നികുതി വെട്ടിപ്പ്: രണ്ട് ഉദ്യോഗസ്ഥർക്കുകൂടി സസ്പെൻഷൻ

തി​രു​വ​ന​ന്ത​പു​രം: കോ​ർ​പ​റേ​ഷ​ൻ സോ​ണ​ൽ ഓ​ഫി​സു​ക​ളി​ലെ നി​കു​തി​പ്പ​ണ ത​ട്ടി​പ്പു​മാ​യി ബ​ന്ധ​പ്പെ​ട്ട് ര​ണ്ട് ഉ​ദ്യോ​ഗ​സ്ഥ​ർ​ക്കു​കൂ​ടി സ​സ്പെ​ൻ​ഷ​ൻ. ആ​റ്റി​പ്ര സോ​ണ​ൽ ഓ​ഫി​സി​ലെ ചാ​ർ​ജ് ഓ​ഫി​സ​റാ​യി​രു​ന്ന സു​മ​തി, ശ്രീ​കാ​ര്യം സോ​ണ​ലി​ലെ ചാ​ർ​ജ് ഓ​ഫി​സ​റാ​യി​രു​ന്ന ല​ളി​താം​ബി​ക എ​ന്നി​വ​രെ​യാ​ണ് മേ​ൽ​നോ​ട്ട​പ്പി​ഴ​വ്​ ചൂ​ണ്ടി​ക്കാ​ട്ടി ന​ഗ​ര​കാ​ര്യ ഡ​യ​റ​ക്ട​ർ സ​സ്പെ​ൻ​ഡ്​ ചെ​യ്ത​ത്. ഇ​തോ​ടെ ത​ട്ടി​പ്പിെൻറ പേ​രി​ൽ അ​ച്ച​ട​ക്ക​ന​ട​പ​ടി​ക്ക്​ വി​ധേ​യ​രാ​യ ഉ​ദ്യോ​ഗ​സ്ഥ​രു​ടെ എ​ണ്ണം ഏ​ഴാ​യി. ക​ഴി​ഞ്ഞ ജ​നു​വ​രി 22 മു​ത​ൽ ജൂ​ലൈ ആ​റു​വ​രെ​യു​ള്ള തീ​യ​തി​ക​ൾ​ക്കി​ടെ അ​ഞ്ച് ദി​വ​സ​ങ്ങ​ളി​ലെ പ​ണ​മാ​ണ് ശ്രീ​കാ​ര്യ​ത്ത്​ ന​ഷ്​​പ്പെ​ട്ട​ത്.

ഓ​ഡി​റ്റ്​ വി​ഭാ​ഗം ന​ട​ത്തി​യ അ​ന്വേ​ഷ​ണ​ത്തി​ൽ ജ​നു​വ​രി, ഫെ​ബ്രു​വ​രി, മാ​ർ​ച്ച്, ജൂ​ൺ, ജൂ​ലൈ മാ​സ​ങ്ങ​ളി​ലാ​യി 5,12,785 രൂ​പ ന​ഷ്​​ട​പ്പെ​ട്ട​താ​യി ക​ണ്ടെ​ത്തി. മാ​ർ​ച്ച്​ വ​രെ ല​ളി​താം​ബി​ക​ക്കാ​യി​രു​ന്നു ചാ​ർ​ജ് ഓ​ഫി​സ​റു​ടെ ചു​മ​ത​ല. ഇ​വ​ർ സ്ഥ​ലം മാ​റി​പ്പോ​യ​തി​നെ​തു​ട​ർ​ന്ന് റ​വ​ന്യു ഇ​ൻ​സ്പെ​ക്ട​ർ​ക്ക് ചാ​ർ​ജ് ഓ​ഫി​സ​റു​ടെ ചു​മ​ത​ല ന​ൽ​കി. അ​വ​സാ​ന ര​ണ്ടു​ത​വ​ണ പ​ണം ത​ട്ടി​യ​ത് ആ​ർ.​ഒ ചാ​ർ​ജ് ഓ​ഫി​സ​റു​ടെ ചു​മ​ത​ല വ​ഹി​ക്കു​മ്പോ​ഴാ​ണ്.

