ഗതാഗതക്കുരുക്കിന് അയവില്ലാതെ മെഡിക്കൽ കോളജ് ജങ്​ഷൻ

മെ​ഡി​ക്ക​ൽ കോ​ള​ജ്: ത​ല​സ്ഥാ​ന​ത്തെ തി​ര​ക്കേ​റി​യ സ്ഥ​ല​ങ്ങ​ളി​ലൊ​ന്നാ​യ മെ​ഡി​ക്ക​ൽ കോ​ള​ജ് ജ​ങ്​​ഷ​നി​ലെ ഗ​താ​ഗ​ത​ക്കു​രു​ക്ക് ദി​നം​പ്ര​തി വ​ർ​ധി​ക്കു​ന്നു. രാ​വി​ലെ 8.45 മു​ത​ൽ ആ​രം​ഭി​ക്കു​ന്ന ഗ​താ​ഗ​ത​ക്കു​രു​ക്ക് രാ​വി​ലെ 11.30 വ​രെ​യും വൈ​കീ​ട്ട്​ നാ​ലു മു​ത​ൽ 7.30 വ​രെ​യു​മാ​ണ് രൂ​ക്ഷം. അ​വ​ധി​ദി​ന​ങ്ങ​ളി​ൽ മാ​ത്ര​മാ​ണ്​ തി​ര​ക്കി​ന്​ നേ​രി​യ അ​യ​വു​ണ്ടാ​വു​ക.

ജ​ങ്​​ഷ​നി​ൽ​നി​ന്ന് ഉ​ള​ളൂ​ർ ഭാ​ഗ​ത്തേ​ക്കും കു​മാ​ര​പു​രം, പ​ട്ടം, പൊ​ട്ട​ക്കു​ഴി ഭാ​ഗ​ത്തേ​ക്കും പോ​കു​ന്ന വാ​ഹ​ന​ങ്ങ​ൾ​ക്ക് കൃ​ത്യ​മാ​യ ട്രാ​ഫി​ക് സം​വി​ധാ​നം ഒ​രു​ക്കാ​ത്ത​താ​ണ് പ​ല​പ്പോ​ഴും ഗ​താ​ഗ​ത​ക്കു​രു​ക്ക് രൂ​ക്ഷ​മാ​കാ​ൻ ഇ​ട​യാ​ക്കു​ന്ന​ത്. റോ​ഡി​ന്‍റെ ഇ​രു​വ​ശ​ങ്ങ​ളി​ലു​മു​ള്ള അ​ന​ധി​കൃ​ത വാ​ഹ​ന പാ​ർ​ക്കി​ങ്, ആ​ശു​പ​ത്രി​യു​ടെ മു​ൻ​ഭാ​ഗ​ത്തു​ള്ള കെ.​എ​സ്.​ആ​ർ.​സി ബ​സ്​ സ്​​റ്റാ​ൻ​ഡി​ൽ നി​ന്നും നി​യ​ന്ത്ര​ണ​മി​ല്ലാ​തെ ഇ​റ​ങ്ങി​വ​രു​ന്ന ബ​സു​ക​ൾ , അ​തി​നോ​ട് ചേ​ർ​ന്നു​ള്ള അ​ന​ധി​കൃ​ത ഓ​ട്ടോ സ്റ്റാ​ൻ​ഡ് എ​ന്നി​വ​യാ​ണ് പ്ര​ധാ​ന​മാ​യും ജ​ങ്​​ഷ​നി​ലെ ഗ​താ​ഗ​ത​ക്കു​രു​ക്കി​ന് ഇ​ട​യാ​ക്കു​ന്ന​ത്. ജ​ങ്​​ഷ​നി​ൽ സി​ഗ്​​ന​ൽ ലൈ​റ്റു​ക​ൾ സ്ഥാ​പി​ച്ചി​ട്ടു​ണ്ടെ​ങ്കി​ലും പ​ല​പ്പോ​ഴും ഇ​ത് കാ​ര്യ​ക്ഷ​മ​മാ​യി പ്ര​വ​ർ​ത്തി​ക്കു​ന്നി​ല്ല. ഇ​രു​ച​ക്ര വാ​ഹ​ന​ങ്ങ​ൾ മു​ത​ൽ കെ.​എ​സ്.​ആ​ർ.​ടി.​സി ബ​സു​ക​ൾ വ​രെ സി​ഗ്​​ന​ൽ അ​വ​ഗ​ണി​ച്ച് ക​ട​ന്നു​പോ​കു​ന്ന സാ​ഹ​ച​ര്യ​വു​മു​ണ്ട്. ഇ​തു​കാ​ര​ണം ചെ​റു​തും വ​ലു​തു​മാ​യ അ​പ​ക​ട​ങ്ങ​ൾ ദി​നം​പ്ര​തി ഉ​ണ്ടാ​കാ​റു​മു​ണ്ട്. ഗ​താ​ഗ​ത​ക്കു​രു​ക്ക് നി​യ​ന്ത്രി​ക്കാ​ൻ ട്രാ​ഫി​ക് പൊ​ലീ​സോ 100 മീ​റ്റ​ർ മാ​ത്രം അ​ക​ലെ​യു​ള​ള മെ​ഡി​ക്ക​ൽ കോ​ള​ജ് പൊ​ലീ​സ്​ സ്റ്റേ​ഷ​നി​ൽ​നി​ന്നു​ള്ള പൊ​ലീ​സു​കാ​രോ എ​ത്താ​റി​ല്ല. ഇ​ത് ആ​ശു​പ​ത്രി​യി​ലെ​ത്തു​ന്ന രോ​ഗി​ക​ൾ​ക്കും കൂ​ട്ടി​രി​പ്പു​കാ​ർ​ക്കും മ​റ്റു കാ​ൽ​ന​ട​യാ​ത്രി​ക​ർ​ക്കു​മ​ട​ക്കം ബു​ദ്ധി​മു​ട്ടു​ണ്ടാ​ക്കു​ന്നു. പൊ​ലീ​സി​ന്‍റെ അ​ഭാ​വ​ത്തി​ൽ പ​ല​പ്പോ​ഴും വ​ലി​യ വാ​ഹ​ന​ങ്ങ​ൾ ചെ​റു​വാ​ഹ​ന​ങ്ങ​ൾ​ക്ക് സൈ​ഡ് ന​ൽ​കാ​തെ ക​ട​ന്നു​പോ​കു​ന്ന​തും പ​തി​വാ​ണ്.

