കേരള പൊലീസ് ടീമിന് 40 വയസ്, സുവർണനേട്ടങ്ങളിലേക്ക് ബൂട്ടണിഞ്ഞവർ വീണ്ടും ഒത്തുചേരുന്നു

തി​രു​വ​ന​ന്ത​പു​രം: കേ​ര​ള പൊ​ലീ​സ് ഫു​ട്ബാ​ൾ ടീ​മി​ന് 40 വ​യ​സ്. കാ​ലം പി​ന്നി​ട്ട​പ്പോ​ൾ ഒ​പ്പം ന​ട​ന്ന​വ​ർ ച​ന്ദ്ര​ശേ​ഖ​ര​ൻ നാ​യ​ർ സ്റ്റേ​ഡി​യ​ത്തി​ൽ ഒ​ത്തു​ചേ​രു​ന്നു. ശ​നി​യാ​ഴ്ച വൈ​കു​ന്നേ​രം 4.30നാ​ണ്​ ഒ​ത്തു​ചേ​ര​ൽ. മ​ന്ത്രി ശി​വ​ൻ​കു​ട്ടി, ഇ​ന്‍റ​ലി​ജ​ൻ​സ്​ ഐ.​ജി പി.​എ​സ്. സ്പ​ർ​ജ​ൻ കു​മാ​ർ തു​ട​ങ്ങി​യ​വ​ർ മു​ഖ്യാ​തി​ഥി​ക​ളാ​കും.

കേ​ര​ള പൊ​ലീ​സ് ഫു​ട്ബാ​ൾ ടീം 1984 ​ൽ ഡി.​ജി.​പി എം.​കെ. ജോ​സ​ഫും, ഡി.​ഐ.​ജി പി. ​ഗോ​പി​നാ​ഥും ചേ​ർ​ന്നാ​ണ്​ രൂ​പ​വ​ത്​​ക​രി​ച്ച​ത്. രാ​ജ്യ​ത്തെ മി​ക​ച്ച ടീ​മു​ക​ളി​ലൊ​ന്നാ​യി കേ​ര​ള പൊ​ലീ​സ് ടീം ​വ​ള​ർ​ന്നു. 92 ലും 93 ​ലും സ​ന്തോ​ഷ് ട്രോ​ഫി​യും കേ​ര​ള​ത്തി​ന്​ ല​ഭി​ച്ച​തി​ന്റെ പി​ന്നി​ൽ നി​ർ​ണാ​യ​ക ശ​ക്തി​യാ​കാ​ൻ പൊ​ലീ​സ് ടീ​മി​ലെ അം​ഗ​ങ്ങ​ൾ​ക്ക് സാ​ധി​ച്ചു.

കോ​ച്ച് എ.​എം ശ്രീ​ധ​ര​ൻ, മാ​നേ​ജ​ർ ക​രീം എ​ന്നി​വ​ർ ഈ ​വി​ജ​യ​ങ്ങ​ളു​ടെ പ്ര​ഥ​മ ശി​ൽ​പി​ക​ളാ​ണ്. കോ​ച്ചു​മാ​രാ​യ ടി.​കെ. ചാ​ത്തു​ണ്ണി, ടി.​എ. ജാ​ഫ​ർ എ​ന്നി​വ​രു​ടെ പ​രി​ശീ​ല​ന​വും ടീ​മി​ന് മു​ത​ൽ​ക്കൂ​ട്ടാ​യി. വി.​പി. സ​ത്യ​ൻ, യു. ​ഷ​റ​ഫ​ലി, സി.​വി. പാ​പ്പ​ച്ച​ൻ, ഐ.​എം. വി​ജ​യ​ൻ, പി.​പി. തോ​ബി​യാ​സ്, കെ.​ടി.ചാ​ക്കോ, കു​രി​കേ​ശ് മാ​ത്യു, പി.​ടി. മെ​ഹ​ബൂ​ബ്, കെ.​എ. ആ​ൻ​സ​ൺ, സി ​ജാ​ബി​ർ, സി.​വി. ശ​ശി തു​ട​ങ്ങി നി​ര​വ​ധി പ്ര​തി​ഭാ​ധ​ന​രാണ് പൊ​ലീ​സിനായി ബൂട്ടുകെട്ടിയത്. ഐ.​എം. വി​ജ​യ​ൻ, മു​ൻ പ​രി​ശീ​ല​ക​രാ​യ എ.​എം. ശ്രീ​ധ​ര​ൻ, ഗ​ബ്രി​യേ​ൽ ജോ​സ​ഫ്, മു​ൻ മാ​നേ​ജ​ർ ഡി. ​വി​ജ​യ​ൻ, അ​ന്ന​ത്തെ ടീം ​സ​ഹാ​യി ആ​യി​രു​ന്ന സാ​ബു തു​ട​ങ്ങി​യ​വ​രെ​യാ​ണ്​ ആ​ദ​രി​ക്കു​ന്ന​ത്.

ച​ട​ങ്ങി​ൽ മു​ൻ അ​ന്താ​രാ​ഷ്ട്ര താ​രം സേ​വി​യ​ർ പ​യ​സ്, പ്ര​ശ​സ്ത സ്പോ​ർ​ട്സ് ലേ​ഖ​ക​ൻ ര​വി മേ​നോ​ൻ എ​ന്നി​വ​രും പ​ങ്കെ​ടു​ക്കും. കേ​ര​ള പൊ​ലീ​സി​ൽ ത​ന്നെ വോ​ളി​ബാ​ൾ, ബാ​സ്ക്ക​റ്റ്ബാൾ അ​ത്ല​റ്റി​ക്സ് ടീ​മു​ക​ളെ പ്ര​തി​നി​ധീ​ക​രി​ച്ച് ഇ​ന്റ​ർ നാ​ഷനൽ താ​ര​ങ്ങ​ളാ​യ​ അ​ബ്ദു​ൽ റ​സാ​ഖ്, അ​ൻ​വി​ൻ ജെ. ​ആ​ന്റ​ണി, പി.​വി. വി​ൽ​സ​ൻ എ​ന്നി​വ​രും പ​ങ്കെ​ടു​ക്കും. ച​ട​ങ്ങി​നു​ശേ​ഷം ദേ​ശീ​യ അ​ന്ത​ർ​ദേ​ശീ​യ ക​ളി​ക്കാ​രും കേ​ര​ള പൊ​ലീ​സും ത​മ്മി​ലു​ള​ള പ്ര​ദ​ർ​ശ​ന മ​ത്സ​ര​വും അ​ര​ങ്ങേ​റും.