മൂന്നുവർഷത്തിനകം കേരളം അതിദരിദ്രരില്ലാത്ത സംസ്ഥാനമാകും -എം.വി. ഗോവിന്ദൻ

വ​ർ​ക്ക​ല: മൂ​ന്നു​വ​ർ​ഷ​ത്തി​ന​കം കേ​ര​ളം അ​തി​ദ​രി​ദ്ര​രി​ല്ലാ​ത്ത സം​സ്ഥാ​ന​മാ​കു​മെ​ന്ന് സി.​പി.​എം സം​സ്ഥാ​ന സെ​ക്ര​ട്ട​റി എം.​വി. ഗോ​വി​ന്ദ​ൻ. ത​ല​സ്ഥാ​ന ജി​ല്ല​യി​ലേ​ക്ക് ക​ട​ന്ന ജാ​ഥ​ക്ക് ആ​ദ്യ സ്വീ​ക​ര​ണ സ്ഥ​ല​മാ​യ വ​ർ​ക്ക​ല​യി​ൽ ന​ട​ന്ന സ​മ്മേ​ള​ന​ത്തി​ൽ സം​സാ​രി​ക്കു​ക​യാ​യി​രു​ന്നു അ​ദ്ദേ​ഹം. കേ​ന്ദ്രം അ​ദാ​നി​യെ​യും അം​ബാ​നി​യെ​യും ദ​ത്തെ​ടു​ത്ത​പ്പോ​ൾ സം​സ്ഥാ​ന​ത്തെ ഇ​ട​തു​സ​ർ​ക്കാ​ർ പാ​വ​ങ്ങ​ളെ​യാ​ണ് ദ​ത്തെ​ടു​ത്ത​ത്. ഒ​ടു​വി​ല​ത്തെ ക​ണ​ക്കെ​ടു​പ്പി​ൽ കി​ട​പ്പാ​ട​മി​ല്ലാ​ത്ത 64,006 കു​ടും​ബ​ങ്ങ​ളു​ണ്ട്. അ​തി​ദ​രി​ദ്ര​രാ​യ ഇ​വ​ർ​ക്ക് വ​രു​ന്ന മൂ​ന്ന് വ​ർ​ഷ​ത്തി​ന​കം ഭൂ​മി​യും വീ​ടും ന​ൽ​കി മെ​ച്ച​പ്പെ​ട്ട ജീ​വി​ത സാ​ഹ​ച​ര്യം ഒ​രു​ക്കും. അ​തോ​ടെ അ​തി​ദ​രി​ദ്ര​രി​ല്ലാ​ത്ത ഇ​ന്ത്യ​യി​ലെ ഏ​ക സം​സ്ഥാ​ന​മാ​യി കേ​ര​ളം മാ​റും.

ഇ​വി​ടെ എ​ല്ലാ​വ​ർ​ക്കും ഭൂ​മി​യും വീ​ടും വി​ദ്യാ​ഭ്യാ​സ, ആ​രോ​ഗ്യ​സം​വി​ധാ​ന​ങ്ങ​ളു​മു​ണ്ട്. ഇ​നി വേ​ണ്ട​ത് സ​മാ​ധാ​ന​മാ​ണ്. അ​തി​ന് വ​ർ​ഗീ​യ ശ​ക്തി​ക​ളെ ഒ​റ്റ​പ്പെ​ടു​ത്ത​ണം. അ​തി​നു​ള്ള ശ്ര​മ​ങ്ങ​ളു​ടെ ഭാ​ഗ​മാ​യാ​ണ് ജ​ന​കീ​യ പ്ര​തി​രോ​ധ ജാ​ഥ സം​ഘ​ടി​പ്പി​ച്ച​ത്. എ​ന്നാ​ൽ ഈ ​ജാ​ഥ സി.​പി.​എ​മ്മി​ന​ക​ത്തെ പ്ര​ശ്ന​ങ്ങ​ൾ തീ​ർ​ക്കാ​നാ​ണെ​ന്നാ​ണ് മാ​ധ്യ​മ​ങ്ങ​ൾ പ്ര​ച​രി​പ്പി​ക്കു​ന്ന​ത്. പാ​ർ​ട്ടി​യി​ൽ യാ​തൊ​രു പ്ര​ശ്ന​ങ്ങ​ളു​മി​ല്ല. അ​വി​ടെ​യു​മി​വി​ടെ​യു​മു​ള്ള ചി​ല്ല​റ പ്ര​ശ്ന​ങ്ങ​ൾ പെ​രു​പ്പി​ച്ചു​കാ​ണി​ച്ചാ​ണ് മാ​ധ്യ​മ​ങ്ങ​ളു​ടെ പ്ര​ചാ​ര​ണം.

സി.​പി.​എ​മ്മി​നെ ആ​ശ്ര​യി​ക്കാ​ത്ത ആ​രും കേ​ര​ള​ത്തി​ലി​ല്ല. കു​ത്ത​ക​ക​ള​ല്ലാ​ത്ത എ​ല്ലാ മ​നു​ഷ്യ​രു​മാ​യും പാ​ർ​ട്ടി സ​ഹ​ക​രി​ക്കും. എ​ല്ലാ വി​ഭാ​ഗ​ത്തി​ന്റെ​യും പി​ന്തു​ണ​യൊ​ടെ സി.​പി.​എം കേ​ര​ള​ത്തി​ലെ ഏ​റ്റ​വും വ​ലി​യ ഒ​റ്റ​പ്പാ​ർ​ട്ടി​യാ​യി മാ​റു​മെ​ന്നും അ​ദ്ദേ​ഹം പ​റ​ഞ്ഞു.

സി.​പി.​എം ജി​ല്ല സെ​ക്ര​ട്ട​റി അ​ഡ്വ. വി. ​ജോ​യി എം.​എ​ൽ.​എ അ​ധ്യ​ക്ഷ​ത വ​ഹി​ച്ചു. കെ.​ടി. ജ​ലീ​ൽ എം.​എ​ൽ.​എ, എം. ​സ്വ​രാ​ജ് എ​ന്നി​വ​ർ സം​സാ​രി​ച്ചു. മ​ന്ത്രി വി.​ശി​വ​ൻ​കു​ട്ടി, ജെ​യ്ക് സി. ​തോ​മ​സ്, എ.​എ. റ​ഹീം എം.​പി, ആ​ന​ത്ത​ല​വ​ട്ടം ആ​ന​ന്ദ​ൻ, എം. ​വി​ജ​യ​കു​മാ​ർ, എം.​കെ.​യൂ​സു​ഫ്, അ​ഡ്വ. ഷാ​ജ​ഹാ​ൻ, മ​ട​വൂ​ർ അ​നി​ൽ, അ​ഡ്വ. ബി.​എ​സ്. ജോ​സ്, ന​ഗ​ര​സ​ഭ ചെ​യ​ർ​മാ​ൻ കെ.​എം. ലാ​ജി, ബി.​പി. മു​ര​ളി എ​ന്നി​വ​രും സം​ബ​ന്ധി​ച്ചു.