‘വിഷ’മായി കപ്പലപകടം; പിടക്കും മീനിനും ഡിമാൻഡില്ല, മത്സ്യകച്ചവടക്കാർ ആശങ്കയിൽ

തി​രു​വ​ന​ന്ത​പു​രം: പൂ​ന്തു​റ​യി​ലെ ക്രി​സ്റ്റി​ൻ​മേ​രി​ക്കും വേ​ളി​യി​ലെ അ​റു​പ​തു​ക​ഴി​ഞ്ഞ സൂ​സി​ക്കും ഏ​ക വ​രു​മാ​ന​മാ​ർ​ഗം മീ​ൻ​ക​ച്ച​വ​ട​മാ​ണ്. ക​ഴി​ഞ്ഞ ര​ണ്ടാ​ഴ്ച​യാ​യി ഇ​വ​രു​ടെ വ​രു​മാ​ന​ത്തി​ന് സം​ഭ​വി​ച്ച​ത് വ​ലി​യ ഇ​ടി​വാ​ണ്. മു​ങ്ങി​യ ക​പ്പ​ലി​ലെ ക​ണ്ടെ​യ്ന​റു​ക​ൾ മു​ട​ക്കി​യ​ത് ഇ​വ​രെ പോ​ലു​ള്ള അ​നേ​കം ചെ​റു​കി​ട മ​ത്സ്യ​ക്ക​ച്ച​വ​ട​ക്കാ​രു​ടെ വ​രു​മാ​ന​മാ​ണ്. അ​യ്യോ വേ​​ണ്ടേ... എ​ന്ന മ​റു​പ​ടി​യാ​ണ് ര​ണ്ടാ​ഴ്ച​യാ​യി ആ​ളു​ക​ളി​ൽ നി​ന്ന്​ ക​ച്ച​വ​ട​ക്കാ​ർ കേ​ൾ​ക്കു​ന്ന​ത്. എ​ന്നാ​ൽ തീ​രെ വി​ല കു​റ​വി​ൽ കി​ട്ടി​യാ​ൽ വാ​ങ്ങാ​ൻ ആ​ളു​ക​ൾ ത​യാ​റാ കു​ന്നു​മു​ണ്ട്.

ക​ട​പ്പു​റ​ത്തു​നി​ന്ന് വ​ൻ​തു​ക മു​ട​ക്കി വാ​ങ്ങു​ന്ന മ​ത്സ്യം വ​ള​രെ വി​ല കു​റ​ച്ച് വി​ൽ​ക്കേ​ണ്ട അ​വ​സ്ഥ​യാ​ണ് ഇ​പ്പോ​ൾ ക​ച്ച​വ​ട​ക്കാ​ർ​ക്ക്. ക​ണ്ടെ​യ്ന​റു​ക​ളി​ലു​ള്ള​ത് അ​പ​ക​ട​പ​ര​മാ​യ രാ​സ​വ​സ്തു​ക്ക​ളാ​ണെ​ന്ന തെ​റ്റി​ദ്ധാ​ര​ണ​യി​ലാ​ണ് ആ​ളു​ക​ൾ മീ​ൻ വാ​ങ്ങാ​ൻ മ​ടി​ക്കു​ന്ന​തെ​ന്നും ക​ച്ച​വ​ട​ക്കാ​ർ പ​റ​യു​ന്നു. ക​ശു​വ​ണ്ടി, ക​വ​ർ, ത​ടി തു​ട​ങ്ങി​യ​വ​യാ​ണ് ക​ഴി​ഞ്ഞ ര​ണ്ടാ​ഴ്ച​യാ​യി സം​സ്ഥാ​ന​ത്തി​ന്റെ വി​വി​ധ തീ​ര​ങ്ങ​ളി​ല​ടി​ഞ്ഞ ക​ണ്ടെ​യ്ന​റു​ക​ളി​ൽ നി​ന്ന് ക​ണ്ടെ​ത്തി​യ​ത്. എ​ന്നാ​ലും ആ​ളു​ക​ൾ മ​ത്സ്യം വാ​ങ്ങാ​ൻ താ​ൽ​പ​ര്യം കാ​ണി​ക്കു​ന്നി​ല്ലെ​ന്ന് ക​ച്ച​വ​ട​ക്കാ​ർ പ​റ​യു​ന്നു.