ജ​ങ്​​ഷ​നി​ൽ ആ​വ​ശ്യ​ത്തി​ന് പൊ​ലീ​സു​കാ​രു​ടെ സാ​ന്നി​ധ്യം ഉ​റ​പ്പാ​ക്കു​ക, റോ​ഡി​ന് ഇ​രു​വ​ശ​ങ്ങ​ളി​ലു​മു​ള​ള വാ​ഹ​ന പാ​ർ​ക്കി​ങ് നി​യ​ന്ത്രി​ക്കു​ക, അ​ന​ധി​കൃ​ത​മാ​യി പ്ര​വ​ർ​ത്തി​ക്കു​ന്ന ഓ​ട്ടോ സ്റ്റാ​ൻ​ഡ് മാ​റ്റി അ​നു​യോ​ജ്യ​മാ​യ സ്ഥ​ല​ത്ത് മാ​റ്റി സ്ഥാ​പി​ക്കു​ക എ​ന്നി​വ​യാ​ണ്​ ഗ​താ​ഗ​ത​ക്കു​രു​ക്കി​ന്​ പ്ര​തി​വി​ധി​യാ​യി ചൂ​ണ്ടി​ക്കാ​ട്ടു​ന്ന​ത്. സം​ഘ​ട​ന​ക​ളും പൊ​തു​പ്ര​വ​ർ​ത്ത​ക​രു​മ​ട​ക്കം ഇ​ക്കാ​ര്യം ചൂ​ണ്ടി​ക്കാ​ട്ടി​യി​ട്ടും അ​ധി​കൃ​ത​ർ നി​സ്സം​ഗ​ത തു​ട​രു​ക​യാ​ണ്.