നവകേരള സദസ്സും കൈവിട്ടു; പെട്ടിക്കടയിട്ട് നിര്‍ധന കര്‍ഷകന്‍

വെ​ള്ള​റ​ട: ന​വ​കേ​ര​ള സ​ദ​സ്സി​ല്‍ ​ന​ല്‍കി​യ നി​വേ​ദ​ന​ത്തി​ന് ഫ​ല​മി​ല്ലാ​തെ കാ​ര്‍ഷി​ക​ക്കെ​ടു​തി​യി​ല്‍ അ​നു​വ​ദി​ച്ച തു​ക കി​ട്ടാ​നാ​യി ഓ​ഫി​സു​ക​ള്‍ ക​യ​റി​യി​റ​ങ്ങു​ക​യാ​ണ് നി​ര്‍ധ​ന ക​ര്‍ഷ​ക​ന്‍.

വെ​ള്ള​റ​ട കൃ​ഷി​ഭ​വ​ന്‍ പ​രി​ധി​യി​ലെ വെ​ള്ള​റ​ട പി​ള്ള​വീ​ട് ര​മ്യാ​ഭ​വ​നി​ല്‍ ശ്രീ​ക​ണ്ഠ​ന്‍നാ​യ​രാ​ണ് (ച​ന്ദ്ര​ന്‍-65) നാ​ലു​വ​ര്‍ഷം​മു​മ്പ്​ അ​നു​വ​ദി​ച്ച കാ​ര്‍ഷി​ക ന​ഷ്ട​പ​രി​ഹാ​ര​ത്തു​ക​ക്കാ​യി നെ​ട്ടോ​ട്ട​മോ​ടു​ന്ന​ത്.

ക​ടം വാ​ങ്ങി​യും വാ​യ്പ​യെ​ടു​ത്തും ര​ണ്ട​ര ഏ​ക്ക​റോ​ളം പാ​ട്ട​ത്തി​നെ​ടു​ത്ത വ​സ്തു​വി​ല്‍ വാ​ഴ​ക്കൃ​ഷി​യി​റ​ക്കി. 2020 മാ​ര്‍ച്ചി​ലു​ണ്ടാ​യ ചു​ഴ​ലി​ക്കാ​റ്റി​ലും പേ​മാ​രി​യി​ലും വി​ള​വെ​ടു​ക്കാ​റാ​യ മു​ഴു​വ​ന്‍ കൃ​ഷി​യും ന​ശി​ച്ചു. കൃ​ഷി​വ​കു​പ്പ് അ​ധി​കൃ​ത​ര്‍ ന​ൽ​കി​യ റി​പ്പോ​ര്‍ട്ടി​ൻ​പ്ര​കാ​രം 2020 സെ​പ്റ്റം​ബ​റി​ല്‍ 62,500 രൂ​പ ന​ഷ്ട​പ​രി​ഹാ​രം അ​നു​വ​ദി​ച്ചു. അ​തി​ല്‍ ആ​ദ്യം 3780 രൂ​പ​യും ല​ഭി​ച്ചു. ബാ​ക്കി തു​ക ഇ​തു​വ​രെ​യും കി​ട്ടി​യി​ട്ടി​ല്ല.

തു​ക ല​ഭി​ക്കു​ന്ന​തി​നാ​യി ന​ൽ​കി​യ​ വി​ജ​യ​ബാ​ങ്ക് വെ​ള്ള​റ​ട ശാ​ഖ​യി​ലെ അ​ക്കൗ​ണ്ട് ന​മ്പ​ർ പി​ന്നീ​ട് ബാ​ങ്ക് ബ​റോ​ഡ ബാ​ങ്കാ​യ​തോ​ടെ മാ​റി​യ​ത്​ ക​ര്‍ഷ​ക​ന​റി​ഞ്ഞി​ല്ല. ഇ​ക്കാ​ര​ണ​ത്താ​ല്‍ തു​ക അ​ക്കൗ​ണ്ടി​ല്‍ വ​ന്നി​ല്ല. പി​ന്നീ​ട് പു​തി​യ അ​ക്കൗ​ണ്ട് ന​മ്പ​ര്‍ ന​ല്‍കി​യെ​ങ്കി​ലും തു​ക കി​ട്ടി​യി​ല്ല.

തു​ക സ​ര്‍ക്കാ​ര്‍ ഫ​ണ്ടി​ലേ​ക്ക് തി​രി​കേ​പ്പോ​യെ​ന്നാ​ണ്​ കൃ​ഷി​ഭ​വ​നി​ൽ നി​ന്ന​റി​യി​ച്ച​ത്. ഇ​തി​നി​ടെ​യു​ണ്ടാ​യ അ​പ​ക​ട​ത്തി​ല്‍ കാ​ലൊ​ടി​ഞ്ഞ​തോ​ടെ കൃ​ഷി പൂ​ര്‍ണ​മാ​യും ഉ​പേ​ക്ഷി​ച്ച് ചൂ​ണ്ടി​ക്ക​ലി​ല്‍ പെ​ട്ടി​ക്ക​ട ന​ട​ത്തു​ക​യാ​ണ് ഈ ​ക​ര്‍ഷ​ക​ന്‍.