ഹോ​ട്ട​ലു​ക​ളി​ലേ​ക്ക് 10,000 രൂ​പ​ക്ക്​ മു​ക​ളി​ൽ മീ​ൻ വാ​ങ്ങാ​ൻ എ​ത്തി​യി​രു​ന്ന​വ​ർ ര​ണ്ടാ​ഴ്ച​യോ​ള​മാ​യി വ​ള​രെ കു​റ​ഞ്ഞ വി​ല​ക്ക് മാ​ത്ര​മാ​ണ് മീ​നു​മാ​യി മ​ട​ങ്ങു​ന്ന​ത്. മീ​നി​ൽ വി​ഷാം​ശം ഉ​ള്ള​താ​യി മാം​സ​ക്ക​ച്ച​വ​ട​ക്കാ​ർ ആ​ളു​ക​ളെ തെ​റ്റി​ദ്ധ​രി​പ്പി​ക്കു​ന്നെ​ന്നാ​ണ്​ മ​ത്സ്യ ക​ച്ച​വ​ട​ക്കാ​രു​ടെ ആ​രോ​പ​ണം. മു​ങ്ങി​യ ക​പ്പ​ലി​ലെ ക​ണ്ടെ​യ്ന​റു​ക​ളി​ലെ വ​സ്തു​ക്ക​ളു​ടെ പ​ട്ടി​ക സ​ർ​ക്കാ​ർ പു​റ​ത്തു​വി​ട്ടി​രു​ന്നു. ഈ ​സാ​ഹ​ച​ര്യ​ത്തി​ൽ ത​ൽ​സ്ഥി​തി മാ​റു​മെ​ന്ന പ്ര​തീ​ക്ഷ​യി​ലാ​ണ് സം​സ്ഥാ​ന​ത്തി​ന്റെ വി​വി​ധ ഭാ​ഗ​ങ്ങ​ളി​ലെ ചെ​റു​കി​ട മ​ത്സ്യ​ക്ക​ച്ച​വ​ട​ക്കാ​ർ.

കാ​ല​വ​ർ​ഷ​ത്തെ തു​ട​ർ​ന്നു​ണ്ടാ​യ ക​ട​ൽ​​​ക്ഷോ​ഭം കാ​ര​ണം മ​ത്സ്യ​ബ​ന്ധ​ന​ത്തി​ന്​ തീ​ര​ത്ത്​ വി​ല​ക്കാ​യി​രു​ന്നു. മി​ക്ക​വീ​ടു​ക​ളും വ​റു​തി​യി​ലേ​ക്കും ക​ട​ന്നി​രു​ന്നു. കാ​ല​വ​ർ​ഷം​മാ​റി ക​ട​ൽ​ശാ​ന്ത​മാ​യി മ​ത്സ്യ​ബ​ന്ധ​ന​ത്തി​ന്​ പോ​യി കൊ​ണ്ടു​വ​രു​ന്ന മ​ത്സ്യ​ത്തി​നാ​ണ്​ ഇ​​പ്പോ​ൾ ഡി​മാ​ൻ​ഡ്​ കു​റ​വ്. മ​ത്സ്യം​വാ​ങ്ങ​ൽ ആ​ളു​ക​ൾ കു​റ​ച്ച​തോ​ടെ പ​ക​രം മി​ക്ക​വ​രും കോ​ഴി​യി​റ​ച്ചി​യെ ആ​ശ്ര​യി​ക്കു​ക​യാ​ണ്. ഇ​ത്​ മു​ന്നി​ൽ​ക​ണ്ട്​ കോ​ഴി​യി​റ​ച്ചി​യു​ടെ വി​ല ക​ച്ച​വ​ട​ക്കാ​ർ പ​ല​രും കൂ​ട്ടി​യി​ട്ടു​ണ്ട്.