മാരകായുധങ്ങളുമായി നാട്ടുകാരെ ഭീഷണിപ്പെടുത്തുന്നയാൾ അറസ്റ്റിൽ

വ​ർ​ക്ക​ല: മാ​ര​കാ​യു​ധ​ങ്ങ​ളു​മാ​യി ഭീ​ക​രാ​ന്ത​രീ​ക്ഷം സൃ​ഷ്ടി​ക്കു​ക​യും നാ​ട്ടു​കാ​രെ ഭീ​ഷ​ണി​പ്പെ​ടു​ത്തു​ന്ന​തും പ​തി​വാ​ക്കി​യ യു​വാ​വ് അ​റ​സ്റ്റി​ൽ. വെ​ട്ടൂ​ർ വ​ല​യ​ന്റെ കു​ഴി ത​ൻ​സി മ​ൻ​സി​ലി​ൽ ഷാ​ജ​ഹാ​നാ​ണ് (45) പി​ടി​യി​ലാ​യ​ത്. അ​ഞ്ചു​തെ​ങ്ങ് പൊ​ലീ​സ് സ്റ്റേ​ഷ​നി​ലെ റൗ​ഡി ലി​സ്റ്റി​ൽ പേ​രു​ള്ള സ്ഥി​രം കു​റ്റ​വാ​ളി​യാ​ണ് ഷാ​ജ​ഹാ​ൻ.

ഞാ​യ​റാ​ഴ്ച വൈ​കീ​ട്ട് ഏ​ഴോ​ടെ വ​ല​യ​ന്റെ കു​ഴി അ​യോ​ദ്ധ്യ ആ​ർ​ട്‌​സ് ആ​ൻ​ഡ് സ്പോ​ർ​ട്സ് ക്ല​ബി​ന്റെ മു​ന്നി​ൽ സു​ഹൃ​ത്തി​നെ​യും കൂ​ട്ടി​യെ​ത്തി വാ​ടി​വാ​ളു​മാ​യി സ്ഥ​ല​ത്ത് ഭീ​ക​രാ​ന്ത​രീ​ക്ഷം സൃ​ഷ്ടി​ച്ച​താ​യി നാ​ട്ടു​കാ​ർ പൊ​ലീ​സി​ന് പ​രാ​തി ന​ൽ​കി​യി​രു​ന്നു. സ്ത്രീ​ക​ളും കു​ട്ടി​ക​ളും ഉ​ൾ​പ്പെ​ടെ​യു​ള്ള പ്ര​ദേ​ശ​വാ​സി​ക​ളെ വ​ഴി​യി​ൽ ത​ട​ഞ്ഞു​നി​ർ​ത്തി അ​ശ്ലീ​ല​വും അ​സ​ഭ്യ​വും പ​റ​യു​ന്ന​ത് പ​തി​വാ​ണെ​ന്നും ഏ​ത് സ​മ​യ​വും ഇ​യാ​ളു​ടെ കൈ​യി​ൽ ആ​യു​ധം ഉ​ണ്ടാ​കാ​റു​ണ്ടെ​ന്നും നാ​ട്ടു​കാ​ർ പൊ​ലീ​സി​ന് ന​ൽ​കി​യ പ​രാ​തി​യി​ൽ പ​റ​യു​ന്നു.

പ​രാ​തി​യെ തു​ട​ർ​ന്ന് വ​ർ​ക്ക​ല എ​സ്.​ഐ അ​ഭി​ജി​ത്തി​ന്റെ നേ​തൃ​ത്വ​ത്തി​ൽ ഇ​യാ​ളു​ടെ വീ​ട്ടി​ൽ ന​ട​ത്തി​യ പ​രി​ശോ​ധ​ന​യി​ൽ വ​ടി​വാ​ൾ പി​ടി​ച്ചെ​ടു​ത്തു. അ​പ​ക​ട​ക​ര​മാം​വി​ധം ആ​യു​ധം ശേ​ഖ​രി​ക്കു​ക​യും കൈ​വ​ശം​വെ​ക്കു​ക​യും ചെ​യ്‌​ത​തി​ന് കേ​സെ​ടു​ത്തു അ​റ​സ്റ്റ് രേ​ഖ​പ്പെ​ടു​ത്തി.

പ്ര​തി​യെ സ്റ്റേ​ഷ​നി​ൽ എ​ത്തി​ച്ച​പ്പോ​ൾ ഇ​യാ​ളു​ടെ ഭാ​ര്യ​യും പ്രാ​യ​പൂ​ർ​ത്തി​യാ​കാ​ത്ത പെ​ണ്മ​ക്ക​ളും മ​റ്റ് ബ​ന്ധു​ക്ക​ളും പൊ​ലീ​സ് സ്റ്റേ​ഷ​നി​ലെ​ത്തി എ​സ്.​ഐ​യോ​ടും ഡ്യൂ​ട്ടി​ലു​ള്ള പൊ​ലീ​സു​കാ​രോ​ടും ത​ർ​ക്കി​ക്കു​ക​യും മോ​ശ​മാ​യി പെ​രു​മാ​റു​ക​യും ചെ​യ്താ​യും പ​രാ​തി​യു​ണ്ട്. സ്റ്റേ​ഷ​നി​ൽ പ്ര​ശ്നം സൃ​ഷ്ടി​ച്ച പ്രാ​യ​പൂ​ർ​ത്തി​യാ​കാ​ത്ത കു​ട്ടി​ക​ളാ​യ​തി​നാ​ൽ താ​ക്കീ​ത് ന​ൽ​കി വി​ട്ട​യ​ച്ചു.

വ​ധ​ശ്ര​മം, ബ​ലാ​ത്സം​ഗം, അ​ടി​പി​ടി, മോ​ഷ​ണം, പി​ടി​ച്ചു​പ​റി തു​ട​ങ്ങി നി​ര​വ​ധി കേ​സി​ൽ പ​ല​ത​വ​ണ ജ​യി​ൽ​ശി​ക്ഷ അ​നു​ഭ​വി​ച്ച​യാ​ളാ​ണ് പ്ര​തി​യെ​ന്ന് സ്റ്റേ​ഷ​ൻ ചാ​ർ​ജ്ജു​ള്ള അ​ഞ്ചു​തെ​ങ്ങ് എ​സ്.​എ​ച്ച്.​ഒ പ്രൈ​ജു പ​റ​ഞ്ഞു. സീ​നി​യ​ർ സി​വി​ൽ പൊ​ലീ​സ് ഓ​ഫി​സ​ർ​മാ​രാ​യ ഉ​ണ്ണി​രാ​ജ്, ഷി​ജു, സി​വി​ൽ പൊ​ലീ​സ് ഓ​ഫി​സ​ർ​മാ​രാ​യ ബി​നു, ശം​ഭു, സേ​തു, ഷ​ജീ​ർ എ​ന്നി​വ​ര​ട​ങ്ങു​ന്ന സം​ഘ​മാ​ണ് പ്ര​തി​യെ പി​ടി​കൂ​ടി​യ​ത്.