വെ​ഞ്ഞാ​റ​മൂ​ട് മത്സ്യവിപണന കേന്ദ്രം ഉപേക്ഷിക്കപ്പെട്ട നിലയില്‍

വെ​ഞ്ഞാ​റ​മൂ​ട്: ആ​ഘോ​ഷ​പൂ​ര്‍വം ഉ​ദ്ഘാ​ട​നം ചെ​യ്ത മ​ത്സ്യ​വി​പ​ണ​ന​കേ​ന്ദ്രം ഉ​പേ​ക്ഷി​ക്ക​പ്പെ​ട്ട നി​ല​യി​ല്‍. പൊ​തു​ഖ​ജ​നാ​വി​ലെ ര​ണ്ട​ര​ക്കോ​ടി രൂ​പ ന​ഷ്​​ട​ത്തി​ല്‍ ക​ലാ​ശി​ച്ചു. നെ​ല്ല​നാ​ട് പ​ഞ്ചാ​യ​ത്തി​െൻറ കീ​ഴി​ലു​ള്ള വെ​ഞ്ഞാ​റ​മൂ​ട് ച​ന്ത​യി​ല്‍ ഫി​ഷ​റീ​സ് ​െഡ​വ​ല​പ്‌​മെൻറ്​ കോ​ര്‍പ​റേ​ഷ​ന്‍ ര​ണ്ട​ര​ക്കോ​ടി രൂ​പ മു​ട​ക്കി നി​ർ​മി​ച്ച അ​ന്ത​ർ​ദേ​ശീ​യ നി​ല​വാ​ര​ത്തി​ലു​ള്ള മ​ത്സ്യ​വി​പ​ണ​ന​കേ​ന്ദ്ര​മാ​ണ് ഉ​പേ​ക്ഷി​ക്ക​പ്പെ​ട്ട നി​ല​യി​ല്‍ തു​ട​രു​ന്ന​ത്.

പ​ല പ്ര​ദേ​ശ​ങ്ങ​ളി​ല്‍നി​ന്നു​മാ​യി ഒ​ട്ട​ന​വ​ധി വാ​ഹ​ന​ങ്ങ​ളി​ല്‍ ഇ​വി​ടെ മ​ത്സ്യ​മെ​ത്താ​റു​ണ്ട്. ഇ​വ​യു​ടെ ലേ​ല​വും മൊ​ത്ത​വി​ത​ര​ണ​വും ചി​ല്ല​റ വി​ൽ​പ​ന​യു​മൊ​ക്കെ​യാ​യി നൂ​റ് ക​ണ​ക്കി​ന് പേ​രാ​ണ് ച​ന്ത​യെ ആ​ശ്ര​യി​ച്ച് ക​ഴി​യു​ന്ന​ത്. എ​ന്നാ​ല്‍, വി​ൽ​ക്കാ​തെ​വ​രു​ന്ന മ​ത്സ്യ​ങ്ങ​ളോ വി​ൽ​പ​ന​ക്കു​ശേ​ഷം ബാ​ക്കി​വ​രു​ന്ന​വ​യോ കേ​ടു​കൂ​ടാ​തെ സൂ​ക്ഷി​ക്കാ​ന്‍ സം​വി​ധാ​നം ഉ​ണ്ടാ​യി​രു​ന്നി​ല്ല.

ഈ ​സാ​ഹ​ച​ര്യ​ത്തി​ലാ​ണ് ഫി​ഷ​റീ​സ് ​െഡ​വ​ല​പ്‌​മെൻറ്​ കോ​ർ​പ​റേ​ഷ​ന്‍ ച​ന്ത​യി​ല്‍ അ​ന്ത​ർ​ദേ​ശീ​യ നി​ല​വാ​ര​ത്തി​ലു​ള്ള മ​ത്സ്യ​വി​പ​ണ​ന​കേ​ന്ദ്രം എ​ന്ന ആ​ശ​യ​വു​മാ​യി മു​ന്നോ​ട്ടു​വ​രു​ന്ന​ത്. 2013ല്‍ ​പ​ദ്ധ​തി പ്ര​വ​ര്‍ത്ത​നം ആ​രം​ഭി​ച്ചു.

2014ല്‍ ​നി​ർ​മാ​ണം പൂ​ര്‍ത്തി​യാ​യ വി​പ​ണ​ന​കേ​ന്ദ്രം അ​ന്ന​ത്തെ മ​ന്ത്രി കെ. ​ബാ​ബു ഉ​ദ്ഘാ​ട​നം ചെ​യ്​​തു. പി​ന്നീ​ട് ഈ ​സ്ഥാ​പ​ന​ത്തി​െൻറ ന​ട​ത്തി​പ്പ് അ​വ​കാ​ശം പ​ഞ്ചാ​യ​ത്തി​ന് കൈ​മാ​റി. എ​ന്നാ​ല്‍ അ​ഞ്ചു​വ​ര്‍ഷം പി​ന്നി​ട്ടി​ട്ടും സ്ഥാ​പ​നം തു​റ​ന്നു​പ്ര​വ​ര്‍ത്തി​പ്പി​ക്കാ​ന്‍ ന​ട​പ​ടി​യു​ണ്ടാ​യി​ല്ല.