ഒ​ഴു​ക്കി​ൽ​പെ​ട്ട് മരിച്ച ജിബിത്തിന് കണ്ണീരോടെ​ വിട; പ്രതീക്ഷയോടെ കാത്ത്​ നിരഞ്ജന്‍റെ കുടുംബം

തി​രു​വ​ന​ന്ത​പു​രം: മ​ക​ന്‍റെ ചേ​ത​ന​യ​റ്റ ശ​രീ​ര​ത്തി​ൽ വീ​ണ്​ അ​ല​മു​റ​യി​ട്ട മാ​താ​പി​താ​ക്ക​ളെ എ​ങ്ങ​നെ ആ​ശ്വ​സി​പ്പി​ക്ക​ണ​മെ​ന്ന്​ അ​റി​യാ​തെ സ്തം​ഭി​ച്ചു നി​ൽ​ക്കു​ക​യാ​യി​രു​ന്നു ഉ​റ്റ​വ​ർ.

ശ​നി​യാ​ഴ്ച വൈ​കീ​ട്ടാ​ണ് പാ​പ്പാ​ട് ഗാ​ത്​​സ​മ​നി​ൽ ജ​യ​രാ​ജി​ന്റെ​യും മ​ഞ്ജു​വി​ന്റെ​യും മ​ക​ൻ ജി​ബി​ത്ത് മാ​ത്തും (14) മൂ​ന്നാം​മൂ​ട് വാ​വു​വി​ള ദ​യാ​ഭ​വ​നി​ൽ പേ​ര​ത​നാ​യ രാ​ജീ​വ്- അ​നീ​റ്റ ദ​മ്പ​തി​ക​ളു​ടെ മ​ക​ൻ നി​ര​ഞ്ജ​നും ഒ​ഴു​ക്കി​ൽ​പെ​ട്ട​ത്. നാ​ലം​ഗ സം​ഘ​മാ​യി​ട്ടാ​ണ്​ മൂ​ന്നാം​മൂ​ട് ആ​യി​ര​വ​ല്ലി ക്ഷേ​ത്ര​ത്തി​ന്റെ മേ​ലേ​ക്ക​ട​വി​ൽ ചൂ​ണ്ട​യി​ടാ​ൻ പോ​യി ഇ​വ​ർ ര​ണ്ടു​പേ​രും വെ​ള്ള​ത്തി​ല​ക​പ്പെ​ട്ട​ത്.

ജി​ബി​ത്തി​ന്‍റെ മൃ​ത​ദേ​ഹം ഞാ​യ​റാ​ഴ്ച രാ​വി​ലെ 11 ഓ​ടെ ക​ണ്ടെ​ത്തി. എ​ന്നാ​ൽ, വൈ​കി​യും നി​ര​ഞ്ജ​നെ ക​ണ്ടെ​ത്താ​നാ​യി​ല്ല. പ്ര​തീ​ക്ഷ​യോ​ടെ കാ​ക്കു​ക​യാ​ണ്​ കു​ടും​ബം. ഉ​ച്ച​ഭ​ക്ഷ​ണം ക​ഴി​ഞ്ഞ് ചേ​ട്ട​നും അ​നി​യ​നും മു​റി​യി​ലി​രി​ക്കു​ന്ന​ത്​ ക​ണ്ടാ​ണ്​ എ​ൽ.​പി സ്കൂ​ൾ അ​ധ്യാ​പി​ക​യാ​യ മ​ഞ്ജു പു​റ​ത്തു​പോ​യ​ത്. പി​ന്നെ കേ​ൾ​ക്കു​ന്ന​ത് ജി​ബി​യെ ആ​റ്റി​ൽ കാ​ണാ​താ​യെ​ന്ന്.

അ​പ്പോ​ൾ മു​ത​ൽ കു​ഞ്ഞി​നൊ​ന്നും വ​രു​ത്ത​രു​തേ​യെ​ന്ന് മ​ന​മു​രു​കി പ്രാ​ർ​ഥി​ക്കു​ക​യാ​യി​രു​ന്നു മ​ഞ്ജു. ഒ​ടു​വി​ൽ ഞാ​യ​റാ​ഴ്ച മൃ​ത​ദേ​ഹം കി​ട്ടി​യ​പ്പോ​ൾ മ​ര​ണ​വി​വ​രം മാ​താ​പി​താ​ക്ക​ളെ അ​റി​യി​ച്ചു.

