അപൂർവയിനം കഴുകനെ രാജസ്ഥാനിൽ എത്തിച്ചു

നാ​ഗ​ർ​കോ​വി​ൽ: 2017ലെ ​ഓ​ഖി ചു​ഴ​ലി​ക്കാ​റ്റ് സ​മ​യ​ത്ത് ആ​ശാ​രി​പ​ള്ള​ത്തു​നി​ന്ന് വ​നം വ​കു​പ്പി​ന് ല​ഭി​ച്ച സി​നേ​രി​യ​സ് വി​ഭാ​ഗ​ത്തി​ൽ​പെ​ട്ട ക​ഴു​ക​ൻ​കു​ഞ്ഞി​നെ അ​ഞ്ച് വ​ർ​ഷ​ത്തി​നു​ശേ​ഷം രാ​ജ​സ്ഥാ​ൻ ജോ​ധ്​​പു​ർ മ​ച്ചി​യ ബ​യോ​ള​ജി​ക്ക​ൽ പാ​ർ​ക്കി​ൽ ഏ​ൽ​പ്പി​ച്ചു.

ത​മി​ഴ്നാ​ട് വ​നം​വ​കു​പ്പി​നു​വേ​ണ്ടി ക​ന്യാ​കു​മാ​രി ഡി.​എ​ഫ്.​ഒ ഇ​ള​യ​രാ​ജ​യു​ടെ നേ​തൃ​ത്വ​ത്തി​ലാ​ണ് ക​ഴു​ക​നെ വി​മാ​ന​ത്തി​ൽ കൊ​ണ്ടു​പോ​യ​ത്. ഇ​തി​നാ​യി വ്യോ​മ​യാ​ന മ​ന്ത്രാ​ല​യ​ത്തി​ൽ​നി​ന്ന് പ്ര​ത്യേ​ക അ​നു​മ​തി വാ​ങ്ങി​യി​രു​ന്നു. പ്ര​ത്യേ​ക കൂ​ട് ത​യാ​റാ​ക്കി ക​ഴു​ക​ന് പ​രി​ശീ​ല​വും ന​ൽ​കി​യ​ശേ​ഷ​മാ​ണ് രാ​ത്രി വി​മാ​ന​ത്തി​ൽ ചെ​ന്നൈ​യി​ൽ​നി​ന്ന്​ കൊ​ണ്ടു​പോ​യ​ത്. സി​നേ​രി​യ​സ് വി​ഭാ​ഗ​ത്തി​ൽ​പ്പെ​ട്ട ക​ഴു​ക​ൻ ചൈ​ന, റ​ഷ്യ, സൈ​ബീ​രി​യ തു​ട​ങ്ങി​യ പ്ര​ദേ​ശ​ങ്ങ​ളി​ലാ​ണ് കാ​ണാ​റു​ള്ള​ത്. ഇ​ന്ത്യ​യി​ൽ ശീ​ത​കാ​ല​ത്ത് ഹി​മാ​ച​ൽ, രാ​ജ​സ്ഥാ​ൻ ഭാ​ഗ​ത്ത് വ​രാ​റു​ണ്ട്. ദ​ക്ഷി​ണേ​ന്ത്യ​യി​ൽ ഇ​വ എ​ത്താ​റി​ല്ല.

കാ​റ്റി​ൽ​പെ​ട്ട്​ പ​റ​ക്ക​ലി​ന്‍റെ ഗ​തി​മാ​റി ഇ​വി​ടെ​യെ​ത്തി​യ​​താ​കാ​മെ​ന്നാ​ണ്​ ക​രു​തു​ന്ന​ത്. ത​ക്ക​ല​ക്ക്​ സ​മീ​പം പു​ലി​യൂ​ർ​ക്കു​റി​ച്ചി ഉ​ദ​യ​ഗി​രി കോ​ട്ട​യി​ലെ പാ​ർ​ക്കി​ലാ​ണ് വ​നം​വ​കു​പ്പ് ക​ഴു​ക​നെ സം​ര​ക്ഷി​ച്ചി​രു​ന്ന​ത്.