ആറ്റിങ്ങലിൽ ദേശീയപാതയിൽ കുഴി, മഴ പെയ്താൽ വെള്ളക്കെട്ട്

ആ​റ്റി​ങ്ങ​ല്‍: ന​ഗ​ര​ത്തി​ലെ നാ​ലു​വ​രി​പ്പാ​ത​യി​ല്‍ ടാ​റി​ങ്​ ത​ക​രു​ന്ന​തും കു​ഴി രൂ​പ​പ്പെ​ടു​ന്ന​തും മ​ഴ​യി​ൽ വ​ലി​യ വെ​ള്ള​ക്കെ​ട്ടു​ക​ൾ രൂ​പ​പ്പെ​ടു​ന്ന​തും വ്യാ​പ​കം. കോ​ടി​ക​ള്‍ മു​ട​ക്കി നി​ര്‍മി​ച്ച് ഉ​ദ്ഘാ​ട​നം പോ​ലും ക​ഴി​യാ​ത്ത റോ​ഡി​ന്റെ സ്ഥി​തി​യാ​ണി​ത്. വ​കു​പ്പു​ക​ളു​ടെ ഏ​കോ​പ​ന​മി​ല്ലാ​തെ റോ​ഡു​പ​ണി ന​ട​ത്തി​യ​തി​ന്റെ ദു​ര​ന്ത​മാ​ണ് ഇ​പ്പോ​ള്‍ അ​നു​ഭ​വി​ക്കു​ന്ന​ത്. ന​ഗ​ര​ത്തി​ലെ ഗ​താ​ഗ​ത​ക്കു​രു​ക്കി​ന് പ​രി​ഹാ​ര​മാ​യാ​ണ് പൂ​വ​മ്പാ​റ മു​ത​ല്‍ മൂ​ന്നു​മു​ക്ക് വ​രെ​യു​ള്ള 2.8 കി​ലോ​മീ​റ്റ​ര്‍ റോ​ഡ് നാ​ലു​വ​രി​പ്പാ​ത​യാ​ക്കി വി​ക​സി​പ്പി​ച്ച​ത്. 16.5 കോ​ടി രൂ​പ ചെ​ല​വി​ട്ടാ​ണ് നി​ര്‍മാ​ണം ന​ട​ത്തി​യ​ത്. റോ​ഡി​ന്റെ വ​ശ​ങ്ങ​ളി​ലെ പു​റ​മ്പോ​ക്കും സ​ര്‍ക്കാ​ര്‍വ​കു​പ്പു​ക​ളു​ടെ ഭൂ​മി​യും സ്വ​കാ​ര്യ​വ്യ​ക്തി​ക​ള്‍ സൗ​ജ​ന്യ​മാ​യി വി​ട്ടു​ന​ൽ​കി​യ ഭൂ​മി​യും ഏ​റ്റെ​ടു​ത്തു​കൊ​ണ്ടാ​ണ് വി​ക​സ​നം ന​ട​ത്തി​യ​ത്.

ആ​റ്റി​ങ്ങ​ലി​ല്‍ അ​ഞ്ച് പ​തി​റ്റാ​ണ്ടി​ന് ശേ​ഷ​മാ​ണ് റോ​ഡ് വി​ക​സ​നം ന​ട​പ്പാ​യ​ത്. ഇ​ത്ര​യും വ​ലി​യൊ​രു പ​ദ്ധ​തി ന​ട​പ്പാ​ക്കു​മ്പോ​ള്‍ എ​ടു​ക്കേ​ണ്ട മു​ന്‍ക​രു​ത​ലു​ക​ളൊ​ന്നും അ​ധി​കൃ​ത​ര്‍ കൈ​ക്കൊ​ള്ളാ​തി​രു​ന്ന​താ​ണ് ഇ​പ്പോ​ള്‍ വി​ന​യാ​യ​ത്. റോ​ഡി​ന​ടി​യി​ലു​ള്ള പൈ​പ്പു​ക​ളും കേ​ബി​ളു​ക​ളും വ​ശ​ങ്ങ​ളി​ലേ​ക്ക്​ മാ​റ്റി​സ്ഥാ​പി​ച്ച് അ​ന്താ​രാ​ഷ്ട്ര നി​ല​വാ​ര​ത്തി​ല്‍ റോ​ഡ് നി​ര്‍മി​ക്കു​മെ​ന്നാ​യി​രു​ന്നു ആ​ദ്യ​ഘ​ട്ട​ത്തി​ല്‍ അ​ധി​കൃ​ത​ര്‍ അ​റി​യി​ച്ചി​രു​ന്ന​ത്. എ​ന്നാ​ല്‍ ഇ​തൊ​ന്നും ഇ​വി​ടെ ന​ട​പ്പാ​യി​ല്ല.