അ​ല​റി​ക്ക​ര​ച്ചി​ലി​നു മു​ന്നി​ൽ എ​ങ്ങ​നെ ആ​ശ്വ​സി​പ്പി​ക്ക​ണ​മെ​ന്ന​റി​യാ​തെ ഉ​ഴ​ലു​ക​യാ​യി​രു​ന്നു അ​ധ്യാ​പ​ക​രും ബ​ന്ധു​ക്ക​ളും. സ​ഹോ​ദ​ര​ൻ ജെ​റി​യെ​ന്ന ജ​യ​ജി​ത്ത് എ.​ആ​ർ.​ആ​ർ പ​ബ്ലി​ക് സ്കൂ​ളി​ലെ ഏ​ഴാം​ക്ലാ​സ് വി​ദ്യാ​ർ​ഥി​യാ​ണ്. കൂ​ട്ടു​കാ​ർ​ക്കൊ​പ്പം മീ​ൻ​പി​ടി​ക്കാ​നും കു​ളി​ക്കാ​നു​മാ​യി ആ​റ്റി​ലേ​ക്ക് പോ​യ​പ്പോ​ൾ ജെ​ബി​ത്ത് ജെ​റി​യെ​യും ഒ​പ്പം കൂ​ട്ടി​യി​രു​ന്നു. ചേ​ട്ട​ൻ മു​ങ്ങു​ന്ന​തു ക​ണ്ട് ജെ​റി നി​ല​വി​ളി​ച്ചെ​ങ്കി​ലും ര​ക്ഷി​ക്കാ​നാ​യി​ല്ല. ചേ​ട്ട​ൻ ന​ഷ്ട​പ്പെ​ട്ട വേ​ദ​ന​യി​ലാ​ണ്​ ജെ​റി. പി​താ​വ്​ ജ​യ​രാ​ജ് റി​ട്ട. ബി.​എ​സ്.​എ​ഫ് ജീ​വ​ന​ക്കാ​ര​നാ​ണ്.

നാ​ലാം ക്ലാ​സു​കാ​രി​യാ​യ അ​നു​ജ​ത്തി ന​ന്ദി​നി​യോ​ട് ഇ​പ്പോ​ൾ വ​രാ​മെ​ന്ന് പ​റ​ഞ്ഞാ​യി​രു​ന്നു ഉ​ണ്ണി​ക്കു​ട്ട​നെ​ന്ന നി​ര​ഞ്ജ​ൻ മീ​ൻ​പി​ടി​ക്കാ​ൻ പോ​യ​ത്. കൂ​ടെ ക​ളി​ക്കാ​ൻ ​​േജ്യ​ഷ്​​ഠ​ൻ വ​രു​മെ​ന്ന പ്ര​തീ​ക്ഷ​യി​ലാ​ണ്​ ഈ ​കു​ഞ്ഞ​നു​ജ​ത്തി. വ​ട്ടി​യൂ​ർ​ക്കാ​വി​ന് സ​മീ​പ​ത്തെ നീ​ന്ത​ൽ​ക്കു​ള​ത്തി​ൽ എ​ട്ടു​വ​ർ​ഷം മു​മ്പ്​ ഭ​ർ​ത്താ​വ് രാ​ജീ​വ് മു​ങ്ങി​മ​രി​ക്കു​മ്പോ​ൾ, മാ​താ​വ്​ അ​നീ​ഷ​യു​ടെ പ്ര​തീ​ക്ഷ ര​ണ്ട് കു​ഞ്ഞു മ​ക്ക​ളി​ലാ​യി​രു​ന്നു. ശാ​സ്ത​മം​ഗ​ല​ത്തെ തു​ണി​ക്ക​ട​യി​ൽ​നി​ന്നു​ള്ള വ​രു​മാ​നം​കൊ​ണ്ടാ​ണ് മ​ക്ക​ളെ പോ​റ്റി​യ​ത്.

നാ​ലു​മാ​സം മു​മ്പാ​ണ് അ​നീ​ഷ​യും കു​ടും​ബ​വും മൂ​ന്നാം​മൂ​ട് വാ​വു​വി​ള ദ​യാ​ഭ​വ​നി​ൽ വാ​ട​ക​ക്ക്​ എ​ത്തി​യ​ത്. അം​ഗ​ൻ​വാ​ടി അ​ധ്യാ​പി​ക​യാ​യ അ​നീ​ഷ​യു​ടെ മാ​താ​വ്​ പു​ഷ്പ​ല​ത അം​ഗ​ൻ​വാ​ടി​യി​ൽ​നി​ന്ന് മ​ട​ങ്ങി​യെ​ത്തു​ന്ന​തി​ന് അ​ഞ്ച്​ മി​നി​റ്റ്​ മു​മ്പാ​ണ് ഉ​ണ്ണി​ക്കു​ട്ട​നെ​ന്ന് വി​ളി​ക്കു​ന്ന നി​ര​ഞ്ജ​ൻ കൂ​ട്ടു​കാ​ർ​ക്കൊ​പ്പം മീ​ൻ പി​ടി​ക്കാ​ൻ പോ​യ​ത്. ര​ണ്ടാം ദി​ന​ത്തി​ലെ തി​ര​ച്ചി​ലി​ലും നി​ര​ഞ്ജ​നെ ക​ണ്ടെ​ത്താ​നാ​യി​ല്ല. നി​ര​ഞ്ജ​ൻ മ​ട​ങ്ങി​യെ​ത്തു​മെ​ന്ന പ്ര​തീ​ക്ഷ​യി​ലാ​ണ്​ ഏ​വ​രും.