തി​രു​വ​ന​ന്ത​പു​രം മെഡിക്കൽ കോളജിൽ രോഗിയുടെ കാലിൽ എലി കടിച്ചു

ക​ഴ​ക്കൂ​ട്ടം: തി​രു​വ​ന​ന്ത​പു​രം മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ ചി​കി​ത്സ​യി​ലാ​യി​രു​ന്ന വൃ​ക്ക​രോ​ഗി​യു​ടെ കാ​ലി​ൽ എ​ലി ക​ടി​ച്ചു. ശ​നി​യാ​ഴ്ച രാ​ത്രി എ​ട്ടി​നാ​യി​രു​ന്നു സം​ഭ​വം. പൗ​ഡി​ക്കോ​ണം സ്വ​ദേ​ശി എ​സ്. ഗി​രി​ജ​കു​മാ​രി​യു​ടെ (56) ഇ​ട​തു കാ​ലി​ന്റെ ര​ണ്ടു വി​ര​ലി​ലാ​ണ് എ​ലി ക​ടി​ച്ച​ത്. ഇ​ട​തു കാ​ലി​ലെ ര​ണ്ടു വി​ര​ലു​ക​ൾ​ക്ക്​ സാ​ര​മാ​യി പ​രി​ക്കേ​റ്റു.

ത​ണു​പ്പാ​യ​തി​നാ​ൽ ഷീ​റ്റ് ഉ​പ​യോ​ഗി​ച്ച് കാ​ൽ മൂ​ടി​യി​രു​ന്നു. ഇ​തി​നി​ട​യി​ൽ കൂ​ടി​യാ​ണ് കാ​ലി​ൽ എ​ലി ക​ടി​ച്ച​ത്. കാ​ലി​ൽ​നി​ന്ന്​ ര​ക്തം ഒ​ഴു​കു​ന്ന​ത് ക​ണ്ട് ഗി​രി​ജ​കു​മാ​രി​യു​ടെ മ​ക​ൾ ര​ശ്മി നോ​ക്കു​മ്പോ​ഴാ​ണ് എ​ലി ക​ടി​ച്ച് കൊ​ണ്ടി​രി​ക്കു​ന്ന​ത് ക​ണ്ട​ത്.

തു​ട​ർ​ന്ന് ഡ്യൂ​ട്ടി​യി​ലു​ണ്ടാ​യി​രു​ന്ന ജീ​വ​ന​ക്കാ​രെ വി​വ​ര​മ​റി​യി​ച്ചെ​ങ്കി​ലും പ്ര​തി​ക​ര​ണം മോ​ശ​മാ​യി​രു​ന്നു. തീ​വ്ര പ​രി​ച​ര​ണ വി​ഭാ​ഗ​ത്തി​ലും വാ​ർ​ഡു​ക​ളി​ലും എ​ലി ശ​ല്യം രൂ​ക്ഷ​മാ​ണ്. സം​ഭ​വ​ത്തി​ൽ ഉ​ദ്യോ​ഗ​സ്ഥ​ർ​ക്ക് വീ​ഴ്ച പ​റ്റി​യി​ട്ടു​ണ്ടോ​യെ​ന്ന് അ​ന്വേ​ഷി​ക്കു​മെ​ന്ന്​ മെ​ഡി​ക്ക​ൽ കോ​ള​ജ് സൂ​പ്ര​ണ്ട് നി​സാ​റു​ദ്ദീ​ൻ പ​റ​ഞ്ഞു.