ചിന്തയും ചന്തവും നിറച്ച്​ കേരളീയം

തി​രു​വ​ന​ന്ത​പു​രം: ഗൗ​ര​വ​മേ​റി​യ സെ​മി​നാ​റു​ക​ളും സാം​സ്കാ​രി​ക പ​രി​പാ​ടി​ക​ളു​ടെ മി​ഴി​വും പ്ര​ദ​ർ​ശ​ന​മേ​ള​ക​ളു​ടെ സ​ജീ​വ​ത​യു​മാ​യി കേ​ര​ളീ​യം നാ​ലാം ദി​ന​ത്തി​ലേ​ക്ക്. ജ​ന​ജീ​വി​ത​വു​മാ​യി ബ​ന്ധ​പ്പെ​ട്ട വി​ഷ​യ​ങ്ങ​ളി​ലാ​യി​രു​ന്നു ​വെ​ള്ളി​യാ​ഴ്ച​യി​ലെ സെ​മി​നാ​റു​ക​ൾ. സം​സ്ഥാ​ന​ത്തി​ന്‍റെ സാ​മ്പ​ത്തി​ക സ്ഥി​തി​യും ഐ.​ടി മേ​ഖ​ല​യു​ടെ വ​ള​ർ​ച്ച​യും ആ​രോ​ഗ്യ​രം​ഗ​ത്തെ പ്ര​വ​ണ​ത​ക​ളു​മ​ട​ക്കം ഇ​ഴ​കീ​റി​യാ​യി​രു​ന്നു ച​ർ​ച്ച​ക​ൾ. അ​ഞ്ചി​ട​ങ്ങ​ളി​ലു​മാ​യി ര​ണ്ടാ​യി​ര​ത്തോ​ളം പ്ര​തി​നി​ധി​ക​ൾ പ​ങ്കെ​ടു​ക്കു​ന്ന രീ​തി​യി​ലാ​ണ്​ സെ​മി​നാ​റു​ക​ളു​ടെ ക്ര​മീ​ക​ര​ണം. ദേ​ശീ​യ- അ​ന്ത​ർ​ദേ​ശീ​യ​ത​ല​ത്തി​ലു​മു​ള്ള പ്ര​മു​ഖ​രാ​ണ്​ സെ​മി​നാ​റു​ക​ളി​ൽ പ​​ങ്കെ​ടു​ക്കു​ന്ന​ത്. വ​രു​ന്ന മൂ​ന്ന്​ ദി​വ​സ​ങ്ങ​ളി​ലാ​യി 15 സെ​മി​നാ​റു​ക​ൾ​കൂ​ടി ന​ട​ക്കും.

മ​റു​വ​ശ​ത്ത്​ പാ​ച​ക​വും സി​നി​മ​യും പ്ര​ദ​ർ​ശ​ന​വു​മെ​ല്ലാ​മാ​യി കേ​ര​ളീ​യം ജ​ന​​പ്രി​യ​മാ​കു​ക​യാ​ണ്. കേ​ര​ളീ​യ​ത്തി​ന്റെ ഭാ​ഗ​മാ​യി പ​ത്തു ത​ദ്ദേ​ശീ​യ കേ​ര​ളീ​യ വി​ഭ​വ​ങ്ങ​ളാ​ണ്​ ബ്രാ​ൻ​ഡ് ചെ​യ്യു​ന്ന​ത്.

സ​മു​ദ്രോ​ൽ​പ​ന്ന​ങ്ങ​ളും രു​ചി​ക​ര​മാ​യ മ​ത്സ്യ​വി​ഭ​വ​ങ്ങ​ളും സ​ജ്ജ​മാ​ക്കി​യു​ള്ള എ​ൽ.​എം.​എ​സ് കോ​മ്പൗ​ണ്ടി​ലെ കേ​ര​ളീ​യം സീ ​ഫു​ഡ് ഫെ​സ്റ്റി​വ​ലാ​ണ്​ ഇ​തി​ലൊ​ന്ന്. കാ​ഴ്ച​ക്കാ​രെ എ​തി​രേ​ൽ​ക്കാ​ൻ ലേ​സ​ർ ഷോ​കൂ​ടി സ​ജ്ജ​മാ​യ​തോ​ടെ കേ​ര​ളീ​യം കൂ​ടു​ത​ൽ ആ​ക​ർ​ഷ​ക​മാ​കു​ക​യാ​ണ്. പാ​ച​ക​ക​ല​യി​ൽ ശ്ര​ദ്ധേ​യ സാ​ന്നി​ധ്യ​മാ​യ പ​ഴ​യി​ടം മോ​ഹ​ന​ൻ ന​മ്പൂ​രി​രി സൂ​ര്യ​കാ​ന്തി​യി​ലെ പാ​ച​ക​പ്പു​ര​യി​ൽ ത​ത്സ​മ​യ പാ​ല​ട പാ​യ​സം പാ​ച​കം ചെ​യ്താ​ണ്​ മേ​ള​ക്ക്​ പു​തി​യ അ​നു​ഭ​വ​മേ​കി​യ​ത്.

