ടെക്​നോപാർക്ക്: ​മഹാമാരിക്കാലത്തും കയറ്റുമതിയിൽ വർധന, 1600ഓളം തൊഴിലവസരവും

തി​രു​വ​ന​ന്ത​പു​രം: കോ​വി​ഡ് മ​ഹാ​മാ​രി​യു​ടെ വെ​ല്ലു​വി​ളി​ക​ള്‍ക്കി​ട​യി​ലും ടെ​ക്‌​നോ​പാ​ര്‍ക്കി​ല്‍ പു​തു​താ​യി 1,500ല​ധി​കം തൊ​ഴി​ല​വ​സ​രം സൃ​ഷ്ടി​ച്ച​താ​യി അ​ധി​കൃ​ത​ർ. 41 ക​മ്പ​നി​ക​ള്‍ക്കാ​യി ല​ക്ഷ​ത്തോ​ളം ച​തു​ര​ശ്ര അ​ടി സ്ഥ​ല​മാ​ണ് ടെ​ക്‌​നോ​പാ​ര്‍ക്കി​ല്‍ 2020-21ൽ ​അ​നു​വ​ദി​ച്ച​ത്. പു​റ​മേ 30 ക​മ്പ​നി​ക​ള്‍ക്ക്​ 1,10,000 ച​തു​ര​ശ്ര അ​ടി സ്ഥ​ലം അ​നു​വ​ദി​ക്കാ​ൻ ന​ട​പ​ടി പു​രോ​ഗ​മി​ക്കു​ക​യാ​ണ്. ഇ​തു​വ​ഴി 1,600ഓ​ളം തൊ​ഴി​ല​വ​സ​രം ഉ​ട​നു​ണ്ടാ​വും.

നി​ല​വി​ല്‍ 465 ക​മ്പ​നി​ക​ളി​ലാ​യി 63,700 ജീ​വ​ന​ക്കാ​രാ​ണ് ടെ​ക്‌​നോ​പാ​ര്‍ക്കി​ല്‍ പ്ര​വ​ര്‍ത്തി​ക്കു​ന്ന​ത്. ക​യ​റ്റു​മ​തി വ​രു​മാ​ന​ത്തി​ല്‍ മു​ന്‍ വ​ര്‍ഷ​ത്തേ​ക്കാ​ള്‍ 611 കോ​ടി രൂ​പ​യു​ടെ വ​ര്‍ധ​ന​യു​ണ്ടാ​യി. 460 ക​മ്പ​നി​ക​ളി​ല്‍ നി​ന്നാ​യി 8,501 കോ​ടി രൂ​പ​യു​ടെ ക​യ​റ്റു​മ​തി വ​രു​മാ​ന​മാ​ണ് ടെ​ക്‌​നോ​പാ​ര്‍ക്ക് നേ​ടി​യ​ത്. ക​ഴി​ഞ്ഞ സാ​മ്പ​ത്തി​ക​വ​ര്‍ഷം ടെ​ക്‌​നോ​പാ​ര്‍ക്കി​ലെ 450 ക​മ്പ​നി​ക​ളി​ല്‍ നി​ന്നാ​യി 7,890 കോ​ടി രൂ​പ​യാ​യി​രു​ന്നു ക​യ​റ്റു​മ​തി വ​രു​മാ​നം. 2019-20ൽ ​ടെ​ക്‌​നോ​പാ​ര്‍ക്കി​ലെ ജീ​വ​ന​ക്കാ​രു​ടെ എ​ണ്ണം 62,000 ആ​യി​രു​ന്നു. 20 മാ​സ​ത്തി​നി​ടെ 1,700 ജീ​വ​ന​ക്കാ​ര്‍ കൂ​ടി ടെ​ക്‌​നോ​പാ​ര്‍ക്കി​ല്‍ ജോ​ലി നേ​ടി.

ബ​ഹി​രാ​കാ​ശ സാ​ങ്കേ​തി​ക​വി​ദ്യ​ക​ളു​ടെ ഉ​ൽ​പാ​ദ​ന​വും വി​പ​ണ​ന​വും ല​ക്ഷ്യ​മി​ട്ട് ടെ​ക്‌​നോ​സി​റ്റി​യി​ല്‍ പ്ര​വ​ര്‍ത്ത​ന​മാ​രം​ഭി​ക്കാ​നൊ​രു​ങ്ങു​ന്ന 'ടി.​സി.​എ​സ് എ​യ്‌​റോ​സ്‌​പെ​യ്‌​സ് ഹ​ബ്', ലി​വ്-​വ​ര്‍ക്ക്-​പ്ലേ സ​ങ്ക​ല്‍പ​ത്തി​ല്‍ ടെ​ക്‌​നോ​പാ​ര്‍ക്ക് ഫെ​യ്‌​സ് ത്രീ ​കാ​മ്പ​സി​ല്‍ 57 ല​ക്ഷം ച​തു​ര​ശ്ര അ​ടി വി​സ്തൃ​തി​യി​ലൊ​രു​ങ്ങു​ന്ന 'എം​ബ​സി-​ടോ​റ​സ് ഡൗ​ണ്‍ടൗ​ണ്‍ ട്രി​വാ​ന്‍ഡ്രം', തു​ട​ങ്ങി​യ സം​രം​ഭ​ങ്ങ​ളി​ലൂ​ടെ നി​ര​വ​ധി തൊ​ഴി​ല​വ​സ​രം സൃ​ഷ്ടി​ക്ക​പ്പെ​ടു​മെ​ന്നാ​ണ് പ്ര​തീ​ക്ഷി​ക്കു​ന്ന​തെ​ന്ന്​ കേ​ര​ള സ്​​റ്റേ​റ്റ്​ ഐ.​ടി പാ​ര്‍ക്ക്‌​സ് സി.​ഇ.​ഒ ജോ​ണ്‍ എം. ​തോ​മ​സ് പ​റ​ഞ്ഞു.