പേട്ട റെയില്‍വേ സ്റ്റേഷനിലെ ശൗചാലയം പൂട്ടിയിടുന്നു; ജനത്തിന്​ പ്രയോജനമില്ല

വ​ഞ്ചി​യൂ​ര്‍: പേ​ട്ട റെ​യി​ല്‍വേ സ്റ്റേ​ഷ​നി​ലെ ശൗ​ചാ​ല​യം പൂ​ട്ടി​യി​ടു​ന്ന​ത് ട്രെ​യി​ന്‍ യാ​ത്രി​ക​ര്‍ക്ക് ഏ​റെ ബു​ദ്ധി​മു​ട്ടു​ണ്ടാ​ക്കു​ന്ന​താ​യി പ​രാ​തി. വി​വി​ധ​യി​ട​ങ്ങ​ളി​ല്‍നി​ന്ന് തി​രു​വ​ന​ന്ത​പു​രം ഭാ​ഗ​ത്തേ​ക്കും തി​രി​ച്ച് കൊ​ല്ലം ഭാ​ഗ​ത്തേ​ക്കും യാ​ത്ര​ചെ​യ്യാ​ന്‍ ഇ​വി​ടെ എ​ത്തു​ന്ന​വ​രാ​ണ് ബു​ദ്ധി​മു​ട്ടു​ന്ന​ത്.

പൂ​ട്ടി​യി​ട്ട ശൗ​ചാ​ല​യ​ത്തി​നു സ​മീ​പ​ത്താ​യി പ​ണം ന​ല്‍കി ഉ​പ​യോ​ഗി​ക്കു​ന്ന ശൗ​ചാ​ല​യ​ത്തി​ന്റെ ബോ​ര്‍ഡ് സ്ഥാ​പി​ച്ചി​ട്ടു​ണ്ടെ​ങ്കി​ലും അ​ത് ആ​ര്‍ക്കും ഉ​പ​യോ​ഗി​ക്കാ​ന്‍ ക​ഴി​യാ​ത്ത അ​വ​സ്ഥ​യാ​ണ്. ആ​വ​ശ്യ​ത്തി​ന് വെ​ള്ള​മി​ല്ലാ​തെ​യും പ്ര​കാ​ശ​മി​ല്ലാ​തെ​യും ഭീ​ക​രാ​ന്ത​രീ​ക്ഷ​മാ​ണി​വി​ടെ.

റെ​യി​ല്‍വേ സ്റ്റേ​ഷ​നി​ലെ​ത്തു​ന്ന സ്ത്രീ​ക​ളാ​ണ് ഏ​റെ ബു​ദ്ധി​മു​ട്ടു​ന്ന​ത്. കേ​ന്ദ്ര-​സം​സ്ഥാ​ന സ​ര്‍ക്കാ​റി​ന്റെ നേ​തൃ​ത്വ​ത്തി​ല്‍ പൊ​തു​സ്ഥ​ല​ങ്ങ​ളി​ലും മ​റ്റു ജ​ന​വാ​സ കേ​ന്ദ്ര​ങ്ങ​ളി​ലും ശൗ​ചാ​ല​യം നി​ർ​മി​ക്കാ​ന്‍ കോ​ടി​ക്ക​ണ​ക്കി​ന് രൂ​പ വി​നി​യോ​ഗി​ക്കു​മ്പോ​ഴാ​ണ് റെ​യി​ല്‍വേ​യു​ടെ ഭാ​ഗ​ത്ത​ു​നി​ന്നും ഇ​ത്ത​ര​ത്തി​ലു​ള്ള മോ​ശം അ​നു​ഭ​വം പൊ​തു​ജ​ന​ങ്ങ​ളും യാ​ത്രി​ക​രും അ​നു​ഭ​വി​ക്കു​ന്ന​ത്. വി​ദൂ​ര​സ്ഥ​ല​ങ്ങ​ളി​ല്‍നി​ന്ന് റെ​യി​ല്‍വേ സ്റ്റേ​ഷ​നു​ക​ളി​ല്‍ എ​ത്തു​ന്ന​വ​ര്‍ ഏ​റെ​യും ആ​ശ്ര​യി​ക്കു​ന്ന​ത് സ​മീ​പ​പ്ര​ദേ​ശ​ങ്ങ​ളി​ലു​ള്ള പെ​ട്രോ​ള്‍ പ​മ്പു​ക​ളെ​യാ​ണ്.

ചി​ല റെ​യി​ല്‍വേ സ്റ്റേ​ഷ​നു​ക​ളി​ല്‍ സ്റ്റേ​ഷ​ന്‍ മാ​സ്റ്റ​റെ ക​ണ്ട് ശൗ​ചാ​ല​യ​ത്തി​ന്റെ ചാ​വി വാ​ങ്ങ​ണ​മെ​ന്ന വ്യ​വ​സ്ഥ​യും നി​ല​വി​ലു​ണ്ട്. യാ​ത്ര​ക്കാ​രു​ടെ പ്രാ​ഥ​മി​ക ആ​വ​ശ്യം നി​റ​വേ​റ്റാ​നു​ള​ള അ​വ​കാ​ശ​ങ്ങ​ളു​ടെ ലം​ഘ​ന​മാ​ണ് റെ​യി​ല്‍വേ​യു​ടെ ഭാ​ഗ​ത്തു​നി​ന്ന്​ ഉ​ണ്ടാ​കു​ന്ന​തെ​ന്നാ​ണ് ട്രെ​യി​ന്‍ യാ​ത്രി​ക​രു​ടെ പ​രാ​തി.