സം​ഭ​വ​ത്തി​ൽ ഓ​ഫി​സ് അ​ൻ​റ​ൻ​ഡ​ൻ​റ് ബി​ജു​വി​നെ​യും കാ​ഷ്യ​ർ അ​നി​ൽ​കു​മാ​റി​നെ​യും നേ​ര​ത്തേ സ​സ്പെ​ൻ​ഡ്​ ചെ​യ്തി​രു​ന്നു. ആ​റ്റി​പ്ര സോ​ണ​ലി​നെ ത​ട്ടി​പ്പി​ൽ നേ​ര​ത്തേ ചെ​യി​ൻ​മാ​നാ​യ ജോ​ർ​ജ് കു​ട്ടി​യെ സ​സ്പെ​ൻ​ഡ് ചെ​യ്തി​രു​ന്നു. വ​കു​പ്പു​ത​ല അ​ന്വേ​ഷ​ണ​ത്തി​ന് ശേ​ഷ​മാ​ണ് ഇ​വി​ടെ​നി​ന്ന്​ സ്ഥ​ലം മാ​റി കൊ​ല്ലം കോ​ർ​പ​റേ​ഷ​നി​ൽ സേ​വ​ന​മ​നു​ഷ്ഠി​ച്ചി​രു​ന്ന സു​മ​തി​ക്കെ​തി​രെ ന​ട​പ​ടി​യു​ണ്ടാ​യി​രി​ക്കു​ന്ന​ത്.

ഓ​ഡി​റ്റി​ങ്​ റി​പ്പോ​ർ​ട്ട് സ​മ​ർ​പ്പി​ച്ചു

നേ​മം: തി​രു​വ​ന​ന്ത​പു​രം ന​ഗ​ര​സ​ഭ നേ​മം സോ​ണ​ൽ ഓ​ഫി​സി​ലെ ക്ര​മ​ക്കേ​ടു​മാ​യി ബ​ന്ധ​പ്പെ​ട്ട് ക​ഴി​ഞ്ഞ മൂ​ന്നു ദി​വ​സ​മാ​യി ന​ട​ന്നു​വ​രു​ന്ന ഓ​ഡി​റ്റി​ങ്ങി​നെ തു​ട​ർ​ന്ന്​ വി​ശ​ദ​മാ​യ റി​പ്പോ​ർ​ട്ട്​ തി​രു​വ​ന​ന്ത​പു​രം ന​ഗ​ര​സ​ഭ സെ​ക്ര​ട്ട​റി​ക്ക് അ​ന്വേ​ഷ​ണ ഉ​ദ്യോ​ഗ​സ്ഥ​ർ സ​മ​ർ​പ്പി​ച്ചു. നേ​മം സോ​ണ​ൽ ഓ​ഫി​സി​ൽ 26 ല​ക്ഷ​ത്തോ​ളം രൂ​പ​യു​ടെ അ​ഴി​മ​തി ന​ട​ന്ന​താ​യാ​ണ് സൂ​ച​ന. ഓ​ഡി​റ്റ് റി​പ്പോ​ർ​ട്ട് അ​ടി​സ്ഥാ​ന​ത്തി​ൽ ന​ഗ​ര​സ​ഭ റ​വ​ന്യൂ ഇ​ൻ​സ്പെ​ക്ട​റാ​ണ് നേ​മം പൊ​ലീ​സി​ൽ പ​രാ​തി ന​ൽ​കി​യ​ത്. പ​രാ​തി​യു​ടെ അ​ടി​സ്ഥാ​ന​ത്തി​ൽ പൊ​ലീ​സ് കേ​സെ​ടു​ത്തി​ട്ടു​ണ്ട്.

'പ​ക​ൽ​കൊ​ള്ള ന​ട​ത്തി​യ​വ​രെ സം​ര​ക്ഷി​ക്കു​ന്നു'

തി​രു​വ​ന​ന്ത​പു​രം: കോ​ർ​പ​റേ​ഷ​നി​ൽ പ​ക​ൽ​കൊ​ള്ള ന​ട​ത്തി​യ ഉ​ദ്യോ​ഗ​സ്ഥ​രെ മാ​ർ​ക്സി​സ്​​റ്റ്​ പാ​ർ​ട്ടി സം​ര​ക്ഷി​ക്കു​ന്ന​ത് ജ​ന​ങ്ങ​ളോ​ടു​ള്ള വെ​ല്ലു​വി​ളി​യാ​ണെ​ന്ന് പ്ര​തി​പ​ക്ഷ നേ​താ​വ് വി.​ഡി. സ​തീ​ശ​ൻ പ​റ​ഞ്ഞു. യു.​ഡി.​എ​ഫ് ന​ട​ത്തു​ന്ന ജ​ന​കീ​യ സ​ദ​സ്സു​ക​ളു​ടെ ന​ഗ​ര​ത​ല ഉ​ദ്ഘാ​ട​നം വെ​ട്ടു​കാ​ട് നി​ർ​വ​ഹി​ക്കു​ക​യാ​യി​രു​ന്നു അ​ദ്ദേ​ഹം.കോ​ൺ​ഗ്ര​സ്‌ മ​ണ്ഡ​ലം പ്ര​സി​ഡ​ൻ​റ്​ ബി. ​രാ​മ​ച​ന്ദ്ര​ൻ അ​ധ്യ​ക്ഷ​ത​വ​ഹി​ച്ചു.