ദേശീയപാത നിർമാണത്തിന്‍റെ മറവിൽ വയൽനികത്തൽ വ്യാപകം

ആ​റ്റി​ങ്ങ​ൽ: ദേ​ശീ​യ​പാ​ത 66 നി​ർ​മാ​ണ​ത്തി​ന്‍റെ മ​റ​വി​ൽ ബൈ​പാ​സ് മേ​ഖ​ല​യി​ൽ വ​യ​ൽ​നി​ക​ത്ത​ൽ വ്യാ​പ​കം.

കി​ഴു​വി​ലം പ​ഞ്ചാ​യ​ത്ത് പ​രി​ധി​യി​ലാ​ണ്​ സ​ർ​ക്കാ​ർ സം​ര​ക്ഷി​ത പ​ട്ടി​ക​യി​ൽ (​േഡ​റ്റാ ബാ​ങ്ക്) ഉ​ൾ​പ്പെ​ട്ട നി​ല​ങ്ങ​ളും തോ​ടു​ക​ളും നി​ക​ത്തുന്നത്. നൂ​റ്റാ​ണ്ടോ​ളം പ​ഴ​ക്ക​മു​ള്ള തോ​ടു​ക​ളും നീ​രു​റ​വ​ക​ളും നി​ക​ത്തി​യ​വ​യി​ൽ​പെ​ടു​ന്നു.

ക​ഴ​ക്കൂ​ട്ടം ക​ട​മ്പാ​ട്ടു​കോ​ണം ആ​റ്റി​ങ്ങ​ൽ ബൈ​പാ​സ് ക​ട​ന്നു​പോ​കു​ന്ന പ്ര​ദേ​ശ​ങ്ങ​ളി​ലാ​ണ് സ്വ​കാ​ര്യ​വ്യ​ക്തി​ക​ൾ നി​ലം​നി​ക​ത്തു​ന്ന​ത്. അ​തി​ർ​ത്തി തി​രി​ച്ച് കോ​ൺ​ക്രീ​റ്റ് ചെ​യ്ത് പ്ലോ​ട്ടു​ക​ളാ​ക്കി മാ​റ്റു​ക​യും ചെ​യ്തി​ട്ടു​ണ്ട്. റ​വ​ന്യൂ വി​ല്ലേ​ജ് ഉ​ദ്യോ​ഗ​സ്ഥ​രു​ടെ ഒ​ത്താ​ശ​യോ​ടെ​യാ​ണ് ഇ​ത്ത​രം പ്ര​വൃ​ത്തി​ക​ൾ ന​ട​ത്തു​ന്ന​തെ​ന്ന ആ​ക്ഷേ​പ​വും നാ​ട്ടു​കാ​ർ ഉ​ന്ന​യി​ക്കു​ന്നു.

പ​ഞ്ചാ​യ​ത്തി​ലെ വാ​മ​ന​പു​രം ന​ദി​ക്ക് സ​മീ​പ​ത്താ​യി സ്ഥി​തി ചെ​യ്യു​ന്ന ക​വ​ണ​ശ്ശേ​രി ഏ​ല, പെ​രു​മാ​മ​ഠം ഏ​ല തു​ട​ങ്ങി ഹെ​ക്ട​ർ ക​ണ​ക്കി​ന് നി​ല​ങ്ങ​ൾ സ്ഥി​തി ചെ​യ്യു​ന്നി​ട​ങ്ങ​ളി​ലാ​ണ് നി​ക​ത്ത​ൽ സ​ജീ​വം. സ​ർ​ക്കാ​ർ അ​വ​ധി ദി​വ​സ​ങ്ങ​ളി​ലും സ​മീ​പ​പ്ര​ദേ​ശ​ങ്ങ​ളി​ൽ ന​ട​ക്കു​ന്ന നി​ർ​മാ​ണ പ്ര​വ​ർ​ത്ത​ന​ങ്ങ​ളു​ടെ മ​റ​വി​ലാ​ണ് ഘ​ട്ടം​ഘ​ട്ട​മാ​യി നി​ക​ത്ത​ൽ അ​ര​ങ്ങേ​റു​ന്ന​ത്.

വേ​ന​ൽ ക​ടു​ത്ത​തോ​ടെ പ​ഞ്ചാ​യ​ത്തി​ലെ​ങ്ങും കു​ടി​വെ​ള്ള​ക്ഷാ​മം രൂ​ക്ഷ​മാ​വു​ക​യും പ്ര​ദേ​ശ​ങ്ങ​ളി​ലെ കി​ണ​റു​ക​ൾ വ​റ്റി​വ​ര​ളു​ക​യും ചെ​യ്തി​ട്ടു​ണ്ട്. തോ​ടു​ക​ളും നി​ല​ങ്ങ​ളും വ്യാ​പ​ക​മാ​യി നി​ക​ത്തി​യ​തോ​ടെ പ്ര​ദേ​ശ​ങ്ങ​ളി​ലാ​കെ കു​ടി​വെ​ള്ള​ക്ഷാ​മ​വും രൂ​ക്ഷ​മാ​യി. പ​ല ത​വ​ണ പ​രാ​തി​ക​ൾ ന​ൽ​കി​യി​ട്ടും അ​ധി​കൃ​ത​ർ ശ​ക്ത​മാ​യ ന​ട​പ​ടി​ക​ൾ സ്വീ​ക​രി​ക്കാ​ത്ത​താ​ണ് ഇ​ത്ത​രം പ്ര​വൃ​ത്തി​ക​ൾ​ക്ക് പ്ര​ചോ​ദ​ന​മാ​കു​ന്ന​തെ​ന്നും നാ​ട്ടു​കാ​ർ ആ​രോ​പി​ക്കു​ന്നു.

പ്ര​ദേ​ശ​വാ​സി​ക​ളാ​യ ഒ​രു സം​ഘ​മാ​ളു​ക​ൾ റ​വ​ന്യൂ അ​ധി​കൃ​ത​ർ​ക്കും പ​ഞ്ചാ​യ​ത്ത് അ​ധി​കൃ​ത​ർ​ക്കും പ​രാ​തി ന​ൽ​കി. എ​ന്നാ​ൽ, അ​വ​യി​ൽ ന​ട​പ​ടി സ്വീ​ക​രി​ക്കു​ന്നി​ല്ലെ​ന്നും നാ​ട്ടു​കാ​ർ ആ​രോ​പി​ക്കു​ന്നു.