റോ​ഡി​ന്റെ ഇ​രു​വ​ശ​ത്തും വാ​ട്ട​ര്‍അ​തോ​റി​റ്റി​യു​ടെ പൈ​പ്പ് ലൈ​ന്‍ ക​ട​ന്നു​പോ​കു​ന്നു​ണ്ട്. ദേ​ശീ​യ​പാ​ത​യു​ടെ കി​ഴ​ക്ക് ഭാ​ഗ​ത്ത്കൂ​ടി 400 എം.​എം ക​ന​ത്തി​ലു​ള്ള പ്ര​ധാ​ന വി​ത​ര​ണ പൈ​പ്പു​ക​ളും പ​ടി​ഞ്ഞാ​റ് ഭാ​ഗ​ത്തു​കൂ​ടി 90 എം.​എം ക​ന​ത്തി​ലു​ള്ള വി​ത​ര​ണ​പൈ​പ്പു​ക​ളു​മാ​ണ് സ്ഥാ​പി​ച്ചി​ട്ടു​ള്ള​ത്. 40 വ​ര്‍ഷ​ത്തി​ല​ധി​കം പ​ഴ​ക്ക​മു​ള്ള ആ​സ്ബ​സ്റ്റോ​സ് പൈ​പ്പു​ക​ളാ​ണി​വ. പു​തി​യ റോ​ഡ് നി​ര്‍മി​ക്കു​മ്പോ​ള്‍ ഈ ​പൈ​പ്പു​ക​ള്‍ മാ​റ്റി ഗു​ണ​മേ​ന്മ​യു​ള്ള അ​യ​ണ്‍ പൈ​പ്പു​ക​ള്‍ സ്ഥാ​പി​ക്ക​ണ​മെ​ന്ന് വാ​ട്ട​ര്‍ അ​തോ​റി​റ്റി ആ​വ​ശ്യ​പ്പെ​ട്ടി​രു​ന്നു. ഇ​തി​നാ​യി നാ​ല് ത​വ​ണ അ​ധി​കൃ​ത​ര്‍ ക​ണ​ക്കെ​ടു​പ്പ് ന​ട​ത്തു​ക​യും 2019 ന​വം​ബ​ര്‍ 16ന് 5.19 ​കോ​ടി രൂ​പ​യു​ടെ എ​സ്റ്റി​മേ​റ്റ് ത​യാ​റാ​ക്കി പൊ​തു​മ​രാ​മ​ത്ത് വ​കു​പ്പി​ന് കൈ​മാ​റു​ക​യും ചെ​യ്തി​രു​ന്നു. എ​ന്നാ​ല്‍ പു​തി​യ പൈ​പ്പു​ക​ള്‍ സ്ഥാ​പി​ക്കു​ന്ന​തി​ന് തു​ക അ​നു​വ​ദി​ക്കാ​നാ​കി​ല്ലെ​ന്നാ​യി​രു​ന്നു പൊ​തു​മ​രാ​മ​ത്ത് അ​ധി​കൃ​ത​രു​ടെ നി​ല​പാ​ട്. റോ​ഡ് ന​ന്നാ​ക്കി​യ​പ്പോ​ള്‍ നി​ല​വി​ലു​ള്ള പൈ​പ്പു​ക​ള്‍ വ​ശ​ങ്ങ​ളി​ലേ​ക്ക്​ മാ​റ്റാ​നും ഇ​വ​ര്‍ ത​യാ​റാ​യി​ല്ല. ഇ​ത് സൃ​ഷ്ടി​ക്കു​ന്ന കാ​ല​താ​മ​സം ആ​ണ് കാ​ര​ണം പ​റ​ഞ്ഞ​ത്. റോ​ഡി​ന്റെ വ​ശ​ങ്ങ​ളി​ലു​ണ്ടാ​യി​രു​ന്ന പൈ​പ്പ് ലൈ​നു​ക​ള്‍ റോ​ഡ് വി​ക​സി​ച്ച​തോ​ടെ ന​ടു​ക്കാ​യി. കൂ​റ്റ​ന്‍ വൈ​ബ്ര​റേ​റ്റ​റു​ക​ളും റോ​ള​ര്‍ മെ​ഷീ​നു​ക​ളും ഓ​ടി​ച്ച​തോ​ടെ പ​ഴ​യ​പൈ​പ്പു​ക​ളി​ല്‍ പ​ല​യി​ട​ത്തും കേ​ടു​പാ​ടു​ക​ളു​ണ്ടാ​യി. ഭാ​ര​മേ​റി​യ വാ​ഹ​ന​ങ്ങ​ള്‍ ക​ട​ന്നു​പോ​കു​മ്പോ​ഴു​ണ്ടാ​കു​ന്ന മ​ര്‍ദം കൂ​ടി​യാ​കു​മ്പോ​ഴാ​ണ് പൈ​പ്പ് പൊ​ട്ട​ല്‍ തു​ട​ര്‍ക്ക​ഥ​യാ​കു​ന്ന​ത്.

