കി​ള്ളി​യാ​റി​ൽ കോ​ർ​പ​റേ​ഷ​ന് സ്റ്റോ​പ് മെ​മ്മോ

തി​രു​വ​ന​ന്ത​പു​രം: കി​ള്ളി​യാ​ർ സം​ര​ക്ഷ​ണ​ഭി​ത്തി നി​ർ​മാ​ണ​ത്തി​ന്‍റെ മ​റ​വി​ൽ ആ​റ് കൈ​യേ​റി വ​ഴി നി​ർ​മി​ക്കാ​നു​ള്ള തി​രു​വ​ന​ന്ത​പു​രം കോ​ർ​പ​റേ​ഷ​ന്‍റെ നീ​ക്ക​ത്തി​ന് തി​രി​ച്ച​ടി. നി​ർ​മാ​ണ​പ്ര​വ​ർ​ത്ത​ന​ങ്ങ​ൾ ജ​ല​സേ​ച​ന​വ​കു​പ്പ് ത​ട​ഞ്ഞു.

അ​ടി​യ​ന്ത​ര​മാ​യി നി​ക​ത്തി​യ ആ​റ് പൂ​ർ​വ​സ്ഥി​തി​യി​ലാ​ക്ക​ണ​മെ​ന്നും ഇ​തി​നു ശേ​ഷം മാ​ത്ര​മേ തു​ട​ർ​നി​ർ​മാ​ണ പ്ര​വ​ർ​ത്ത​ന​ങ്ങ​ൾ അ​നു​വ​ദി​ക്കാ​ൻ ക​ഴി​യൂ​വെ​ന്നും ജ​ല​സേ​ച​ന വ​കു​പ്പ് ന​ൽ​കി​യ സ്റ്റോ​പ് മെ​മ്മോ​യി​ൽ പ​റ​യു​ന്നു.

ആ​റ​ന്നൂ​ർ വാ​ർ​ഡി​ൽ ജ​ഗ​തി അ​ന​ന്ത​പു​രി ഓ​ഡി​റ്റോ​റി​യ​ത്തി​നു സ​മീ​പം പാ​റ​ച്ചി​റ അ​ണ​യു​ടെ ഭാ​ഗ​ത്താ​ണ് ഭ​ര​ണ​സ​മി​തി​യു​ടെ ഒ​ത്താ​ശ​യോ​ടെ ഉ​ദ്യോ​ഗ​സ്ഥ​രും ക​രാ​റു​കാ​ര​നും ചേ​ർ​ന്ന് ബ​ണ്ട് നി​ർ​മാ​ണ​ത്തി​ന്‍റെ മ​റ​വി​ൽ ആ​റി​ന്‍റെ ഒ​രു​ഭാ​ഗം ക​രി​ങ്ക​ല്ലും മ​ണ്ണും​കൊ​ണ്ട് നി​ക​ത്തി​യ​ത്. കൈ​യേ​റ്റം ‘മാ​ധ്യ​മം’ പു​റ​ത്തു​കൊ​ണ്ടു​വ​ന്ന​തോ​ടെ​യാ​ണ് വി​ഷ​യ​ത്തി​ൽ ജ​ല​സേ​ച​ന വ​കു​പ്പി​ന്‍റെ ന​ട​പ​ടി. അ​രു​വി​ക്ക​ര, പേ​പ്പാ​റ ഡാ​മു​ക​ൾ മ​ഴ​ക്കാ​ല​ത്ത് തു​റ​ക്കു​മ്പോ​ൾ ഡാ​മു​ക​ളി​ലെ വെ​ള്ളം ഇ​ര​ച്ചെ​ത്തു​ന്ന​ത് കി​ള്ളി​യാ​റി​ലേ​ക്കാ​ണ്. മ​ഴ​ക്കാ​ല​ത്ത് ആ​റ് ക​ര​ക​വി​ഞ്ഞൊ​ഴു​കി 200ഓ​ളം വീ​ടു​ക​ൾ വെ​ള്ള​ത്തി​ൽ മു​ങ്ങു​ന്ന​ത് സ്ഥി​ര​മാ​യ​തോ​ടെ​യാ​ണ് ആ​റി​ന്‍റെ ക​ര​ക​ളി​ൽ സം​ര​ക്ഷ​ണ ഭി​ത്തി നി​ർ​മി​ക്കാ​ൻ സം​സ്ഥാ​ന സ​ർ​ക്കാ​ർ തീ​രു​മാ​നി​ച്ച​ത്. ഇ​തി​നാ​യി 1.26 കോ​ടി​യു​ടെ ഭ​ര​ണാ​നു​മ​തി​യും ക​ഴി​ഞ്ഞ സെ​പ്​​റ്റം​ബ​റി​ൽ ന​ൽ​കി.

