പിഴത്തുക 36 ലക്ഷം അടയ്ക്കാനായില്ല: ശിക്ഷ കഴിഞ്ഞും യുവാവ് സൗദി ജയിലിൽ

തി​രു​വ​ന​ന്ത​പു​രം: ‘എ​ന്‍റെ മ​ക​ൻ ഒ​രു​തെ​റ്റും ചെ​യ്തി​ട്ടി​ല്ല. അ​വ​നെ ക​ണ്ടി​ട്ട് ഏ​ഴു​വ​ർ​ഷ​മാ​യി. ക​ണ്ടി​ട്ട് മ​രി​ക്ക​ണ​മെ​ന്ന് മാ​ത്ര​മേ ആ​ഗ്ര​ഹ​മു​ള്ളൂ, എ​ങ്ങ​നെ​യെ​ങ്കി​ലും സ​ഹാ​യി​ക്ക​ണം’ -​ചെ​യ്യാ​ത്ത കു​റ്റ​ത്തി​ന് ശി​ക്ഷ അ​നു​ഭ​വി​ച്ച് പി​ഴ​ത്തു​ക അ​ട​യ്ക്കാ​ൻ ക​ഴി​യാ​തെ സൗ​ദി ജ​യി​ലി​ൽ ക​ഴി​യു​ന്ന വെ​ള്ള​റ​ട സ്വ​ദേ​ശി ഷി​ബു​വി​ന്‍റെ മാ​താ​വ് പാ​ല​മ്മ​യു​ടെ വാ​ക്കു​ക​ളാ​ണി​ത്.

വെ​ള്ള​റ​ട കു​ട​പ്പ​ന​മൂ​ട് വ​യ​ലി​ങ്ങ​ൽ റോ​ഡ​രി​ക​ത്തു വീ​ട്ടി​ൽ ഷി​ബു (45) ആ​ണ് അ​ഞ്ച​ര​വ​ർ​ഷ​മാ​യി സൗ​ദി ജ​യി​ലി​ൽ ക​ഴി​യു​ന്ന​ത്. 2020 മേ​യ് 16ന് ​സു​ഹൃ​ത്താ​യ ശ്രീ​ല​ങ്ക​ൻ സ്വ​ദേ​ശി​യെ സ​ഹാ​യി​ച്ച​തി​ന്‍റെ പേ​രി​ലാ​ണ് പൊ​ലീ​സ് പി​ടി​കൂ​ടി​യ​തെ​ന്ന് കു​ടും​ബം പ​റ​യു​ന്നു. കൊ​റോ​ണ കാ​ല​ത്ത് സു​ഹൃ​ത്താ​യ ശ്രീ​ല​ങ്ക​ൻ സ്വ​ദേ​ശി​ക്ക് അ​ദ്ദേ​ഹ​ത്തി​ന്‍റെ കു​ട്ടി​യെ ആ​ശു​പ​ത്രി​യി​ലെ​ത്തി​ക്കാ​നാ​യി ഡ്രൈ​വ​റാ​യ ഷി​ബു ത​ന്‍റെ വാ​ഹ​നം ന​ൽ​കി​യി​രു​ന്നു. എ​ന്നാ​ൽ, ഈ ​വാ​ഹ​നം ഉ​പ​യോ​ഗി​ച്ച് മ​റ്റു​ചി​ല​ർ മോ​ഷ​ണം ന​ട​ത്തു​ക​യും പൊ​ലീ​സ് പി​ടി​കൂ​ടു​ക​യും ചെ​യ്തു. വാ​ഹ​ന​ത്തി​ന്‍റെ ഉ​ട​മ എ​ന്ന നി​ല​യി​ലാ​ണ് കേ​സി​ൽ ഷി​ബു​വും പ്ര​തി​ചേ​ർ​ക്ക​പ്പെ​ട്ട​ത്.

