കാണിക്കവഞ്ചി കുത്തിത്തുറന്ന് മോഷണം

മംഗലപുരം: മുരുക്കുംപുഴ ശ്രീകാളകണ്‌ഠേശ്വര ക്ഷേത്രത്തിന്റെ മുൻവശത്ത് സ്ഥാപിച്ചിരുന്ന കാണിക്കവഞ്ചി തകർത്ത് മോഷണം. ശനിയാഴ്ച രാത്രിയാണ് കാണിക്കവഞ്ചി കുത്തിത്തുറന്ന് മോഷണം നടത്തിയത്. ക്ഷേത്രത്തിനകത്ത് അതിക്രമിച്ച് കയറുകയും വാതിലുകൾ തകർക്കുകയും ചെയ്തു.

ക്ഷേത്ര അധികൃതർ മംഗലപുരം പൊലീസിൽ പരാതി നൽകി. പൊലീസ് സംഭവസ്ഥലത്തെത്തി പരിശോധന നടത്തി. ഈ പ്രദേശം സാമൂഹിക വിരുദ്ധരുടെ വിഹാരകേന്ദ്രമാണെന്ന് നാട്ടുകാർ പറയുന്നു.