ല​ക്ഷം​വീ​ട് പു​ന​രു​ദ്ധാ​ര​ണ പ​ദ്ധ​തി മു​ട​ങ്ങി​യി​ട്ട് മാ​സ​ങ്ങ​ൾ; ഞാ​ണ്ടൂ​ർ​ക്കോ​ണം പു​ളി​യ​ൻ​കോ​ട് കോളനിയിലെ കു​ടും​ബ​ങ്ങ​ൾ ദു​രി​ത​ത്തി​ൽ

ശ്രീ​കാ​ര്യം: ല​ക്ഷം വീ​ട് പു​ന​രു​ദ്ധാ​ര​ണ പ​ദ്ധ​തി തു​ട​ങ്ങി​യി​ട​ത്ത് ഉ​പേ​ക്ഷി​ച്ച​തി​നെ തു​ട​ർ​ന്ന് ഞാ​ണ്ടൂ​ർ​ക്കോ​ണം പു​ളി​യ​ൻ​കോ​ട് ല​ക്ഷം​വീ​ട്ടി​ലെ ഇ​രു​പ​തോ​ളം കു​ടും​ബ​ങ്ങ​ൾ ദു​രി​ത​ത്തി​ൽ. 25 മു​ത​ൽ 40 വ​ർ​ഷം വ​രെ പ​ഴ​ക്ക​മു​ള്ള വീ​ടു​ക​ളാ​ണ് കോ​ള​നി​യി​ലു​ള്ള​ത്.

കാ​ല​പ്പ​ഴ​ക്കം കാ​ര​ണം നി​ര​വ​ധി വീ​ടു​ക​ളു​ടെ ഒ​രു​ഭാ​ഗം ഇ​ടി​ഞ്ഞു​വീ​ഴു​ക​യും മ​റ്റു​ള്ള​വ ത​ക​ർ​ന്ന സ്ഥി​തി​യി​ലു​മാ​ണ്. കു​ടും​ബ​ങ്ങ​ൾ ന​ൽ​കി​യ പ​രാ​തി​യു​ടെ അ​ടി​സ്ഥാ​ന​ത്തി​ൽ കോ​ർ​പ​റേ​ഷ​ൻ പ​ദ്ധ​തി​യി​ലു​ൾ​പ്പെ​ടു​ത്തി പു​ന​രു​ദ്ധാ​ര​ണ​ത്തി​നാ​യി എ​സ്റ്റി​മേ​റ്റ് ത​യ്യാ​റാ​ക്കു​ക​യും ജ​നു​വ​രി മാ​സ​ത്തി​ൽ പ​ണി​യാ​രം​ഭി​ക്കു​ക​യും ചെ​യ്തു.

എ​ന്നാ​ൽ, എ​സ്റ്റി​മേ​റ്റി​ൽ വ​യ​റി​ങ് ജോ​ലി ഉ​ൾ​പ്പെ​ടു​ത്തി​യി​ട്ടി​ല്ലാ​ത്ത​തി​നാ​ൽ പ​ണി മു​ട​ങ്ങി. തു​ട​ർ​ന്ന് പൊ​തു​മ​രാ​മ​ത്ത് സ്ഥി​രം​സ​മി​തി ചെ​യ​ർ​മാ​ൻ ഉ​ൾ​പ്പ​ടെ​യു​ള്ള​വ​ർ കോ​ള​നി സ​ന്ദ​ർ​ശി​ച്ച്​ വ​യ​റി​ങ് എ​സ്റ്റി​മേ​റ്റ് ത​യ്യാ​റാ​ക്കു​ക​യും ചെ​യ്തു. എ​ന്നി​ട്ടും പ​ണി ആ​രം​ഭി​ച്ചി​ട്ടി​ല്ല. ര​ണ്ടു വീ​ടു​ക​ളു​ടെ പ​ണി മാ​ത്ര​മേ ഇ​തു​വ​രെ പൂ​ർ​ത്തി​യാ​ക്കാ​ൻ ക​ഴി​ഞ്ഞി​ട്ടു​ള​ളു.

പ​ണി​ക​ൾ ആ​രം​ഭി​ച്ച​പ്പോ​ൾ ഈ ​വീ​ടു​ക​ളി​ൽ​നി​ന്ന് വാ​ട​ക​ക്ക്​ മാ​റി​യ​വ​ർ​ക്ക് വാ​ട​ക ന​ൽ​കാ​ൻ പ​റ്റാ​ത്ത അ​വ​സ്ഥ​യാ​ണ്. പൊ​ട്ടി​പൊ​ളി​ഞ്ഞ വീ​ടു​ക​ളി​ൽ താ​മ​സി​ക്കു​ന്ന​വ​രി​ൽ മി​ക്ക​വ​രും 60 വ​യ​സ്സി​നു മു​ക​ളി​ലു​ള്ള​വ​രും ഭി​ന്ന​ശേ​ഷി​ക്കാ​രും കാ​ൻ​സ​ർ രോ​ഗി​ക​ളും വി​ക​ലാം​ഗ​രു​മാ​ണ്.

ചെ​റി​യ മ​ഴ​യി​ൽ വീ​ടി​ന​ക​ത്ത് ചോ​ർ​ന്നൊ​ലി​ക്കു​ക​യാ​ണ്. വ​ലി​യ മ​ഴ​യി​ൽ എ​ങ്ങ​നെ വീ​ട്ടി​ൽ ക​ഴി​യു​മെ​ന്ന് വീ​ട്ടു​കാ​ർ ചോ​ദി​ക്കു​ന്നു. എ​ത്ര​യും​വേ​ഗം പ​ണി തു​ട​ങ്ങ​ണ​മെ​ന്നും ഇ​ല്ലെ​ങ്കി​ൽ ശ​ക്ത​മാ​യ പ്ര​തി​ഷേ​ധ പ​രി​പാ​ടി​ക​ളു​മാ​യി മു​ന്നോ​ട്ട് പോ​കു​മെ​ന്നും കൗ​ൺ​സി​ല​ർ നാ​ലു​മാ​സ​മാ​യി വ​രു​ക​യോ വി​ളി​ച്ചാ​ൽ ഫോ​ൺ എ​ടു​ക്കു​ന്നി​ല്ലെ​ന്നും വീ​ട്ടു​കാ​ർ പ​റ​യു​ന്നു.

എ​ന്നാ​ൽ, വീ​ടു​ക​ളു​ടെ പ​ണി തു​ട​ങ്ങാ​ൻ കാ​ല​താ​മ​സ​മെ​ടു​ക്കു​ന്ന​ത് ക​രാ​റു​കാ​ര​ന്റെ പി​ടി​പ്പു​കേ​ടാ​ണെ​ന്നും കോ​ർ​പ​റേ​ഷ​ൻ അ​ധി​കൃ​ത​രെ അ​റി​യി​ച്ചി​ങ്കി​ലും ന​ട​പ​ടി​യി​ല്ലെ​ന്നും കൗ​ൺ​സി​ല​ർ ആ​ശ ബാ​ബു പ​റ​ഞ്ഞു.