പാ​ങ്ങോ​ട് പാ​ല​ത്തി​നു സ​മീ​പം വ​ല​തു ക​ര​യി​ൽ 56 ല​ക്ഷം രൂ​പ​യും പാ​റ​ച്ചി​റ പാ​ല​ത്തി​ന് സ​മീ​പം ഇ​ട​തു​ക​ര​യി​ൽ 70 ല​ക്ഷ​വു​മാ​ണ് അ​നു​വ​ദി​ച്ച​ത്.

ജ​ഗ​തി വാ​ർ​ഡി​ലെ ഇ​ട​പ്പ​ഴ​ഞ്ഞി, വ​ലി​യ​ശാ​ല വാ​ർ​ഡി​ലെ തേ​ങ്ങാ​ക്കൂ​ട് പ​ണ്ടാ​ര​വി​ള, കി​ഴ​ക്കേ​വി​ള എ​ന്നീ ഭാ​ഗ​ങ്ങ​ളി​ലാ​യി​രു​ന്നു നി​ർ​മാ​ണം. എ​ന്നാ​ൽ, കി​ള്ളി​യാ​റി​നു സ​മീ​പ​ത്തെ ചി​ല ഫ്ലാ​റ്റു​ട​മ​ക​ൾ​ക്കാ​യി പാ​റ​ച്ചി​റ ഭാ​ഗ​ത്ത് ഒ​രാ​ൾ​ക്ക് ന​ട​ന്നു​പോ​കാ​ൻ ക​ഴി​യു​ന്ന ക​ര​യു​ടെ ഒ​രു​ഭാ​ഗം കാ​രാ​റു​കാ​ര​നും ഉ​ദ്യോ​ഗ​സ്ഥ​രും ചേ​ർ​ന്ന് ലോ​റി​ക​ൾ​ക്ക​ട​ക്കം ക​ട​ന്നു​പോ​കു​ന്ന ത​ര​ത്തി​ൽ 20 മീ​റ്റ​ർ വീ​തി​യി​ൽ മ​ണ്ണി​ട്ട് നി​ക​ത്തി വ​ഴി​യാ​ക്കു​ക​യാ​യി​രു​ന്നു.

കി​ള്ളി​യാ​റി​ന്‍റെ സം​ര​ക്ഷ​ണ​വും ക​ര​യു​ടെ ഭാ​ഗ​ത്ത് നി​ർ​മാ​ണ പ്ര​വ​ർ​ത്ത​ന​ങ്ങ​ൾ ന​ട​ത്താ​നു​ള്ള അ​ധി​കാ​ര​വും ജ​ല​സേ​ച​ന വ​കു​പ്പി​നാ​ണ്. എ​ന്നാ​ൽ, ബ​ണ്ട് നി​ർ​മാ​ണ​വു​മാ​യി ബ​ന്ധ​പ്പെ​ട്ട് കോ​ർ​പ​റേ​ഷ​ന്‍റേ​താ​യ പ​ദ്ധ​തി​യു​ണ്ടെ​ന്ന് കാ​ണി​ച്ച് മേ​യ​ർ ആ​ര്യാ രാ​ജേ​ന്ദ്ര​ൻ ഇ​റി​ഗേ​ഷ​ൻ വ​കു​പ്പി​ന് ന​ൽ​കി​യ ക​ത്തി​ന്‍റെ അ​ടി​സ്ഥാ​ന​ത്തി​ലാ​ണ് ബ​ണ്ട് നി​ർ​മാ​ണ​ത്തി​ന് ജ​ല​സേ​ച​ന​വ​കു​പ്പ് എ​ൻ.​ഒ.​സി ന​ൽ​കി​യ​ത്.

എ​ന്നാ​ൽ, ബ​ണ്ട് നി​ർ​മാ​ണ​ത്തി​ന്‍റെ മ​റ​വി​ൽ അ​ന​ധി​കൃ​ത നി​ർ​മാ​ണം ക​ണ്ടെ​ത്തി​യ സാ​ഹ​ച​ര്യ​ത്തി​ൽ കൈ​യേ​റി​യ ഭാ​ഗം പൂ​ർ​വ സ്ഥി​തി​യി​ലാ​ക്ക​ണ​മെ​ന്ന് ആ​വ​ശ്യ​പ്പെ​ട്ട് കോ​ർ​പ​റേ​ഷ​ന് വീ​ണ്ടും ക​ത്ത് ന​ൽ​കു​മെ​ന്ന് ജ​ല​സേ​ച​ന വ​കു​പ്പ് അ​റി​യി​ച്ചു. കോ​ർ​പ​റേ​ഷ​ന്‍റെ കൈ​യേ​റ്റം സം​ബ​ന്ധി​ച്ച് നാ​ട്ടു​കാ​രും ജ​ല​സേ​ച​ന വ​കു​പ്പി​ന് പ​രാ​തി ന​ൽ​കി​യി​ട്ടു​ണ്ട്.

