പീഡനക്കേസിലെ പ്രതി വർഷങ്ങൾക്കുശേഷം പിടിയിൽ

വർക്കല: പീഡനക്കേസിലെ പ്രതി വർഷങ്ങൾക്കുശേഷം പിടിയിലായി. ചെറുന്നിയൂർ മംഗ്ലാവിൽ വീട്ടിൽ സുജിത് (33) ആണ് അറസ്റ്റിലായത്. 2019 ഡിസംബറിൽ വർക്കല സ്വദേശിയായ യുവതിയെ പീഡിപ്പിച്ച ശേഷം വിദേശത്തേക്ക് കടന്ന പ്രതിക്കായി പൊലീസ് അന്വേഷണം ശക്തമാക്കിയിരുന്നു. ലുക് ഔട്ട് നോട്ടീസും പുറപ്പെടുവിച്ചിരുന്നു.

മൂന്നു വർഷത്തിനുശേഷം കഴിഞ്ഞ ദിവസം നെടുമ്പാശ്ശേരി എയർപോർട്ടിലിറങ്ങിയ പ്രതിയെ പോലീസ് അറസ്റ്റ് ചെയ്യുകയായിരുന്നു.