തണലുണ്ട് നഗരത്തിൽ, എന്നാൽ ഏതുനേരത്തും മരങ്ങൾ നിലംപൊത്താം

വ​ർ​ക്ക​ല: ത​ണ​ലു​ണ്ട് പ​ക്ഷേ, എ​പ്പോ​ൾ വേ​ണ​മെ​ങ്കി​ലും നി​ലം​പൊ​ത്താം. വ​ർ​ക്ക​ല​യി​ലെ ത​ണ​ൽ​മ​ര​ങ്ങ​ൾ യാ​ത്ര​ക്കാ​രെ അ​പ​ക​ട ഭീ​തി​യു​ടെ മു​ൾ​മു​ന​യി​ൽ നി​ർ​ത്തു​ന്നു. റോ​ഡ​രി​കി​ലെ ഉ​ണ​ങ്ങി ദ്ര​വി​ച്ച ത​ണ​ൽ​മ​ര​ങ്ങ​ളാ​ണ് അ​പ​ക​ട ഭീ​ഷ​ണി​യു​യ​ർ​ത്തു​ന്ന​ത്. റെ​യി​ൽ​വേ സ്റ്റേ​ഷ​നു സ​മീ​പ​ത്ത് പ​തി​റ്റാ​ണ്ടു​ക​ൾ പ​ഴ​ക്ക​മു​ള്ള ത​ണ​ൽ​മ​ര​ങ്ങ​ളി​ൽ പ​ല​തും ഏ​ത് നി​മി​ഷ​വും നി​ലം പൊ​ത്താ​വു​ന്ന അ​വ​സ്ഥ​യി​ലാ​ണ്.

സ്റ്റേ​ഷ​ൻ വി​ക​സ​ന​വു​മാ​യി ബ​ന്ധ​പ്പെ​ട്ട് മു​റി​ച്ചു​മാ​റ്റു​ന്ന​തി​നാ​യി റെ​യി​ൽ​വേ ന​മ്പ​ർ ഇ​ട്ടി​ട്ടു​ള്ള മ​ര​ങ്ങ​ളി​ൽ പ​ല​തും ഒ​ടി​ഞ്ഞും ക​ട​പു​ഴ​കി വീ​ണും അ​പ​ക​ടം സം​ഭ​വി​ക്കാ​നു​ള്ള സാ​ധ്യ​ത ഏ​റെ​യാ​ണെ​ന്നു​ള്ള നാ​ട്ടു​കാ​രു​ടെ പ​രാ​തി​ക​ൾ ഇ​തി​ന​കം ഉ​യ​ർ​ന്നി​ട്ടു​ണ്ട്.

സ്റ്റേ​ഷ​ൻ പ​രി​സ​ര​ത്തു നി​ന്ന പ​ടു​കൂ​റ്റ​ൻ ആ​ൽ​മ​ര​ത്തി​ന്റെ പ​ട​ർ​ന്നു പ​ന്ത​ലി​ച്ച ഒ​രു ശി​ഖ​രം ക​ഴി​ഞ്ഞ ദി​വ​സം ഒ​ടി​ഞ്ഞു​വീ​ണി​രു​ന്നു. ഒ​ടി​ഞ്ഞു​വീ​ണ​ത് പു​ല​ർ​ച്ച​യാ​യ​തി​നാ​ൽ വ​ൻ അ​പ​ക​ടം ഒ​ഴി​വാ​യി. ശി​ഖ​രം വീ​ണ​പ്പോ​ൾ സ​മീ​പ​ത്തെ വ്യാ​പാ​ര സ്ഥാ​പ​ന​ത്തി​ന്റെ ബോ​ർ​ഡു​ക​ൾ​ക്ക് മാ​ത്ര​മാ​ണ് കേ​ടു​പാ​ട്​ സം​ഭ​വി​ച്ച​ത്.