കോ​ർ​പ​റേ​ഷ​ൻ ക​രാ​ർ ലം​ഘി​ച്ചു -ബി​ന്ദു (എ​ക്സി​ക്യു​ട്ടി​വ് എ​ൻ​ജി​നീ​യ​ർ, ജ​ല​സേ​ച​ന​വ​കു​പ്പ്)

കി​ള്ളി​യാ​റി​ന്‍റെ ക​ര​ക​ൾ സം​ര​ക്ഷി​ക്കു​ന്ന​തി​നു​വേ​ണ്ടി​യാ​ണ് തി​രു​വ​ന​ന്ത​പു​രം കോ​ർ​പ​റേ​ഷ​ൻ ജ​ല​സേ​ച​ന വ​കു​പ്പി​നോ​ട് നി​രാ​ക്ഷേ​പ പ​ത്രം ആ​വ​ശ്യ​പ്പെ​ട്ട​ത്. കി​ള്ളി​യാ​റി​ന്‍റെ ഇ​രു​വ​ശ​ങ്ങ​ളു​ടെ​യും സം​ര​ക്ഷ​ണം ജ​ല​സേ​ച​ന വ​കു​പ്പി​ന്‍റെ കീ​ഴി​ലാ​ണ്. ഇ​തു വ​കു​പ്പ് ചൂ​ണ്ടി​ക്കാ​ട്ടി​യ​പ്പോ​ൾ അ​ന്ന് മേ​യ​റ​ട​ക്ക​മു​ള്ള​വ​ർ പ​റ​ഞ്ഞ​ത് ‘‘ത​ങ്ങ​ൾ ഒ​രു പ്രോ​ജ​ക്ട് വെ​ച്ചു​പോ​യി, അ​തു​കൊ​ണ്ട് അ​നു​മ​തി ന​ൽ​ക​ണം’’ എ​ന്നാ​യി​രു​ന്നു.

ക​ഴി​ഞ്ഞ ദി​വ​സം ‘മാ​ധ്യ​മം’ വാ​ർ​ത്ത വ​രു​ക​യും ഇ​തി​നെ തു​ട​ർ​ന്ന് റെ​സി​ഡ​ൻ​റ്​​സ് അ​സോ​സി​യേ​ഷ​ൻ ഭാ​ര​വാ​ഹി​ക​ളും പ​രാ​തി​യു​മാ​യി സ​മീ​പി​ക്കു​ക​യും ചെ​യ്​​ത​തോ​ടെ​യാ​ണ്​ അ​സി. എ​ൻ​ജി​നീ​യ​ർ സ്ഥ​ലം സ​ന്ദ​ർ​ശി​ച്ച​ത്. അ​ന​ധി​കൃ​ത പ്ര​വ​ർ​ത്ത​ന​ങ്ങ​ൾ ന​ട​ത്തി​ല്ലെ​ന്ന ക​രാ​റാ​ണ് കോ​ർ​പ​റേ​ഷ​ൻ ലം​ഘി​ച്ച​ത്. നി​ക​ത്തി​യ​വ​ർ​ത​ന്നെ ഇ​തൊ​ക്കെ പൂ​ർ​വ​സ്ഥി​തി​യി​ലാ​ക്കേ​ണ്ടി​വ​രും.

കൈ​യേ​റ്റ​ത്തെ എ​തി​ർ​ക്കും -എ. ​ബാ​ബു (പ്ര​സി​ഡ​ന്‍റ്, ജ​ഗ​തി, അ​ന​ന്ത​പു​രി റെ​സി​ഡ​ന്‍റ്​​സ് അ​സോ​സി​യേ​ഷ​ൻ)

