​ഴ​പ്പ​മാ​യി.

ഒ​രേ പേ​രി​ൽ ‘ര​ണ്ട്​ ബാ​ല​കൃ​ഷ്​​ണ​ൻ​മാ​ർ’. അ​ങ്ങ​നെ ആ ​ര​ണ്ട്​ കു​ട്ടി​ക​ളും ചേ​ർ​ന്നെ​ടു​ത്ത തീ​രു​മാ​നാ​ണ്​ ഒ​രാ​ൾ കോ​ടി​യേ​രി ബാ​ല​കൃ​ഷ്ണ​നും മ​റ്റെ​യാ​ൾ മൂ​ഴി​ക്ക​ര ബാ​ല​കൃ​ഷ്ണ​നു​മാ​കാ​മെ​ന്ന​ത്. ഒ​പ്പം ബാ​ല്യ​കാ​ല സു​ഹൃ​ത്തു​ക്ക​ളും ഡോ​ക്യു​മെ​ന്‍റ​റി​യി​ലെ​ത്തു​ന്നു​ണ്ട്. വ്യാ​ഴാ​ഴ്​​ച വൈ​കു​​ന്നേ​രം ഏ​ഴി​ന്​ ടാ​ഗോ​ർ തി​യ​റ്റ​റി​ലാ​ണ്​ ​ആ​ദ്യ പ്ര​ദ​ർ​ശ​നം. കോ​ടി​യേ​രി​യു​ടെ ഭാ​ര്യ വി​നോ​ദി​നി​യാ​ണ്​ ഡോ​ക്യു​മെ​ന്‍റ​റി​യു​ടെ നി​ർ​മാ​ണം.