ആക്കുളം പാലത്തിൽ കണ്ടെയ്​നർ ലോറി അപകടത്തി​ൽപെട്ടു

കു​ള​ത്തൂ​ർ: കാ​റു​ക​ളു​മാ​യി വ​ന്ന ക​ണ്ടെ​യ്​​ന​ർ ലോ​റി നി​യ​ന്ത്ര​ണം​തെ​റ്റി ആ​ക്കു​ളം പാ​ല​ത്തി​ന്റെ കൈ​വ​രി​യി​ൽ ഇ​ടി​ച്ചു​ക​യ​റി. കാ​യ​ലി​ലേ​ക്ക് തെ​റി​ച്ചു​വീ​ണ ത​മി​ഴ്​​നാ​ട്​ സ്വ​ദേ​ശി​യാ​യ ലോ​റി ഡ്രൈ​വ​ർ ര​ക്ഷ​പ്പെ​​​ട്ടു.

തി​ങ്ക​ളാ​ഴ്ച വെ​ളു​പ്പി​ന് നാ​ലി​നാ​യി​രു​നു അ​പ​ക​ടം. അ​പ​ക​ട​ത്തെ​തു​ട​ർ​ന്ന്​ ദേ​ശീ​യ​പാ​ത​യി​ൽ തി​ങ്ക​ളാ​ഴ്ച രാ​വി​ലെ മു​ത​ൽ മ​ണി​ക്കൂ​റു​ക​ളോ​ളം ഗ​താ​ഗ​ത​ക്കു​രു​ക്കു​ണ്ടാ​യി. ലു​ലു മാ​ളി​ന് സ​മീ​പ​ത്തെ കാ​ർ ഷോ​റൂ​മി​ലേ​ക്ക് ക​ർ​ണാ​ട​ക​യി​ൽ​നി​ന്ന് കാ​റു​ക​ളു​മാ​യെ​ത്തി​യ ക​ണ്ടെ​യ്​​ന​ർ ലോ​റി​യാ​ണ് അ​പ​ക​ട​ത്തി​ൽ​പെ​ട്ട​ത്. ലോ​റി കൈ​വ​രി​യി​ൽ ഇ​ടി​ച്ച​തോ​ടെ മു​ൻ​വ​ശ​ത്തെ ഗ്ലാ​സ് ത​ക​ർ​ന്നാ​ണ്​ ഡ്രൈ​വ​ർ ആ​ക്കു​ളം കാ​യ​ലി​ലേ​ക്ക് തെ​റി​ച്ച്‌ വീ​ണ​ത്.

വീ​ണ ഭാ​ഗ​ത്ത് കാ​യ​ലി​ൽ കു​ള​വാ​ഴ​യും പു​ല്ലും നി​റ​ഞ്ഞ നി​ല​യി​ലാ​യ​തി​നാ​ൽ ഡ്രൈ​വ​ർ മു​ങ്ങി​ത്താ​ഴാ​തെ വെ​ള്ള​ത്തി​ൽ പൊ​ന്തി​ക്കി​ട​ക്കു​ക​യാ​യി​രു​ന്നു. സ്ഥ​ല​ത്തെ​ത്തി​യ തു​മ്പ പൊ​ലീ​സും ക​ഴ​ക്കൂ​ട്ടം അ​ഗ്നി​ര​ക്ഷാ സേ​ന​യും ചേ​ർ​ന്ന് ഇ​യാ​ളെ ര​ക്ഷ​പ്പെ​ടു​ത്തി ആം​ബു​ല​സ​ൻ​സി​ൽ മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ എ​ത്തി​ച്ചു. പ​രി​ക്ക് ഗു​രു​ത​ര​മ​ല്ല. ഡ്രൈ​വ​ർ ഉ​റ​ങ്ങി​പ്പോ​യ​താ​കാം അ​പ​ക​ട കാ​ര​ണ​മെ​ന്ന് പൊ​ലീ​സ് പ​റ​ഞ്ഞു. കാ​റു​ക​ൾ പു​റ​ത്തി​റ​ക്കി ഷോ​റൂ​മി​ലേ​ക്ക് മാ​റ്റി​യ ശേ​ഷം ഉ​ച്ച​ക്ക്​ ര​ണ്ടോ​ടെ ക്രെ​യി​ൻ എ​ത്തി​ച്ച് ലോ​റി അ​പ​ക​ട സ്ഥ​ല​ത്തു​നി​ന്ന് നീ​ക്കി. ആ​ക്കു​ളം പാ​ല​ത്തി​ൽ പ്ര​കാ​ശ​മി​ല്ലാ​ത്ത​ത്​ അ​പ​ക​ട സാ​ധ്യ​ത വ​ർ​ധി​പ്പി​ച്ചി​ട്ടു​ണ്ട്. ബൈ​പാ​സ്​ നാ​ലു​വ​രി​യാ​ക്ക​ൽ ജോ​ലി​ക​ൾ പൂ​ർ​ത്തി​യാ​യ​തോ​ടെ പ്ര​ധാ​ന ഇ​ട​ങ്ങ​ളി​ൽ തെ​രു​വു വി​ള​ക്കു​ക​ൾ സ്ഥാ​പി​ച്ചി​രു​ന്നെ​ങ്കി​ലും ആ​ക്കു​ളം പാ​ലം അ​വ​ഗ​ണി​ക്കു​ക​യാ​യി​രു​ന്നു.