ബ​ണ്ടി​ന്‍റെ പേ​രി​ലാ​യി​രു​ന്നു ഒ​രാ​ഴ്ച​മു​മ്പ് കൗ​ൺ​സി​ല​റു​ടെ നേ​തൃ​ത്വ​ത്തി​ൽ നി​ർ​മാ​ണം ആ​രം​ഭി​ച്ച​ത്. പ​ക്ഷേ, കെ​ട്ടി​വ​ന്ന​പ്പോ​ൾ റോ​ഡാ​യി. ഇ​ത്ത​ര​മൊ​രു വ​ഴി​യു​ടെ ആ​വ​ശ്യ​മെ​ന്തെ​ന്ന് മ​ന​സ്സി​ലാ​കു​ന്നി​ല്ല. മ​ഴ​ക്കാ​ല​ത്ത് വെ​ള്ളം പൊ​ങ്ങു​മ്പോ​ൾ ക​ഴു​ത്തോ​ളം വെ​ള്ള​മാ​ണ് വീ​ടു​ക​ളി​ലേ​ക്ക് ഇ​ര​ച്ചെ​ത്തു​ക. അ​ഞ്ഞൂ​റി​ല​ധി​കം കു​ടും​ബ​ങ്ങ​ൾ താ​മ​സി​ക്കു​ന്ന ജ​ഗ​തി, കാ​ര​യ്ക്കാ​ട് ഭാ​ഗ​ത്ത് മ​ഴ​ക്കാ​ല​ത്ത് ജ​ന​ങ്ങ​ൾ മ​ര​ണ​ഭീ​തി​യി​ലാ​യി​രു​ന്നു. ഈ ​സാ​ഹ​ച​ര്യ​ത്തി​ലാ​ണ് ബ​ണ്ട് നി​ർ​മാ​ണ​ത്തി​ന് സ​ർ​ക്കാ​ർ പ്ര​ത്യേ​ക ഫ​ണ്ട് അ​നു​വ​ദി​ച്ച​ത്. എ​ന്നാ​ൽ, ഇ​തി​ന്‍റെ മ​റ​വി​ൽ ആ​റ് കൈ​യേ​റാ​നാ​യി​രു​ന്നു ഒ​രു വി​ഭാ​ഗം ശ്ര​മി​ച്ച​ത്. വി​ക​സ​ന​ത്തി​ന് ഞ​ങ്ങ​ൾ എ​തി​ര​ല്ല. കോ​ർ​പ​റേ​ഷ​ൻ ഭ​രി​ക്കു​ന്ന ഇ​ട​തു​പ​ക്ഷ പാ​ർ​ട്ടി​യി​ൽ​ത​ന്നെ​യാ​ണ്​ ഞാ​നു​മു​ള്ള​ത്. പ​ക്ഷേ, ജ​ന​ങ്ങ​ളെ ദ്രോ​ഹി​ച്ചു​കൊ​ണ്ടു​ള്ള ന​ട​പ​ടി​ക​ളെ ശ​ക്ത​മാ​യി എ​തി​ർ​ക്കും.

പു​ഴ​യും ആ​റു​ക​ളും നി​ക​ത്താ​ൻ പാ​ടി​ല്ലെ​ന്ന സ​ർ​ക്കാ​ർ നി​ല​പാ​ടി​നൊ​പ്പം ബി​ന്ദു മേ​നോ​ൻ (ആ​റ​ന്നൂ​ർ വാ​ർ​ഡ് കൗ​ൺ​സി​ല​ർ)

ആ​റി​ന്‍റെ സൈ​ഡി​ൽ നേ​ര​ത്തേ ബ​ണ്ടു​ണ്ടാ​യി​രു​ന്നു. പ​ക്ഷേ, സാ​ങ്കേ​തി​ക കാ​ര​ണ​ങ്ങ​ളാ​ൽ മു​ൻ കൗ​ൺ​സി​ല​റി​ന് പൂ​ർ​ത്തി​യാ​ക്കാ​ൻ സാ​ധി​ച്ചി​ല്ല. അ​തി​ന്‍റെ ബാ​ക്കി​യാ​ണ് ജ​ല​സേ​ച​ന​വ​കു​പ്പി​ന്‍റെ എ​ൻ.​ഒ.​സി​യോ​ടെ പു​തി​യ പ്രോ​ജ​ക്ട് വെ​ച്ച് നി​ർ​മാ​ണ​പ്ര​വ​ർ​ത്ത​ന​ങ്ങ​ൾ ആ​രം​ഭി​ച്ച​ത്. പു​ഴ​യും ആ​റു​ക​ളും നി​ക​ത്താ​ൻ പാ​ടി​ല്ലെ​ന്ന സ​ർ​ക്കാ​ർ നി​ല​പാ​ടി​നൊ​പ്പം​ത​ന്നെ​യാ​ണ് കോ​ർ​പ​റേ​ഷ​നും.