തി​രു​വ​ന​ന്ത​പു​രം ജില്ലയിലെ വിനോദസഞ്ചാര കേന്ദ്രങ്ങൾ മാലിന്യമുക്തമാക്കുന്നു

തി​രു​വ​ന​ന്ത​പു​രം: ജി​ല്ല​യി​ലെ വി​നോ​ദ സ​ഞ്ചാ​ര കേ​ന്ദ്ര​ങ്ങ​ളി​ൽ വി​പു​ല​മാ​യ ശു​ചി​ത്വ-​സൗ​ന്ദ​ര്യ​വ​ത്ക​ര​ണ പ​ദ്ധ​തി​ക​ളു​മാ​യി ശു​ചി​ത്വ​മി​ഷ​നും ത​ദ്ദേ​ശ​ഭ​ര​ണ വ​കു​പ്പും. ജി​ല്ല ക​ല​ക്ട​ർ ജെ​റോ​മി​ക് ജോ​ർ​ജി​ന്റെ അ​ധ്യ​ക്ഷ​ത​യി​ൽ ശു​ചി​ത്വ സ​മി​തി യോ​ഗം ചേ​ർ​ന്നു. ശു​ചി​ത്വ മി​ഷ​ന്റെ നേ​തൃ​ത്വ​ത്തി​ൽ ജി​ല്ല​യി​ലെ 36 വി​നോ​ദ​സ​ഞ്ചാ​ര കേ​ന്ദ്ര​ങ്ങ​ളി​ൽ ന​ട​ത്തി​യ വി​ല​യി​രു​ത്ത​ലി​ന്റെ അ​ടി​സ്ഥാ​ന​ത്തി​ൽ സ്വീ​ക​രി​ക്കേ​ണ്ട തു​ട​ർ​ന​ട​പ​ടി​ക​ൾ യോ​ഗം ച​ർ​ച്ച ചെ​യ്തു.

കോ​വ​ളം, വ​ർ​ക്ക​ല ഉ​ൾ​പ്പെ​ടു​ന്ന ബീ​ച്ചു​ക​ൾ, പാ​ർ​ക്കു​ക​ൾ, ഡാ​മു​ക​ൾ, മ്യൂ​സി​യം, മൃ​ഗ​ശാ​ല തു​ട​ങ്ങി എ​ല്ലാ വി​ഭാ​ഗ​ത്തി​ലു​മു​ള്ള വി​നോ​ദ​സ​ഞ്ചാ​ര കേ​ന്ദ്ര​ങ്ങ​ളും ഉ​ൾ​പ്പെ​ടു​ന്ന​താ​ണ് പ​ദ്ധ​തി. ഇ​തി​ന്റെ ഭാ​ഗ​മാ​യി മാ​ലി​ന്യ​ങ്ങ​ൾ ത​രം​തി​രി​ച്ച് നി​ക്ഷേ​പി​ക്കു​ന്ന​തി​നു​ള്ള ബി​ന്നു​ക​ൾ, പൊ​തു ശു​ചി​മു​റി​ക​ൾ, ശ​രി​യാ​യ മാ​ലി​ന്യ സം​സ്‌​ക​ര​ണ സം​വി​ധാ​ന​ങ്ങ​ൾ, മാ​ലി​ന്യ സം​സ്‌​ക​ര​ണ​വു​മാ​യി ബ​ന്ധ​പ്പെ​ട്ട ബോ​ധ​വ​ത്ക​ര​ണ ബോ​ർ​ഡു​ക​ൾ ഉ​ൾ​പ്പെ​ടെ​യു​ള്ള​വ അ​ടി​യ​ന്ത​ര​മാ​യി ഇ​വി​ട​ങ്ങ​ളി​ൽ സ്ഥാ​പി​ക്കും.

നി​രോ​ധി​ത പ്ലാ​സ്റ്റി​ക് വ​സ്തു​ക്ക​ളു​ടെ വി​പ​ണ​ന​വും ഉ​പ​യോ​ഗ​വും ത​ട​യു​ന്ന​തി​ന്​ ക​ർ​ശ​ന ന​ട​പ​ടി​ക​ൾ സ്വീ​ക​രി​ക്കും.

അ​ടി​യ​ന്ത​രം, ഹ്ര​സ്വ​കാ​ലം എ​ന്നി​ങ്ങ​നെ ര​ണ്ട് ഘ​ട്ട​ങ്ങ​ളി​ലാ​യാ​ണ് പ്ര​വ​ർ​ത്ത​ന​ങ്ങ​ൾ സം​ഘ​ടി​പ്പി​ക്കു​ന്ന​ത്. ബോ​ർ​ഡു​ക​ൾ സ്ഥാ​പി​ക്കു​ക, മാ​ലി​ന്യ​ക്കൂ​ന​ക​ൾ നീ​ക്കം ചെ​യ്യു​ക, പൊ​തു​ശു​ചി​മു​റി​ക​ൾ കേ​ടു​പാ​ടു​ക​ൾ തീ​ർ​ത്ത് ഉ​പ​യോ​ഗ​യോ​ഗ്യ​മാ​ക്കു​ക, നി​രോ​ധി​ത ഉ​ൽ​പ​ന്ന​ങ്ങ​ളു​ടെ ഉ​പ​യോ​ഗം ക​ർ​ശ​ന​മാ​യി നി​രോ​ധി​ക്കു​ക എ​ന്നി​വ​യാ​ണ് അ​ടി​യ​ന്ത​ര ഘ​ട്ട​ത്തി​ൽ ഉ​ൾ​പ്പെ​ടു​ത്തി​യി​രി​ക്കു​ന്ന​ത്.

ക​ല​ക്ട​റേ​റ്റ് വി​ഡി​യോ കോ​ൺ​ഫ​റ​ൻ​സ് ഹാ​ളി​ൽ ചേ​ർ​ന്ന യോ​ഗ​ത്തി​ൽ നെ​ടു​മ​ങ്ങാ​ട് ന​ഗ​ര​സ​ഭ ചെ​യ​ർ​പേ​ഴ്സ​ൺ സി.​എ​സ്. ശ്രീ​ജ, പോ​ത്ത​ൻ​കോ​ട് ഗ്രാ​മ​പ​ഞ്ചാ​യ​ത്ത് പ്ര​സി​ഡ​ന്റ് ടി.​ആ​ർ. അ​നി​ൽ, ഷാ​ജി ക്ല​മ​ന്റ്, ഫെ​യി​സി. എ, ​അ​ശോ​ക് എ​ന്നി​വ​ർ പ​ങ്കെ​ടു​ത്തു.