പകുതി വിലക്ക്​ സ്കൂട്ടറും ലാപ്​ടോപ്പും; തലസ്ഥാനത്ത്​ 11 സൊസൈറ്റികള്‍ രൂപവത്​കരിച്ച് ആറുകോടി തട്ടി

തി​രു​വ​ന​ന്ത​പു​രം: പ​കു​തി വി​ല​ക്ക്​ സ്കൂ​ട്ട​റും ലാ​പ്​​ടോ​പ്പും ത​യ്യ​ൽ മെ​ഷീ​നു​മ​ട​ക്കം സാ​ധ​ന​ങ്ങ​ൾ വാ​ഗ്ദാ​നം ചെ​യ്ത് ന​ട​ന്ന ത​ട്ടി​പ്പി​ൽ ത​ല​സ്ഥാ​ന​ത്തും നി​ര​വ​ധി​പേ​ർ ക​ബ​ളി​പ്പി​ക്ക​പ്പെ​ട്ടു. തലസ്ഥാനത്ത്​ 11 സൊസൈറ്റികള്‍ രൂപവത്​കരിച്ച് കോഓഡിനേറ്റര്‍മാരെ ഉപയോഗിച്ച് ആറുകോടിയോളം രൂപയുടെ തട്ടിയെന്നാണ്​ പൊലീസ്​ കണക്കാക്കുന്നത്​. പോത്തന്‍കോട്, ആര്യനാട്, വെള്ളറട, നെടുമങ്ങാട് തുടങ്ങിയ പ്രദേശങ്ങളിലാണ് നിരവധിപേര്‍ക്ക്​ പണം നഷ്ടമായത്. വഞ്ചിയൂര്‍ കേന്ദ്രീകരിച്ചാണ് സൊസൈറ്റിയുടെ ആസ്ഥാനമന്ദിരം പ്രവര്‍ത്തിച്ചിരുന്നത്​.

ഏ​ജ​ന്റു​മാ​രെ​യും സ​ന്ന​ദ്ധ സം​ഘ​ട​ന​ക​ളെ​യും രാ​ഷ്ട്രീ​യ നേ​താ​ക്ക​ളെ​യും തെ​റ്റി​ദ്ധ​രി​പ്പി​ച്ചാ​ണ് ത​ട്ടി​പ്പ്​ ന​ട​ത്തി​യ​ത്. ത​ട്ടി​പ്പി​നി​ര​യാ​യ​വ​രി​ൽ കൂ​ടു​ത​ലും സ്ത്രീ​ക​ളാ​ണ്. ഗ്രാ​മ​പ​ഞ്ചാ​യ​ത്തു​ക​ൾ, കു​ടും​ബ​ശ്രീ, സ​ന്ന​ദ്ധ സം​ഘ​ട​ന​ക​ൾ, ട്ര​സ്റ്റു​ക​ൾ തു​ട​ങ്ങി​യ കൂ​ട്ടാ​യ്മ​ക​ളു​ടെ മ​റ​വി​ലാ​ണ്​ ത​ട്ടി​പ്പ്. പ​ല​യി​ട​ത്തും സ്ത്രീ​ക​ള്‍ക്ക് ആ​ദ്യ​ഘ​ട്ട​ത്തി​ല്‍ പ​കു​തി വി​ല​ക്ക്​ സ്‌​കൂ​ട്ട​റും മ​റ്റും ല​ഭി​ച്ച​തോ​ടെ പ​ദ്ധ​തി​ക്ക്​ വി​ശ്വാ​സ്യ​ത ല​ഭി​ച്ചു. ഇ​തു​സം​ബ​ന്ധി​ച്ച്​ പോ​ത്ത​ന്‍കോ​ട് സ്റ്റേ​ഷ​നി​ല്‍ ല​ഭി​ച്ച പ​രാ​തി​യു​ടെ അ​ടി​സ്ഥാ​ന​ത്തി​ൽ പൊ​ലീ​സ്​ അ​ന്വേ​ഷ​ണം ആ​രം​ഭി​ച്ചു. ക​ര​മ​ന​യി​ലെ ദീ​പ്തി ചാ​രി​റ്റ​ബി​ള്‍ ട്ര​സ്റ്റ് സ്ത്രീ​ക​ള്‍ക്ക്​ പ​കു​തി വി​ല​ക്ക്​ സ്‌​കൂ​ട്ട​റും ത​യ്യ​ല്‍ മെ​ഷീ​നും ന​ല്‍കു​മെ​ന്ന്​ പ​റ​ഞ്ഞ്​ പ​ണ​പ്പി​രി​വ് ന​ട​ത്തി​യെ​ന്നാ​ണ്​ പ​രാ​തി.

