പരിശീലനത്തിനിടെ സ്കൂബാ ടീം ഓഫിസർക്ക് ഗുരുതര പരിക്ക്

പോത്തൻകോട്: പോത്തൻകോട് ചിറ്റിക്കര പാറമടയിൽ പരിശീലനത്തിനിടെ ഫയർഫോഴ്സ് സംഘത്തിലെ സ്കൂബാ ടീം ഓഫിസർക്ക് ഗുരുതരമായി പരിക്കേറ്റു. വിഴിഞ്ഞം ഫയർഫോഴ്സ് സ്​റ്റേഷനിലെ ഫയർ ഓഫിസർ ജെ. രതീഷാണ് പരിക്കേറ്റതിനെതുടർന്ന് അബോധാവസ്ഥയിലായത്.

വെഞ്ഞാറമൂട്ടിലെ സ്വകാര്യ മെഡിക്കൽ കോളജ് ആശുപത്രിയിലും തുടർന്ന് തിരുവനന്തപുരത്തെ സ്വകാര്യ ആശുപത്രിയിലും പ്രവേശിപ്പിച്ച രതീഷി​െൻറ നില ഗുരുതരമാണ്. രതീഷ് ഉൾപ്പെടെ നാലംഗ സംഘമാണ് ഇന്നലെ ചിറ്റിക്കര പാറമടയിൽ പരിശീലനത്തിനായി ഇറങ്ങിയത്. 15 മീറ്റർ ആഴത്തിലാണ്​ ഡൈവ് ചെയ്തത്​.