ര​ണ്ടു​വ​ർ​ഷ​ത്തെ ത​ട​വും ഒ​ന്ന​ര​ല​ക്ഷം റി​യാ​ൽ (36 ല​ക്ഷം രൂ​പ) പി​ഴ​യൊ​ടു​ക്കാ​നു​മാ​യി​രു​ന്നു റി​യാ​ദ് കോ​ട​തി​യു​ടെ ശി​ക്ഷ. ര​ണ്ടു​വ​ർ​ഷ​ത്തെ ത​ട​വ് ശി​ക്ഷ പൂ​ർ​ത്തി​യാ​യി മൂ​ന്ന​ര വ​ർ​ഷ​മാ​യി​ട്ടും 36 ല​ക്ഷം രൂ​പ പി​ഴ​ത്തു​ക അ​ട​യ്ക്കാ​ൻ ക​ഴി​യാ​ത്ത​തി​നാ​ൽ സൗ​ദി റി​യാ​ദ് ന​സീം പൊ​ലീ​സ് സ്റ്റേ​ഷ​ൻ ജ​യി​ലി​ൽ ക​ഴി​യു​ക​യാ​ണ് ഷി​ബു.

ഇ​ത്ര​യും വ​ലി​യ തു​ക എ​ങ്ങ​നെ ക​ണ്ടെ​ത്തു​മെ​ന്ന് വ​യോ​ധി​ക​യാ​യ മാ​താ​വും ഭാ​ര്യ​യും വി​ദ്യാ​ർ​ഥി​ക​ളാ​യ മ​ക​നും മ​ക​ളും ഉ​ൾ​പ്പെ​ടു​ന്ന കു​ടും​ബ​ത്തി​ന​റി​യി​ല്ല. നാ​ട്ടി​ൽ ആ​കെ​യു​ള്ള വീ​ടും 10 സെ​ന്‍റ് ഭൂ​മി​യും സ​ഹ​ക​ര​ണ ബാ​ങ്കി​ൽ ഈ​ട് ന​ൽ​കി വാ​യ്പ​യെ​ടു​ത്താ​ണ് ഷി​ബു സൗ​ദി​യി​ൽ വാ​ഹ​നം വാ​ങ്ങി​യ​ത്. വാ​യ്പ തി​രി​ച്ച​ട​വ് മു​ട​ങ്ങി ജ​പ്തി ന​ട​പ​ടി​ക​ളി​ലേ​ക്ക് നീ​ങ്ങു​ക​യാ​ണ് ബാ​ങ്ക്.

ഷി​ബു​വി​ന്‍റെ മോ​ച​ന​ത്തി​നാ​യി നാ​ട്ടി​ലെ രാ​ഷ്ട്രീ​യ പാ​ർ​ട്ടി​ക​ളും പ്ര​വാ​സി​ക​ളും ചേ​ർ​ന്ന് ഷി​ബു സ​ഹാ​യ​സ​മി​തി രൂ​പ​വ​ത്ക​രി​ച്ച് ഫ​ണ്ട് ശേ​ഖ​ര​ണം ആ​രം​ഭി​ച്ചെ​ങ്കി​ലും ല​ഭി​ച്ച തു​ക അ​പ​ര്യാ​പ്ത​മാ​ണ്. സു​മ​ന​സ്സു​ക​ളു​ടെ​യും സ​ർ​ക്കാ​റി​ന്‍റെ​യും സ​ഹാ​യം ഉ​ണ്ടെ​ങ്കി​ൽ മാ​ത്ര​മേ ഷി​ബു​വി​ന്‍റെ മോ​ച​നം സാ​ധ്യ​മാ​കൂ.

ഷി​ബു സ​ഹാ​യ സ​മി​തി​യു​ടെ പേ​രി​ൽ എ​സ്.​ബി.​ഐ കു​ട​പ്പ​ന​മൂ​ട് ശാ​ഖ​യി​ൽ അ​ക്കൗ​ണ്ട് തു​ട​ങ്ങി​യി​ട്ടു​ണ്ട്. അ​ക്കൗ​ണ്ട് ന​മ്പ​ർ: 44397647389. ഐ.​എ​ഫ്.​എ​സ്.​സി കോ​ഡ്: SBIN0070588. ഗൂ​ഗി​ൾ​പേ ന​മ്പ​ർ: 9072881436. വാ​ർ​ത്താ​സ​മ്മേ​ള​ന​ത്തി​ൽ ഷി​ബു​വി​ന്‍റെ മാ​താ​വ് പാ​ല​മ്മ, ഭാ​ര്യ സു​നി​ത, മ​ക​ൻ സോ​ജു, സ​ഹാ​യ​സ​മി​തി ഭാ​ര​വാ​ഹി​ക​ൾ എ​ന്നി​വ​ർ പ​ങ്കെ​ടു​ത്തു.