ചാ​രി​റ്റ​ബി​ള്‍ ട്ര​സ്റ്റി​ന്റെ ഏ​ജ​ന്റ് ദേ​വീ​ദാ​സ​ന്‍ പോ​ത്ത​ന്‍കോ​ട് പ​ഞ്ചാ​യ​ത്ത് പ്ലാ​മൂ​ട് വാ​ര്‍ഡ്​ പ്ര​തി​നി​ധി എ​ല്‍. അ​നി​ത​കു​മാ​രി​യെ​യാ​ണ്​ ആ​ദ്യം സ​മീ​പി​ച്ച​ത്. കു​ടും​ബ​ശ്രീ​യി​ല്‍ അ​ട​ക്കം പ്ര​വ​ര്‍ത്തി​ക്കു​ന്ന സ്ത്രീ​ക​ള്‍ക്ക്​ പ​കു​തി വി​ല​ക്ക്​ സാ​ധ​ന​ങ്ങ​ള്‍ ന​ല്‍കാ​മെ​ന്ന് പ​റ​ഞ്ഞാ​യി​രു​ന്നു ആ​ളു​ക​ളെ ചേ​ർ​ത്ത​ത്. ഇ​തി​ന്‍റെ അ​ടി​സ്ഥാ​ന​ത്തി​ൽ 12 സ്തീ​ക​ള്‍ക്ക്​ 62,000 രൂ​പ വീ​തം ന​ഷ്ട​മാ​യി. 1.22 ല​ക്ഷം രൂ​പ​യു​ടെ സ്‌​കൂ​ട്ട​റി​ന്റെ പ​കു​തി വി​ല​യാ​യ 62,000 രൂ​പ ആ​ദ്യം അ​ട​ച്ചാ​ൽ ബാ​ക്കി തു​ക ക​മ്പ​നി​ക​ളു​ടെ സി.​എ​സ്.​ആ​ര്‍ ഫ​ണ്ടി​ല്‍നി​ന്ന് ല​ഭി​ക്കു​മെ​ന്നും ഒ​രു മാ​സ​ത്തി​നു​ള്ളി​ല്‍ സ്‌​കൂ​ട്ട​ര്‍ ന​ല്‍കു​മെ​ന്നു​മാ​യി​രു​ന്നു വാ​ഗ്ദാ​നം. പ​ണ​മ​ട​ച്ച്​ സ്ത്രീ​ക​ൾ​ക്ക്​ ചാ​രി​റ്റ​ബി​ള്‍ സൊ​സൈ​റ്റി​യു​ടെ ര​സീ​ത് ന​ല്‍കി. ഒ​രു വ​ര്‍ഷം ക​ഴി​ഞ്ഞി​ട്ടും സ്‌​കൂ​ട്ട​ര്‍ ന​ൽ​കാ​തെ ഏ​ജ​ന്റ് മു​ങ്ങി​യ​തോ​ടെ​യാ​ണ്​ സ്ത്രീ​ക​ൾ പ​രാ​തി​യു​മാ​യെ​ത്തി​യ​ത്.

ദീ​പ്തി ചാ​രി​റ്റ​ബി​ള്‍ സൊ​സൈ​റ്റി​ക്കെ​തി​രെ പോ​ത്ത​ന്‍കോ​ട് ഗ്രാ​മ​പ​ഞ്ചാ​യ​ത്ത്​ പ്ര​സി​ഡ​ന്റ് ടി.​ആ​ര്‍. അ​നി​ല്‍കു​മാ​ർ, പ്ലാ​മൂ​ട് വാ​ര്‍ഡ്​ പ്ര​തി​നി​ധി എ​ല്‍. അ​നി​ത​കു​മാ​രി എ​ന്നി​വ​രാ​ണ് പോ​ത്ത​ന്‍കോ​ട് സ്റ്റേ​ഷ​നി​ല്‍ പ​രാ​തി ന​ല്‍കി​യ​ത്. 2023 മാ​ര്‍ച്ചി​ല്‍ 56,000വും 60,000​വും രൂ​പ വീ​തം നി​ര​വ​ധി​പേ​രി​ല്‍നി​ന്ന്​ വാ​ങ്ങി​യെ​ന്ന്​ പ​രാ​തി​യി​ല്‍ പ​റ​യു​ന്നു.