സൗജന്യ ത്രീഡി പ്രിന്റഡ് കൃത്രിമ കൈകാലുകളുമായി കിംസ്​ ഹെൽത്ത്

തി​രു​വ​ന​ന്ത​പു​രം: സൗ​ജ​ന്യ ത്രീ​ഡി പ്രി​ന്റ​ഡ് കൃ​ത്രി​മ കൈ​കാ​ലു​ക​ളു​മാ​യി കിം​സ്​ ഹെ​ൽ​ത്ത് ലിം​ബ്​ സെ​ന്റ​ർ. ഇ​തി​നാ​യി കിം​സ്​ ഹെ​ൽ​ത്തും ജാ​പ്പ​നീ​സ് ത്രീ​ഡി പ്രി​ന്റി​ങ്​ ക​മ്പ​നി​യാ​യ ഇ​ൻ​സ്റ്റ ലിം​ബും ധാ​ര​ണ​പ​ത്ര​ത്തി​ൽ ഒ​പ്പു​വെ​ച്ചു. ദ​ക്ഷി​ണേ​ന്ത്യ​യി​ലെ ഇ​ത്ത​ര​ത്തി​ലു​ള്ള ആ​ദ്യ കേ​ന്ദ്ര​മാ​ണി​ത്.

ആ​വ​ശ്യ​ക്കാ​ർ​ക്ക് അ​നാ​യാ​സേ​ന ദൈ​നം​ദി​ന പ്ര​വ​ർ​ത്ത​ന​ങ്ങ​ളി​ലേ​ർ​പ്പെ​ടാ​നാ​വു​ന്ന ത​ര​ത്തി​ലാ​യി​രി​ക്കും ത്രീ​ഡി പ്രി​ന്റ​ഡ് കൃ​ത്രി​മ കൈ​കാ​ലു​ക​ളു​ടെ രൂ​പ​ക​ൽ​പ​ന​യെ​ന്ന്​ കിം​സ്​ ഹെ​ൽ​ത്ത് ചെ​യ​ർ​മാ​ൻ ആ​ൻ​ഡ് മാ​നേ​ജി​ങ് ഡ​യ​റ​ക്ട​ർ ഡോ.​എം.​ഐ. സ​ഹ​ദു​ല്ല പ​റ​ഞ്ഞു. ദി

​വ്യാം​ഗ​രു​ടെ പു​ന​ര​ധി​വാ​സ​ത്തി​നാ​യി സാ​ങ്കേ​തി​ക വി​ദ്യ​യു​ടെ സ​ഹാ​യ​ത്തോ​ടെ ഇ​ത്ത​ര​ത്തി​ലൊ​രു പ്ര​വ​ർ​ത്ത​ന​വു​മാ​യി മു​ന്നോ​ട്ട് വ​ന്ന കിം​സ്ഹെ​ൽ​ത്ത് കാ​ൻ​സ​ർ സെ​ന്റ​ർ ആ​ൻ​ഡ് സി.​എ​സ്.​ആ​ർ സി.​ഇ. ര​ശ്മി ആ​യി​ഷ​യെ​യും ലിം​ബ് സെ​ന്റ​ർ ഓ​പ​റേ​ഷ​ൻ​സ് മാ​നേ​ജ​റും ചീ​ഫ് പ്രോ​സ്​​തെ​റ്റി​സ്റ്റും ഓ​ർ​ത്തോ​ട്ടി​സ്റ്റു​മാ​യ ക​ര​ൺ​ദീ​പ് സി​ങ്ങി​നെ​യും അ​ദ്ദേ​ഹം അ​ഭി​ന​ന്ദി​ച്ചു. കിം​സ്​ ​ഹെ​ൽ​ത്ത് ക്ലി​നി​ക്ക​ൽ ഡ​യ​റ​ക്ട​ർ ഡോ. ​ബി. രാ​ജ​ൻ, ഫി​സി​ക്ക​ൽ മെ​ഡി​സി​ൻ ആ​ൻ​ഡ്​ റീ​ഹാ​ബി​ലി​റ്റേ​ഷ​ൻ വി​ഭാ​ഗം ക​ൺ​സ​ൽ​ട്ട​ന്റ് ഡോ. ​നി​ത ജെ ​എ​ന്നി​വ​രും ച​ട​ങ്ങി​ൽ പ​​​ങ്കെ​ടു​ത്തു.

ആ​രോ​ഗ്യ​രം​ഗ​ത്തെ സ​ഹ​ക​ര​ണ മേ​ഖ​ല​യി​ലെ ശ്ര​ദ്ധേ​യ പു​രോ​ഗ​തി​യെ സൂ​ചി​പ്പി​ക്കു​ന്ന​താ​ണെ​ന്ന് ഇ​ൻ​സ്റ്റാ​ലിം​ബ്​​​ ഇ​ന്ത്യ ചീ​ഫ് ഓ​പ​റേ​റ്റി​ങ്​ ഓ​ഫി​സ​റും എം.​ഡി​യു​മാ​യ ഷോ​യി​ച്ചി​റോ അ​ദാ​ച്ചി അ​ഭി​പ്രാ​യ​പ്പെ​ട്ടു. സൗ​ജ​ന്യ കൃ​ത്രി​മ കൈ​കാ​ലു​ക​ൾ​ക്ക്​ ബ​ന്ധ​പ്പെ​ടേ​ണ്ട ന​മ്പ​ർ: 7593001461.