നഗരസഭ ജീവനക്കാരെ ആക്രമിച്ച നാല്​ പ്രതികൾ അറസ്​റ്റിൽ

വർക്കല: നഗരസഭ ജീവനക്കാരെ ആക്രമിച്ച കേസിലെ നാലുപേർ അറസ്​റ്റിലായി. ശ്രീനിവാസപുരം ലക്ഷംവീട്ടിൽ ഷമീർ (29), രഘുനാഥപുരം ചരുവിളവീട്ടിൽ അൽ റബീൻ (28), ശ്രീനിവാസപുരം മന്നാനിയ്യ ലക്ഷംവീട്ടിൽ സുനിൽ (48), ശ്രീനിവാസപുരം ഹൈഫാ മൻസിലിൽ മുഹമ്മദ് നൗഫൽ എന്നിവരാണ് അറസ്​റ്റിലായത്.

കഴിഞ്ഞ വ്യാഴാഴ്ച വൈകീട്ട്​ നാലരയോടെയാണ് കേസിനാസ്പദമായ സംഭവം. നഗരസഭ ജൂനിയർ ഹെൽത്ത് ഇൻസ്പെക്ടർ അനീഷ്​, ഡ്രൈവർ അരുൺ എന്നിവർക്കാണ് മർദനമേറ്റത്.

കണ്വാശ്രമം പ്രദേശത്ത് കൂട്ടംകൂടി നിന്നവരോട് കോവിഡ് പ്രോട്ടോകോൾ പാലിക്കണമെന്ന് നിർദേശിക്കുമ്പോഴാണ് കൂട്ടംകൂടിയെത്തിയ സംഘം ജീവനക്കാരെ ആക്രമിച്ചത്. ഇവർ സഞ്ചരിച്ച നഗരസഭയുടെ കാറി​െൻറ മുന്നിലെ ഗ്ലാസും നശിപ്പിച്ചു. അറസ്​റ്റിലായവരെ കോടതി റിമാൻഡ് ചെയ്തു.