ഉദ്യോഗസ്ഥയെ ശല്യം ചെയ്ത കേസ്​: യുവാവ്​ അറസ്റ്റിൽ

വെ​ഞ്ഞാ​റ​മൂ​ട്: സ്‌​കൂ​ട്ട​റി​ല്‍ സ​ഞ്ച​രി​ക്കു​ക​യാ​യി​രു​ന്ന ഉ​ദ്യോ​ഗ​സ്ഥ​യെ ബൈ​ക്കി​ല്‍ പി​ന്തു​ട​ര്‍ന്ന് ശ​ല്യം ചെ​യ്ത സം​ഭ​വ​ത്തി​ല്‍ യു​വാ​വ് അ​റ​സ്റ്റി​ല്‍. വാ​മ​ന​പു​രം മേ​ലാ​റ്റു​മൂ​ഴി ഗ്രീ​ഷ്മ ഭ​വ​നി​ല്‍ റി​ജേ​ഷ് (23) ആ​ണ് അ​റ​സ്റ്റി​ലാ​യ​ത്. ചി​ത​റ മാ​ങ്കോ​ട് സ്വ​ദേ​ശി​യാ​യ ഉ​ദ്യോ​ഗ​സ്ഥ​യു​ടെ പ​രാ​തി​യി​ലാ​ണ് ന​ട​പ​ടി. ഇ​ക്ക​ഴി​ഞ്ഞ ബു​ധ​നാ​ഴ്ച രാ​ത്രി 9.30ന് ​ആ​യി​രു​ന്നു സം​ഭ​വം.

പൊ​തു​മ​രാ​മ​ത്ത് വ​കു​പ്പി​ല്‍ ഓ​വ​ര്‍സി​യ​റാ​യ യു​വ​തി ജോ​ലി ക​ഴി​ഞ്ഞ് എ​ന്‍ജി​നീ​യ​റി​ങ്​ കോ​ള​ജി​ലെ സാ​യാ​ഹ്ന ക്ലാ​സി​ലും പ​ങ്കെ​ടു​ത്ത​ശേ​ഷം വീ​ട്ടി​ലേ​ക്ക് മ​ട​ങ്ങു​ക​യാ​യി​രു​ന്നു. യാ​ത്ര​ക്കി​ടെ ആ​ലു​ന്ത​റ​യി​ലാ​ണ്​ യു​വാ​വി​ന്റെ ഭാ​ഗ​ത്ത് നി​ന്നു​ള്ള ആ​ദ്യ​ത്തെ ശ​ല്യ​പ്പെ​ടു​ത്ത​ലു​ണ്ടാ​യ​ത്.

ഇ​വി​ടെ​നി​ന്ന്​ ഒ​രു വി​ധം ര​ക്ഷ​പ്പെ​ട്ട ഉ​ദ്യോ​ഗ​സ്ഥ​യെ ബൈ​ക്കി​ല്‍ പി​ന്തു​ട​ര്‍ന്ന് വാ​മ​ന​പു​രം പാ​ല​ത്തി​ന്​ സ​മീ​പം വീ​ണ്ടും ശ​ല്യ​പ്പെ​ടു​ത്തി. വീ​ണ്ടും ര​ക്ഷ​പ്പെ​ട്ട ഉ​ദ്യോ​ഗ​സ്ഥ കാ​രേ​റ്റ് ജ​ങ്​​ഷ​നി​ലെ​ത്തി പൊ​ലീ​സ് ഹെ​ല്‍പ്​ ലൈ​നി​ല്‍ വി​ളി​ച്ച് ബൈ​ക്കി​ന്റെ ന​മ്പ​ര്‍ സ​ഹി​തം പ​രാ​തി പ​റ​യു​ക​യും സ​ഹാ​യാ​ഭ്യ​ർ​ഥ​ന ന​ട​ത്തു​ക​യും ചെ​യ്ത​ശേ​ഷം യാ​ത്ര തു​ട​ര്‍ന്നു. യു​വാ​വ്​ കാ​രേ​റ്റ് പാ​ലോ​ട് റോ​ഡി​ല്‍ ആ​റാം​താ​ന​ത്ത്​ ശ​ല്യ​പ്പെ​ടു​ത്തി​യ​പ്പോ​ൾ ഉ​ദ്യോ​ഗ​സ്ഥ ബ​ഹ​ളം​വെ​ക്കു​ക​യും മ​റ്റൊ​രു ബൈ​ക്കി​ല്‍ വ​ന്ന യു​വാ​ക്ക​ള്‍ വാ​ഹ​നം നി​ര്‍ത്തി ഇ​റ​ങ്ങു​ക​യും ചെ​യ്ത​തോ​ടെ അ​ക്ര​മി ഇ​ട​റോ​ഡി​ലൂ​ടെ ര​ക്ഷ​പ്പെ​ട്ടു.

പ​രാ​തി​യു​ടെ അ​ടി​സ്ഥാ​ന​ത്തി​ല്‍ കേ​സെ​ടു​ത്ത പൊ​ലീ​സ് വെ​ള്ളി​യാ​ഴ്ച രാ​വി​ലെ പ്ര​തി​യെ ക​സ്റ്റ​ഡി​യി​ലെ​ടു​ത്തു. അ​റ​സ്റ്റ് രേ​ഖ​പ്പെ​ടു​ത്തി നെ​ടു​മ​ങ്ങാ​ട് കോ​ട​തി​യി​ല്‍ ഹാ​ജ​രാ​ക്കി.