ജി.യു.പി സ്കൂളിൽ ഇപ്പോഴും ക്യാമ്പ്​; കുട്ടികൾക്കും താമസക്കാർക്കും ‘ദുരിതപാഠം’

തി​രു​വ​ന​ന്ത​പു​രം: വ​ലി​യ​തു​റ ജി.​യു.​പി സ്​​കൂ​ളി​ലെ ദു​രി​താ​ശ്വാ​സ ക്യാ​മ്പി​ൽ ഇ​പ്പോ​ഴും എ​ട്ട്​ കു​ടും​ബ​ങ്ങ​ളു​ണ്ട്. വ​ലി​യ​തു​റ, കൊ​ച്ചു​തോ​പ്പ്​ ഭാ​ഗ​ങ്ങ​ളി​​ൽ താ​മ​സി​ച്ചി​രു​ന്ന​വ​രാ​ണി​വ​ർ. തി​ര​യെ​ടു​ത്ത വീ​ടു​ക​ളി​ലെ അം​ഗ​ങ്ങ​ൾ. ക്ലാ​സ്​ മു​റി​ക​ളി​ൽ അ​ന്തി​യു​റ​ങ്ങു​ന്ന ഇ​വ​ർ​ക്ക്​ സ്കൂ​ൾ വ​ള​പ്പി​ലെ താ​മ​സം ‘ദു​രി​ത​പാ​ഠ’​മാ​ണ്. മു​ട്ട​ത്ത​റ​യി​ൽ നി​ർ​മാ​ണം പൂ​ർ​ത്തി​യാ​യ തീ​ര​ദേ​ശ ദു​രി​താ​ശ്വാ​സ അ​ഭ​യ​കേ​ന്ദ്രം ക്യാ​മ്പി​ലു​ള്ള​വ​ർ​ക്ക്​ ന​ൽ​കാ​ൻ സ​ർ​ക്കാ​ർ ത​യാ​റാ​യി​ട്ടി​ല്ല.

കു​റെ പേ​ർ ബ​ന്ധു​വീ​ടു​ക​ളി​ൽ അ​ഭ​യം തേ​ടി. വാ​ട​ക​യാ​യി 5,500 രൂ​പ സ​ർ​ക്കാ​ർ വാ​ഗ്ദാ​നം ചെ​യ്​​തെ​ങ്കി​ലും ര​ണ്ടു മാ​സ​ത്തെ തു​ക മാ​ത്ര​മാ​ണ്​ ഇ​വ​ർ​ക്ക്​ ല​ഭി​ച്ച​ത്. ക്യാ​മ്പി​ൽ ഇ​പ്പോ​ഴു​ള്ള​വ​രി​ൽ കൂ​ടു​ത​ലും വാ​ർ​ധ​ക്യ​സ​ഹ​ജ​മാ​യ ആ​രോ​ഗ്യ​പ്ര​ശ്ന​മു​ള്ള​വ​രാ​ണ്. പ​ല​ർ​ക്കും ക്ലാ​സ്​ മു​റി​ക​ളി​ലെ ദു​രി​ത​ജീ​വി​തം കൂ​നി​ൻ​മേ​ൽ​ക്കു​രു​വാ​ണ്.

ക്യാ​മ്പ്​ പ്ര​വ​ർ​ത്തി​ക്കു​ന്ന സ്കൂ​ളി​നു​മു​ണ്ട്​ ഏ​റെ പ്ര​യാ​സം. ആ​റ്​ പ​തി​റ്റാ​ണ്ടി​ന്‍റെ പാ​ര​മ്പ​ര്യ​മു​ള്ള വ​ലി​യ​തു​റ ഗ​വ. യു.​പി സ്കൂ​ളി​ൽ ഒ​ന്നു​മ​ത​ൽ ഏ​ഴു വ​രെ ക്ലാ​സു​ക​ളി​ലാ​യി ഇ​പ്പോ​ഴു​ള്ള​ത്​ 60 കു​ട്ടി​ക​ളാ​ണ്. സ്കൂ​ളി​ലേ​ക്കു​ള്ള പ്ര​ധാ​ന ക​വാ​ട​ത്തി​ൽ നി​ന്ന്​ ക​യ​റു​ന്ന​ത്​ ദു​രി​താ​ശ്വാ​സ ക്യാ​മ്പി​​ലേ​ക്കാ​ണ്. സേ​വ്​ ഫോ​റം എ​ന്ന സം​ഘ​ട​ന ന​ൽ​കി​യ പ​രാ​തി​യി​ൽ ബാ​ലാ​വ​കാ​ശ ക​മി​ഷ​നി​ൽ വി​ചാ​ര​ണ​ ന​ട​ക്കു​ന്നു​ണ്ട്. ക്യാ​മ്പ്​ തു​ട​രു​ന്ന​തി​നാ​ൽ വി​ദ്യാ​ർ​ഥി​ക​ളു​​ടെ പ​ഠ​ന​ത്തെ ബാ​ധി​ക്കു​ന്നു​ണ്ടെ​ന്നാ​ണ്​ പ​രാ​തി.

അ​തേ​സ​മ​യം, ക്യാ​മ്പി​ൽ താ​മ​സി​ക്കു​ന്ന​വ​രി​ൽ ചി​ല​ർ സ​ർ​ക്കാ​ർ വാ​ട​ക​പ​റ്റി ക്യാ​മ്പി​ൽ തു​ട​രു​ക​യാ​ണെ​ന്ന്​ വാ​ർ​ഡ്​ കൗ​ൺ​സി​ല​ർ ടി.​ആ​ർ. ഐ​റി​ൻ പ​റ​ഞ്ഞു. വാ​ട​ക കൈ​പ്പ​റ്റി​യി​ട്ടും ഇ​വ​ർ ക്യാ​മ്പ്​ വി​ട്ടു​പോ​കാ​ത്ത​ത്​ സ്കൂ​ളി​ന്‍റെ പ്ര​വ​ർ​ത്ത​ന​ത്തെ സാ​ര​മാ​യി ബാ​ധി​ച്ചി​ട്ടു​ണ്ട്. ഒ​ഴി​യ​ണ​മെ​ന്ന്​ ആ​വ​ശ്യ​പ്പെ​ട്ട്​ പ​ല​ത​വ​ണ ച​ർ​ച്ച ന​ട​ത്തി​യി​ട്ടും ത​യാ​റാ​കു​ന്നി​ല്ല.