സാ​ധാ​ര​ണ മ​ര​ച്ചു​വ​ട്ടി​ലാ​യി ട്രെ​യി​ൻ യാ​ത്ര​ക്കാ​രു​ടെ നി​വ​ധി കാ​റു​ക​ളും നൂ​റോ​ളം ഇ​രു​ച​ക്ര​വാ​ഹ​ന​ങ്ങ​ളും പാ​ർ​ക്ക് ചെ​യ്യാ​റു​ള്ള​താ​ണ്. വ​രി​യോ​ര ക​ച്ച​വ​ട​ക്കാ​രും സാ​ധ​ന​ങ്ങ​ൾ വാ​ങ്ങാ​നെ​ത്തു​ന്ന​വ​രും മു​നി​സി​പ്പ​ൽ ബ​സ് സ്റ്റാ​ൻ​ഡി​ലേ​ക്ക് ന​ട​ന്നു പോ​കു​ന്ന​വ​രും പി​ന്നെ യാ​ത്ര​ക്കി​ട​യി​ൽ ത​ണ​ൽ​പ​റ്റി അ​ൽ​പം വി​ശ്ര​മി​ക്കു​ന്ന​വ​രു​മാ​യി വ​ലി​യ ആ​ൾ​ക്കൂ​ട്ട​വും മ​ര​ച്ചു​വ​ട്ടി​ലു​ണ്ടാ​കും. എ​ന്നാ​ൽ, മ​രം ഒ​ടി​ഞ്ഞ​ത് പു​ല​ർ​ച്ച​യാ​യ​തി​നാ​ൽ അ​പ​ക​ടം ഒ​ഴി​വാ​കു​ക​യാ​യി​രു​ന്നു.

ഈ ​മ​രം പൂ​ർ​ണ​മാ​യും ഉ​ണ​ങ്ങി​യ​തും ഏ​ക​ദേ​ശം 110 വ​ർ​ഷ​ത്തി​ന് മു​ക​ളി​ൽ പ​ഴ​ക്ക​മു​ള്ള​തു​മാ​ണ്. മ​ര​ത്തി​ന്റെ മ​റ്റ് ര​ണ്ട് കൂ​റ്റ​ൻ ശി​ഖ​ര​ങ്ങ​ളും ഏ​ത് സ​മ​യ​വും ഒ​ടി​ഞ്ഞു​വീ​ണേ​ക്കാ​വു​ന്ന നി​ല​യി​ലാ​ണ്.

സ്റ്റേ​ഷ​നു മു​ന്നി​ലെ ശ്രീ​കൃ​ഷ്ണ സ്വാ​മി ക്ഷേ​ത്രോ​ത്സ​വ​ത്തി​ന് ദി​വ​സ​ങ്ങ​ൾ മാ​ത്ര​മാ​ണ് ശേ​ഷി​ക്കു​ന്ന​ത്. 27 നാ​ണ് ഇ​വി​ടെ ആ​റാ​ട്ട് ഘോ​ഷ​യാ​ത്ര ന​ട​ക്കു​ന്ന​ത്. ആ​യി​ര​ക്ക​ണ​ക്കി​നാ​ളു​ക​ളാ​ണ് വൃ​ക്ഷ​ങ്ങ​ൾ നി​ൽ​ക്കു​ന്ന ഗ്രൗ​ണ്ടി​ൽ ഉ​ത്സ​വം കാ​ണാ​നെ​ത്തു​ന്ന​ത്.

ടൗ​ണി​ന്റെ പ്ര​ധാ​ന ശ്ര​ദ്ധാ​കേ​ന്ദ്ര​മാ​യ മു​നി​സി​പ്പ​ൽ പാ​ർ​ക്കി​ന്റെ ഇ​രു വ​ശ​ങ്ങ​ളി​ലു​മു​ള്ള ത​ണ​ൽ​മ​ര​ങ്ങ​ളും അ​പ​ക​ടാ​വ​സ്ഥ​യി​ലാ​ണ്. പാ​ർ​ക്കി​നോ​ട് ചേ​ർ​ന്ന് പൊ​ലീ​സ് സ്റ്റേ​ഷ​ൻ കോ​മ്പൗ​ണ്ടി​ൽ നി​ൽ​ക്കു​ന്ന ര​ണ്ട് ത​ണ​ൽ​മ​ര​ങ്ങ​ളി​ൽ ഒ​ന്ന് പൂ​ർ​ണ​മാ​യും ഉ​ണ​ങ്ങി​യ​താ​ണ്. ഇ​ത് ഏ​ത് നി​മി​ഷ​വും നി​ലം​പൊ​ത്താ​വു​ന്ന നി​ല​യി​ലു​മാ​ണ്. റോ​ഡി​നോ​ട് ചേ​ർ​ന്ന് നി​ൽ​ക്കു​ന്ന ത​ണ​ൽ​മ​ര​വും ക​ട​പു​ഴ​കി വീ​ഴു​മെ​ന്ന നി​ല​യി​ലാ​ണ്. മ​ര​ത്തി​ന്റെ അ​ടി​ഭാ​ഗം ജീ​ർ​ണി​ച്ച്​ ദ്ര​വി​ച്ച്​ പൊ​ള്ള​യാ​യി മാ​റി​യി​ട്ട് മാ​സ​ങ്ങ​ളാ​യി.