വ​ക്കം, അ​ഞ്ചു​തെ​ങ്ങ്, ക​ട​യ്ക്കാ​വൂ​ര്‍, ചി​റ​യി​ന്‍കീ​ഴ്, കി​ഴു​വി​ലം പ​ഞ്ചാ​യ​ത്തു​ക​ളി​ലും ആ​റ്റി​ങ്ങ​ല്‍ ന​ഗ​ര​സ​ഭ പ്ര​ദേ​ശ​ത്തേ​ക്കു​മു​ള്ള കു​ടി​വെ​ള്ളം ക​ട​ത്തി​വി​ടു​ന്ന​ത് ദേ​ശീ​യ​പാ​ത​യി​ലൂ​ടെ ക​ട​ന്നു​പോ​കു​ന്ന പൈ​പ്പു​ക​ളി​ലൂ​ടെ​യാ​ണ്. ഒ​രു​ത​വ​ണ പൈ​പ്പ് പൊ​ട്ടു​മ്പോ​ള്‍ ല​ക്ഷ​ക്ക​ണ​ക്കി​ന് ലി​റ്റ​ര്‍ ശു​ദ്ധീ​ക​രി​ച്ച വെ​ള്ളം ന​ഷ്ട​പ്പെ​ടും. ദി​വ​സ​ങ്ങ​ളോ​ളം കു​ടി​വെ​ള്ള​വി​ത​ര​ണം മു​ട​ങ്ങും. പൈ​പ്പ് പൊ​ട്ടു​ന്ന സ്ഥ​ല​ങ്ങ​ളി​ല്‍ ഏ​ക​ദേ​ശം എ​ട്ട് മു​ത​ല്‍ പ​ത്ത് വ​രെ മീ​റ്റ​ര്‍ നീ​ള​ത്തി​ലും ര​ണ്ട് മീ​റ്റ​ര്‍ വീ​തി​യി​ലും റോ​ഡ് കു​ഴി​ക്കേ​ണ്ടി വ​രും. ബി.​എം ആ​ന്‍ഡ് ബി.​സി നി​ല​വാ​ര​ത്തി​ലു​ള്ള റോ​ഡ് കു​ഴി​ക്കു​ന്ന​തി​ന് ച​തു​ര​ശ്ര​മീ​റ്റ​റി​ന് 4700 രൂ​പ നി​ര​ക്കി​ല്‍ പൊ​തു​മ​രാ​മ​ത്ത് വ​കു​പ്പി​ന് വാ​ട്ട​ര്‍അ​തോ​റി​റ്റി അ​ട​ക്ക​ണം. ഓ​രോ ത​വ​ണ​യും ശ​രാ​ശ​രി 16 ച​തു​ര​ശ്ര​മീ​റ്റ​ര്‍ റോ​ഡ് ഇ​ത്ത​ര​ത്തി​ല്‍ കു​ഴി​ക്കേ​ണ്ട​താ​യി വ​രും. അ​റ്റ​കു​റ്റ​പ്പ​ണി​ക്ക് 40,000 രൂ​പ​യോ​ളം വേ​ണ്ടി​വ​രും. ഇ​ത്ത​ര​ത്തി​ല്‍ ഓ​രോ പ്രാ​വ​ശ്യം പൈ​പ്പ് പൊ​ട്ടു​മ്പോ​ഴും ശ​രാ​ശ​രി 1.5 ല​ക്ഷം രൂ​പ ചെ​ല​വ് വ​രു​മെ​ന്ന് വാ​ട്ട​ര്‍ അ​തോ​റി​റ്റി അ​ധി​കൃ​ത​ര്‍ പ​റ​യു​ന്നു. ഇ​തി​നോ​ട​കം നാ​ലു​വ​രി​പ്പാ​ത​യി​ല്‍ ഇ​രു​പ​തോ​ളം സ്ഥ​ല​ങ്ങ​ളി​ല്‍ പൈ​പ്പ് പൊ​ട്ടി​യി​ട്ടു​ണ്ട്.

