ലൈംഗികാതിക്രമം; അഭിഭാഷകൻ അറസ്​റ്റിൽ

തിരുവനന്തപുരം: ജോലി വാഗ്ദാനം ചെയ്ത് സ്ത്രീയെ ലൈംഗികമായി അതിക്രമിച്ച കേസിൽ അഭിഭാഷകൻ അറസ്​റ്റിൽ. ഉള്ളൂര്‍ ബാലസുബ്രമണ്യ ക്ഷേത്രത്തിന്​ സമീപം റോസ് ഗാർഡൻസ്​ കൃഷ്ണകൃപയില്‍ മുരളീകൃഷ്ണനെയാണ് (45) മെഡിക്കല്‍ കോളജ് പൊലീസ് അറസ്​റ്റ്​ ചെയ്തത്.

കുമാരപുരത്ത് ജോബ്‌ കൺസൾട്ടൻസി സ്ഥാപനം നടത്തുന്ന പ്രതി പുളിയറക്കോണം സ്വദേശിയായ യുവതിയോട്​ ജോലി വാങ്ങിനല്‍കാമെന്നും അതിനായി അഭിമുഖത്തിന് എത്തണമെന്നും ആവശ്യപ്പെടുകയായിരുന്നു. ഡി.സി.പി ഡോ.ദിവ്യ വി. ഗോപിനാഥിെൻറ നിർദേശാനുസരണം കഴക്കൂട്ടം സൈബർ സിറ്റി അസിസ്​റ്റൻറ്​ കമീഷണർ അനിൽകുമാർ, മെഡിക്കൽ കോളജ് എസ്.എച്ച്.ഒ ഹരിലാൽ, എസ്.ഐ പ്രശാന്ത്, എസ്​.സി.പി.ഒമാരായ രഞ്ജിത്, അനിൽകുമാർ, സി.പി.ഒ പ്രതാപൻ എന്നിവരടങ്ങുന്ന പൊലീസ് സംഘമാണ് അന്വേഷണത്തിനും അറസ്​റ്റിനും നേതൃത്വം നൽകിയത്.