റോഡിലെ വെള്ളക്കെട്ട് അപകടമുണ്ടാക്കുന്നു

വെള്ളറട: പാറശ്ശാല കളിയിക്കാവിള റോഡില്‍ ചെറിയകൊല്ല ജങ്ഷനില്‍ റോഡും ഓടയും തിരിച്ചറിയാന്‍ കഴിയാത്തരീതിയില്‍ വെള്ളക്കെട്ട്. സ്‌കൂള്‍ കുട്ടികള്‍ അപകടത്തില്‍പെടുന്നത് നിത്യസംഭവമായി. എം.എല്‍.എ അടിയന്തരമായി ഇടപെട്ട് വെള്ളക്കെട്ടിനും റോഡ് തകര്‍ച്ചക്കും പരിഹാരമുണ്ടാക്കിയില്ലെങ്കിൽ പ്രതിഷേധ പരിപാടികള്‍ സംഘടിപ്പിക്കുമെന്ന് കോണ്‍ഗ്രസ് പനച്ചമൂട് ബ്ലോക്ക് മെംബര്‍ ശ്യാമും പ്രവാസി റിട്ടേണ്‍ കോണ്‍ഗ്രസ് നേതാവ് മംഗള്‍ദാസും പറഞ്ഞു.