വെ​ർ​ച്വ​ൽ റി​യാ​ലി​റ്റി​യി​ൽ ഒ​രു​ക്കി​യ ആ​റു മി​നി​റ്റ്​ മെ​ട്രോ ട്രെ​യി​ൻ യാ​ത്ര ടാ​ഗോ​ർ തി​യ​റ്റ​റി​ൽ യു​വാ​ക്ക​ളെ ആ​ക​ർ​ഷി​ക്കു​ക​യാ​ണ്. ടി​ക്ക​റ്റെ​ടു​ക്ക​ൽ മു​ത​ൽ ട്രെ​യി​ൻ യാ​ത്ര​വ​രെ വെ​ർ​ച്വ​ൽ റി​യാ​ലി​റ്റി​യി​ൽ ഒ​രു​ക്കി​യി​ട്ടു​ണ്ട്.

ത​ല​യി​ൽ വി.​ആ​ർ ഹെ​ഡ്‌​സെ​റ്റും ഇ​രു​കൈ​ക​ളി​ൽ ക​ൺ​ട്രോ​ള​റു​ക​ളു​മാ​യാ​ണ്​​ ട്രെ​യി​ൻ യാ​​ത്ര. വെ​ർ​ച്വ​ൽ റി​യാ​ലി​റ്റി​യു​ടെ മ​റ്റൊ​രു അ​നു​ഭ​വം ഒ​രു​ക്കു​ന്ന ന്യൂ​സ് സ്റ്റു​ഡി​യോ​യും പ്ര​ദ​ർ​ശ​ന​ത്തി​ലു​ണ്ട്. കേ​ര​ള​ത്തി​ന്‍റെ ക​രു​ത്തും സൗ​ന്ദ​ര്യ​വും യു​വാ​ക്ക​ളി​ൽ എ​ത്തി​ക്കാ​ൻ ആ​വി​ഷ്ക​രി​ച്ച മൊ​ബൈ​ൽ ഗെ​യിം ‘കെ- ​റ​ണി’​നും വെ​ള്ളി​യാ​ഴ്ച തു​ട​ക്ക​മാ​യി. പു​ത്ത​രി​ക്ക​ണ്ടം മൈ​താ​ന​ത്ത് ന​ട​ക്കു​ന്ന ‘ടേ​സ്റ്റ് ഓ​ഫ് കേ​ര​ള’ ഭ​ക്ഷ്യ​മേ​ള​യി​ൽ ശ​നി​യാ​ഴ്ച​മു​ത​ൽ ആ​റ​ന്മു​ള സ​ദ്യ ത​യാ​റാ​ണ്.

കേ​ര​ളീ​യ​ത്തി​ന്റെ സാം​സ്‌​കാ​രി​ക ല​ക്ഷ്യ​ങ്ങ​ൾ​കൂ​ടി ഉ​യ​ർ​ത്തി​പ്പി​ടി​ക്കും​വി​ധ​മാ​ണ് വി​വി​ധ വേ​ദി​ക​ളി​ലാ​യി ക​ലാ​പ​രി​പാ​ടി​ക​ൾ അ​ര​ങ്ങേ​റു​ന്ന​ത്. ത​നി​മ​യാ​ർ​ന്ന പാ​ര​മ്പ​ര്യ ക​ലാ​രൂ​പ​ങ്ങ​ൾ​ക്കു​ൾ​പ്പെ​ടെ ഇ​ടം ന​ൽ​കി​യാ​ണ്​ ക​ലാ​പ​രി​പാ​ടി​ക​ളു​ടെ ക്ര​മീ​ക​ര​ണം.