വാമനപുരം മണ്ഡലത്തിൽ 100പേർക്ക് കെ-ഫോൺ സൗജന്യം
text_fields
വാമനപുരം മണ്ഡലത്തില്‍ ദാരിദ്ര്യരേഖക്ക് താഴെയുള്ളവര്‍ക്ക് സൗജന്യമായി കെ-ഫോണ്‍ നൽകുന്നതുമായി ബന്ധപ്പെട്ട ബ്ലോക്ക് പഞ്ചായത്തില്‍ ചേര്‍ന്ന യോഗം
വെഞ്ഞാറമൂട്: വാമനപുരം മണ്ഡലത്തിന്റെ പരിധിയില്‍ വരുന്ന പഞ്ചായത്തുകളില്‍ ദാരിദ്ര്യ രേഖക്ക് താഴെയുള്ള 100 കുടുംബങ്ങള്‍ക്ക് സൗജന്യമായി കെ-ഫോണ്‍ കണക്ഷന്‍ നല്‍കുന്നു. മണ്ഡലത്തിലെ ഒമ്പത് പഞ്ചായത്തുകളില്‍നിന്നായി 11 പേര്‍ക്ക് വീതമായിരിക്കും ആദ്യഘട്ട സൗജന്യ കണക്ഷന്‍ നല്‍കുക.
എസ്.സി വിഭാഗക്കാര്‍ക്ക് പത്തും എസ്.ടി വിഭാഗക്കാര്‍ക്ക് മൂന്ന് ശതമാനവും സംവരണം ചെയ്യും. ഇതുമായി ബന്ധപ്പെട്ട് വാമനപുരം ബ്ലോക്ക് പഞ്ചായത്ത് ഓഫിസില്‍ ചേര്‍ന്ന യോഗത്തില്‍ ഡി.കെ. മുരളി എം.എല്‍.എ അധ്യക്ഷതവഹിച്ചു.
ബ്ലോക്ക് പഞ്ചായത്ത് പ്രസിഡന്റ് ജി. കോമളം, വൈസ് പ്രസിഡന്റ് എസ്.എം. റാസി, ബി.ഡി.ഒ നാസര്‍ എന്‍.എ, പഞ്ചായത്ത് പ്രസിഡന്‍റുമാര്‍, ബ്ലോക്ക് പഞ്ചായത്ത് അംഗങ്ങള്‍, പഞ്ചായത്ത് സെക്രട്ടറിമാര്‍ തുടങ്ങിയവര്‍ പങ്കെടുത്തു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
