വാക്​സിൻ ക്ഷാമം; കോവിഷീൽഡും കോവാക്​സിനും പൂർണമായും തീർന്നു

തിരുവനന്തപുരം: തലസ്ഥാന ജില്ലയിലെ സർക്കാർ വിതരണകേന്ദ്രങ്ങളിൽ വാക്​സിൻ ക്ഷാമം. ഞായറാഴ്​ചയോടെ കോവിഷീൽഡും കോവാക്​സിനും പൂർണമായും തീർന്നു.

ഇതോടെ, സർക്കാർ വിതരണകേന്ദ്രങ്ങളൊന്നും തിങ്കളാഴ്​ച പ്രവർത്തിക്കാനിടയില്ല. 29,920 ഡോസ്​ കോവിഷീൽഡ്​ ഡോസുകളാണ്​ ജില്ലയിൽ സ്​റ്റോക്കുണ്ടായിരുന്നത്​. പാഴായാൽ പകരം ഉപയോഗിക്കാൻ അധികമായി സൂക്ഷിക്കുന്ന ഡോസ​ുകൾ കൂടി ചേർത്ത്​ 38,808 പേർക്കാണ് വെള്ളി, ശനി ദിവസങ്ങളിയായി കുത്തിവെപ്പ്​​ നൽകിയത്​. ​കോവാക്​സിൻ 45,000 ഡോസുകൾ​ കൈവശമുണ്ടായിരുന്നു. അധിക ഡോസുകളടക്കം 6000 പേർക്ക​്​ കോവാക്​സിനും നൽകിയതോടെ അതും തീർന്നു.

കേ​ന്ദ്രത്തിൽനിന്ന്​ ഇനി വാക്​സിനെത്തിയാൽ മാത്രമേ വിതരണകേന്ദ്രങ്ങൾ തുറക്കാനാകൂ എന്ന സ്ഥിതിയാണിപ്പോൾ. 10​ സർക്കാർ കേന്ദ്രങ്ങളും 14 സ്വകാര്യ കേന്ദ്രങ്ങളുമടക്കം 24 ഇടങ്ങളിലാണ്​ ഞായറാഴ്​ച വാക്​സിൻ വിതരണം നടന്നത്​. അതേ സമയം സ്വകാര്യകേന്ദ്രങ്ങളിൽ തിങ്കളാഴ്​ചയ​ും വാക്​സിൻ വിതരണം നടക്കും. ഇവിടങ്ങളിലുള്ള ബുക്കിങ്ങും അവസാനിച്ചുകഴിഞ്ഞു. സമീപ ദിവസങ്ങളി​െലല്ലാം കോവിൻ പോർട്ടൽ വഴി മുൻകൂട്ടിയുള്ള രജിസ്​ട്രേഷനെക്കാൾ നേരി​െട്ടത്തുന്നവർക്കുള്ള സ്​പോട്ട്​ രജിസ്​ട്രേഷനാണ്​ പ്രാമുഖ്യം നൽകിയിരുന്നത്​. നേരിട്ട്​ ബുക്ക്​ ചെയ്യാൻ കഴിയാത്തവർക്കുള്ള സൗകര്യമെന്ന നിലയിലായിരുന്നു ഇൗ ക്രമീകരണം.

എന്നാൽ, പുതിയ ക്രമീകരണത്തോടെ കോവിൻ പോർട്ടൽ വഴി ശ്രമിക്കുന്ന അർഹതപ്പെട്ടവർക്ക്​ വാക്​സിൻ ലഭിക്കുന്നില്ലെന്ന ആക്ഷേപവും ശക്തമായിട്ടുണ്ട്​. ഏത്​ സമയത്ത് കോവിനിൽ കയറിയാലും സ്ലോട്ട്​ ലഭ്യമല്ലെന്ന സന്ദേശമാണ്​ കാണാനാകുന്നത്​. ചുരുക്കം ചില കേ​ന്ദ്രങ്ങളിൽ വാക്​സിൻ ലഭ്യമാക്കിയിട്ടുണ്ടെങ്കിലും ഇവിടങ്ങളിലാക​െട്ട, ബുക്കിങ് പൂർത്തിയായിക്കഴിഞ്ഞെന്നത്​ സൂചിപ്പിക്കാൻ ചുവന്ന നിറവും. രണ്ടാം ഡോസുകാർക്കുള്ള വാക്​സിൻ വിതരണത്തിൽ മുൻഗണന നൽകിയിരുന്നെങ്കിലും അതെല്ലാം ഒഴിവാക്കിയിരിക്കുകയാണിപ്പോൾ. മുൻകൂട്ടി രജിസ്​റ്റർ ചെയ്യാതെ ഒഴിവുകൾ അറിയിക്കുന്ന മുറയ്​ക്ക്​ വിതരണ കേന്ദ്രങ്ങളിലെത്തി വാക്​സിനെടുക്കാനുള്ള ക്രമീകരണമാണ്​ പലയിടങ്ങളിലും അവസാനിപ്പിച്ചത്​. ഇതോടെയാണ്​ രണ്ടാം ഡോസുകാരും പ്രതിസന്ധിയിലായത്​.