ആല്‍മരം വീണു; ഇരുചക്രവാഹന യാത്രികര്‍ തലനാരിഴക്ക്​ രക്ഷപ്പെട്ടു

വ​ട്ടി​യൂ​ര്‍ക്കാ​വ്: വ​ട്ടി​യൂ​ര്‍ക്കാ​വി​ന് സ​മീ​പം മേ​ല​ത്തു​മേ​ലെ ജ​ങ്ഷ​നി​ല്‍ പ​ടു​കൂ​റ്റ​ന്‍ ആ​ല്‍മ​രം ക​ട​പു​ഴ​കി വ​ന്‍ അ​പ​ക​ടം ഒ​ഴി​വാ​യി. ര​ണ്ട് സ്‌​കൂ​ട്ട​ര്‍ യാ​ത്രി​ക​ര്‍ ര​ക്ഷ​പ്പെ​ട്ട​ത് ത​ല​നാ​രി​ഴ​ക്ക്. മ​ണി​ക്കൂ​റു​ക​ളോ​ളം ഗ​താ​ഗ​തം ത​ട​സ്സ​പ്പെ​ട്ടു. കൂ​റ്റ​ന്‍ ആ​ല്‍മ​രം മു​റി​ച്ചു​മാ​റ്റി​യ​ത് നാ​ല​ര മ​ണി​ക്കൂ​റി​ലേ​റെ സ​മ​യം ചെ​ല​വ​ഴി​ച്ച്.

മ​രം മു​റി​ച്ചു​നീ​ക്ക​ണ​മെ​ന്ന്​ നാ​ട്ടു​കാ​ര്‍ ന​ല്‍കി​യ നി​ര​വ​ധി നി​വേ​ദ​ന​ങ്ങ​ള്‍ക്ക് പ​രി​ഹാ​രം ഉ​ണ്ടാ​യി​ല്ലെ​ന്ന് വ്യാ​പ​ക പ​രാ​തി. വെ​ള്ളി​യാ​ഴ​്​​​ച പു​ല​ര്‍ച്ച അ​ഞ്ചു​മ​ണി​യോ​ടെ​യാ​ണ് വ​ന്‍ ശ​ബ്ദ​ത്തോ​ടെ വ​ര്‍ഷ​ങ്ങ​ള്‍ പ​ഴ​ക്കം ചെ​ന്ന ആ​ല്‍മ​രം വേ​രോ​ടെ പി​ഴു​തു​വീ​ണ​ത്. സം​ഭ​വ​സ​മ​യ​ത്ത് ഇ​തു​വ​ഴി സ​ഞ്ച​രി​ക്കു​ക​യാ​യി​രു​ന്ന വ​ട്ടി​യൂ​ര്‍ക്കാ​വ് സ്വ​ദേ​ശി​ക​ളാ​യ കി​ര​ണ്‍കു​മാ​ര്‍, സ​ന്തോ​ഷ് എ​ന്നി​വ​ര്‍ ത​ല​നാ​രി​ഴ​ക്കാ​ണ് ര​ക്ഷ​പ്പെ​ട്ട​ത്.

ഓ​ടി​ക്കൊ​ണ്ടി​രു​ന്ന സ്‌​കൂ​ട്ട​റി​ലേ​ക്ക്​ ആ​ല്‍മ​ര​ത്തി​ന്റെ ശി​ഖ​രം പ​തി​ച്ച് സ​ന്തോ​ഷി​ന്റെ താ​ടി​യെ​ല്ലി​ന് പ​രി​ക്കേ​റ്റു. കി​ര​ണ്‍കു​മാ​ര്‍ ര​ക്ഷ​പ്പെ​ടു​ക​യാ​യി​രു​ന്നു. മ​ണ്ണാം​മൂ​ല ജ​ങ്ഷ​ന് സ​മീ​പം ജിം​നേ​ഷ്യം ന​ട​ത്തി​വ​രു​ക​യാ​ണ് കി​ര​ണ്‍കു​മാ​ര്‍.

നി​ര​ന്ത​രം പ​രാ​തി​ക​ള്‍ ല​ഭി​ച്ച​തി​നെ​ത്തു​ട​ര്‍ന്ന് ഫ​യ​ര്‍ഫോ​ഴ്‌​സ് അ​ധി​കൃ​ത​ര്‍ കാ​ലാ​കാ​ലം ആ​ല്‍മ​ര​ത്തി​ന്റെ ശി​ഖ​ര​ങ്ങ​ള്‍ നീ​ക്കം ചെ​യ്തു​കൊ​ണ്ടി​രു​ന്നു​വെ​ങ്കി​ലും മ​രം തീ​ര്‍ത്തും അ​പ​ക​ടാ​വ​സ്ഥ​യി​ലാ​യി​രു​ന്നു​വെ​ന്ന് നാ​ട്ടു​കാ​ര്‍ പ​റ​ഞ്ഞു. ആ​ല്‍മ​രം ഇ​ല​ക്ട്രി​ക് ലൈ​നി​ന് മു​ക​ളി​ലേ​ക്ക്​ വീ​ണെ​ങ്കി​ലും ലൈ​ന്‍ പൊ​ട്ടി​വീ​ഴാ​ത്ത​ത് വ​ന്‍ അ​പ​ക​ടം ഒ​ഴി​വാ​ക്കി.

നാ​ട്ടു​കാ​ര്‍ വി​വ​രം പൊ​ലീ​സി​ലും ഫ​യ​ര്‍ഫോ​ഴ്‌​സി​ലും അ​റി​യി​ച്ച​തി​നെ​ത്തു​ട​ര്‍ന്ന് അ​വ​ര്‍ സ്ഥ​ല​ത്തെ​ത്തി സു​ര​ക്ഷാ​ന​ട​പ​ടി​ക​ള്‍ സ്വീ​ക​രി​ച്ചു. തി​രു​വ​ന​ന്ത​പു​രം ഫ​യ​ര്‍ സ്റ്റേ​ഷ​ന്‍ ഓ​ഫി​സി​ല്‍ നി​ന്ന് അ​സി. സ്റ്റേ​ഷ​ന്‍ ഓ​ഫി​സ​ര്‍ ഷാ​ജി ഖാ​ന്റെ നേ​തൃ​ത്വ​ത്തി​ലു​ള്ള സം​ഘം എ​ത്തി നാ​ല​ര മ​ണി​ക്കൂ​റോ​ളം പ​രി​ശ്ര​മി​ച്ചാ​ണ് മ​ര​ത്തി​ന്റെ ശി​ഖ​ര​ങ്ങ​ള്‍ മു​റി​ച്ചു​മാ​റ്റി ഗ​താ​ഗ​തം പു​നഃ​സ്ഥാ​പി​ച്ച​ത്.