ആ​ദ്യ​ഘ​ട്ട​ത്തി​ല്‍ പൈ​പ്പ് പൊ​ട്ടി​യ സ്ഥ​ല​ങ്ങ​ള്‍ ടാ​ര്‍ചെ​യ്ത് ന​ന്നാ​ക്കി​യെ​ങ്കി​ലും പി​ന്നീ​ട് പൊ​ട്ടി​യ സ്ഥ​ല​ങ്ങ​ളി​ല്‍ കോ​ണ്‍ക്രീ​റ്റാ​ണ് കു​ഴ​ച്ചി​ട്ട​ത്. ഇ​തി​ന് മു​ക​ളി​ലൂ​ടെ വാ​ഹ​ന​ങ്ങ​ള്‍ ക​ട​ന്നു​പോ​യ​തോ​ടെ കോ​ണ്‍ക്രീ​റ്റ് കു​ന്നും​കു​ഴി​യു​മാ​യി മാ​റി. വാ​ഹ​ന​ങ്ങ​ള്‍ക്ക് സു​ഗ​മ​മാ​യി ക​ട​ന്നു​പോ​കു​ന്ന​തി​ന് ഇ​ത് വ​ലി​യ ത​ട​സ്സ​മാ​യി മാ​റി. പ​ല​പ്പോ​ഴും കു​ഴി​ക​ൾ വ​ലു​താ​വു​ക​യും അ​പ​ക​ട​ക്കെ​ണി ആ​വു​ക​യും ചെ​യ്യും. അ​പ്പോ​ൾ വീ​ണ്ടും കോ​ൺ​ക്രീ​റ്റ് ചെ​യ്യും. ആ​ഴ്ച​ക​ൾ​ക്കു​ള്ളി​ൽ വീ​ണ്ടും കു​ഴി രൂ​പ​പ്പെ​ടും. ഇ​ങ്ങ​നെ നി​ര​ന്ത​രം റോ​ഡ് കു​ഴി​യാ​കു​ന്ന അ​വ​സ്ഥ​യാ​ണ്.

ഇ​തി​ന് പു​റ​മെ ചെ​റി​യ മ​ഴ​യി​ൽ പോ​ലും റോ​ഡി​ൽ വെ​ള്ളം നി​റ​യു​ന്ന അ​വ​സ്ഥ​യു​ണ്ട്. വ​ലി​യ മ​ഴ പെ​യ്താ​ൽ വാ​ഹ​ന​ങ്ങ​ൾ ക​ട​ന്നു​പോ​കാ​ൻ പ​റ്റാ​ത്ത വി​ധം റോ​ഡ് വെ​ള്ളം നി​റ​ഞ്ഞ്​ ഡി​വൈ​ഡ​റോ ഫു​ട്പാ​ത്തോ അ​റി​യാ​ൻ ക​ഴി​യാ​ത്ത അ​വ​സ്ഥ വ​രും. ആ​റ്റി​ങ്ങ​ൽ ടി.​ബി ജ​ങ്​​ഷ​ൻ, സി.​എ​സ്.​ഐ ജ​ങ്​​ഷ​ൻ, പ്രൈ​വ​റ്റ് ബ​സ് സ്റ്റാ​ൻ​ഡ്, എ​ൽ.​ഐ.​സി ഓ​ഫി​സ് എ​ന്നീ ഭാ​ഗ​ങ്ങ​ളി​ൽ ആ​ണ് റോ​ഡി​ൽ വ​ലി​യ വെ​ള്ള​ക്കെ​ട്ട് രൂ​പ​പ്പെ​ടു​ന്ന​ത്. ഇ​ത് അ​പ​ക​ട സാ​ധ്യ​ത​ക്കും ടാ​റി​ങ്​ വേ​ഗ​ത്തി​ൽ ത​ക​രു​ന്ന​തി​നും കാ​ര​ണ​മാ​കും.